Zańdar halyqaralyq quqyqpen úılesim tabady

Keshe Parlament Senatynyń Tóraǵasy Qaırat Mámıdiń tóraǵalyq etýimen joǵary palatanyń osy sessııadaǵy sońǵy otyrysy boldy. Senattyń bul otyrysynda qa­­raý úshin palata bıýrosy 18 másele usynypty. Onyń eń al­ǵashqysy Respýblıkalyq bıýd­jet­tiń atqarylýyn baqylaý jó­nindegi esep komıtetiniń múshesin saılaý eken. Ol boıynsha depýtattar Parlament Senaty Tór­aǵasynyń usynysyn qaraı kelip, kezinde Memlekettik qarjy-ba­qy­laý komıtetinde, Joǵarǵy Ke­ńestegi baqylaý palatasynda, Qarjy mınıstrliginde jaýapty qyzmetter atqarǵan senator Janseıit Sársenqulovty taǵaıyn­daý­ǵa ózderiniń tolyq qosy­la­tyn­dyqtaryn daýystaryn berýlerimen dáleldedi. Sóıtip, bu­rynǵy senator kásibı salaǵa qyz­met aýystyrdy. Sonymen qatar, palata basqa jumysqa aýysýyna baılanysty Parlament Senaty­nyń depýtaty J.Sársen­qulov­tyń ókilettigin toqtatty. Birinshi kezekte qaralǵan «Qa­zaqstan Respýblıkasy men Túrik Respýblıkasy arasyndaǵy Stra­te­gııalyq áriptestik týraly shart­ty ratıfıkasııalaý týraly» zań jobasyna negiz bolǵan ýaǵda­lastyq 2009 jylǵy 22 qazanda Ankara qalasynda jasalǵan bo­la­tyn. Sharttyń maqsaty Qazaq­stan men Túrkııa arasyndaǵy saıa­sı, ekonomıkalyq, ǵylymı-teh­nı­kalyq, ekologııalyq, aqparat­tyq, gýmanıtarlyq, mádenı jáne basqa da salalardaǵy ekijaqty yntymaqtastyqqa jańa sapa berý, sondaı-aq onyń quqyqtyq ba­zasyn nyǵaıtý bolyp ta­by­la­dy. Qazaqstan táýelsizdigin al­ǵan­da alǵash tanyǵan baýyrlas tú­rik elimen yntymaqtastyqty kóz­deıtin zań jobasyna depýt­tat­­tar biraýyzdan qoldaý bil­dirdi. Munan soń depýtattar, kún tártibine sáıkes, birqatar halyq­aralyq kelisimder men shart­tar­dy talqylap, ratıfıkasııalaý tý­raly zań jobalaryn qabyldady. Bul kúni senatorlar aldyna eń jıi shyqqan mınıstr elimizdiń Ekonomıkalyq ıntegrasııa mı­nıs­tri Janar Aıtjanova boldy. Janar Seıdahmetqyzy bir emes, baqandaı 5 zań jobasyna qatys­ty minberge kóterildi. Ol negi­zinen elimizdiń ıntegrasııalyq birlestikterge – Keden odaǵy men Biryńǵaı ekonomıkalyq keńis­tik­ke qatysýshy memleketterdiń qyz­metine qatysty kelisimder toptamasyn ratıfıkasııalaý má­seleleri bolatyn. Kelisimderdegi málimetter boı­ynsha J.Aıtjanova, Aýyl sharýa­shylyǵy mınıstri A.Mamyt­bekov, Ulttyq Bank tóraǵa­synyń orynbasary B.Tájiıaqov depýtat­tar­dyń kóptegen saýaldaryna jaý­ap berdi. Talqylaý nátıjesi boıynsha zań jobalary qabyl­dan­dy. Al turǵyn úı qatynas­ta­ry jáne ıslamdyq qarjylandy­rýdy uıymdastyrý máseleleri boıynsha zań jobalary Senat en­gizgen ózgeristerimen Parlament Májilisine qaıtaryldy. Osy sessııanyń sońǵy oty­ry­synda qaralýǵa tıis máselelerdiń ishine «Qazaqstan Respýblıka­sy­nyń Úkimeti men Fransýz Res­pýblıkasynyń Úkimeti ara­syn­da­ǵy Azamattyq qorǵanys, tótenshe jaǵdaılardyń aldyn alý jáne olardy joıý salasyndaǵy yn­ty­maq­tastyq týraly kelisimdi ra­tı­fıkasııalaý týraly» jáne «Qa­zaqstan Respýblıkasynyń Úki­meti men Fransýz Respýblıka­sy­nyń Úkimeti arasyndaǵy Fran­sýz Respýblıkasy Qarýly Kúsh­te­riniń Aýǵanstan Islam Res­pýblıkasyn turaqtandyrý men qalpyna keltirý jónindegi is-qı­myldarǵa qatysýyna baılanysty Qazaqstan Respýblıkasynyń aýma­ǵy arqyly áskerı múlik pen personaldyń tranzıtin qamta­masyz etý týraly kelisimdi ratı­fıkasııalaý týraly» zańdar en­gizilgen eken, olar da qabyldan­dy. Basqa da birqatar zań jo­balary maquldandy. Otyrys sońynda joǵary pa­la­tanyń basshysy bıylǵy ses­sııadaǵy Senat qyzmetiniń qory­tyndylary týraly aıtty jáne depýtattyq korpýs pen palata apparatynyń qyzmetkerlerine qa­jyrly qyzmetine oraı rıza­shylyǵyn bildirdi. Otyrysta dástúr boıynsha senatorlar tarapynan depýtat­tyq saýaldar jarııa etildi. A.Bı­janov, R.Ahmetov, H.Valıev, Q.Baımahanov jáne S.Plotnıkov el ómirindegi kókeıkesti másele­ler boıynsha depýtattyq saýaldaryn joldady. Anar TО́LEÝHANQYZY.