Atqarýshy dırektormen kezdesti

22 maýsymda Qazaqstan Respýblıkasynyń Syrtqy ister mınıstri Erjan Qazyhanov Azııadaǵy ózara is-qımyl jáne senim sharalary jónindegi keńestiń (AО́SShK) Atqarýshy dırektory Chınar Aldemırdi qabyldady, dep habarlady osy vedomstvonyń baspasóz qyzmeti. Qabyldaý kezindegi áńgi­mede Qazaqstan syrtqy saıasat vedom­stvosynyń basshysy AО́SShK ýaqyt ótken saıyn álemdik qo­ǵam­dastyqta joǵary bedelge ıe bolyp kele jatqanyn atap ótti. Mınıstrdiń atap ótýinshe, buǵan BUU-nyń Keńesti Ortalyq Azııa­daǵy, sondaı-aq Aýǵanstandaǵy ter­rorızmmen kúres jónindegi ju­mys tobyna kirgizgeni jáne EQYU-nyń janjaldardyń al­dyn alý boıynsha  jumys tobyna engizgeni naqty dálel bolady. Erjan Qazyhanov, sondaı-aq Túr­kııanyń AО́SShK tóraǵa­ly­ǵy­na qoldaý kórsetkeni úshin resmı Ankaraǵa alǵys aıtty. Oǵan my­sal retinde Túrkııa Prezıdenti Abdýlla Gúldiń Avstrııaǵa memlekettik sapary barysynda AО́SShK-niń negizgi basymdyq­ta­ry­na arnal­ǵan tusaýkeserdi keltirdi. Qabyldaýda taraptar osy jyl­­dyń kúzinde Nıý-Iorkte óte­tin BUU Bas Assambleıasy kezekti otyrysynyń alańynda AО́SShK Syrtqy  ister mınıstr­leriniń beıresmı keńesin shaqyrý jónindegi Túrkııanyń usynysyn da talqylady. Kezdesý kezinde mınıstr Atqarýshy dırektordy osy maýsym aıynyń sońynda Astanada ótetin IKU Syrtqy ister mınıstrleri keńesiniń 38-shi ses­sııa­synyń kún tártibimen tanys­tyrdy. Álısultan QULANBAI.