Qos quramanyń qýanyshy

Astanada grek-rım kúresinen Qa­zaqstan Respýblıkasy Prezıdenti Nur­sul­tan Nazarbaevtyń Kýbogy jolyn­daǵy II halyqaralyq týrnır aıaqtaldy. «Samuryq-Qazyna» UÁQ» AQ-tyń bas demeýshiligimen, Týrızm jáne sport mınıstrliginiń qoldaýymen ótken týrnır bas-aıaǵyna deıin qyzyqty jáne tartysty ótti. Onda quramalar eki topqa bólinip, «A» tobynda Qazaqstan-2, О́zbekstan, Qyr­ǵyzstan, Ázirbaıjan men Vengrııa komandalary kúsh synassa, «V» tobynda túıe balýan Nurmahan Tinálıev bastaǵan Qazaqstannyń birinshi quramasy, Ońtús­tik Koreıa, Japonııa, Qytaı men Belarýs balýandary beldesti. Osy toptarda úzdik shyqqan tórt komanda jartylaı fınalda kezdesip, sheshýshi synǵa joldama aldy. Sóıtip, jartylaı fınalda qarsylas­tary­nan ese jibergen Qazaqstan-2 qura­masy men Ońtústik Koreıa balýandary úshinshi oryn úshin beldesse, fınalda Qazaqstannyń birinshi quramasy Vengrııa komandasymen kezdesti. Osy eki kezdesý de bilikti bapker Mu­rat­bek Qasymhanov basqaratyn qurama­lary­myz úshin ońaı bolǵan joq. Ásirese, fınalda bizdiń balýandarymyz ben bapkerlerimiz biraz qara terge tústi deýge bolady. 7 salmaq dárejesinde ótken fınalda Qazaqstan-1 komandasy qarsylas­taryn 4:3 esebimen jeńip, bas júldege ıe boldy. Bul básekede Ashat Qudaıber­genov (55 kg.), Ashat Dilmuhammedov (74 kg.), Almat Kebisbaev (60 kg.) pen asa aýyr salmaqtaǵy Nurmahan Tinálıev vengrlerdi jeńse, Darhan Baıahmetov (66 kg.), Alzahor О́zdıev (84 kg.) pen Marǵulan Ásem­bekov (96 kg.) ese jiberip aldy. Fınalda Tinálıev pen Dık-Bardos Mıhalıdıdiń beldesýi tartysty ótti. Sol kúni eki alyptyń kúresine deıin tabloda esep 3:3 bolyp turdy. 74 kg. salmaqqa deıin Qazaq­stan quramasy 3:1 esebimen jeńip jatqan bolatyn. A.О́zıev pen M.Ásembekovtiń jeńilisi vengrlerge esepti teńestirýge múm­kindik berdi. Alaıda, bizdiń túıe balýan­nyń namysqa tyrysyp, sońǵy sátte vengrdi alyp soqqanda «Dáýlet» sport keshenine jınalǵan myńdaǵan jankúıerlerdiń es-túsi ketti dese bolady. Osy kezde Nurmahan ózine laıyqty batyr degen atty taǵy da dáleldedi. Al úshinshi oryn úshin kezdesýde Qazaqstan-2 qu­ramasy Koreıa balýandaryn 5:2 esebimen utty. Bizdiń komandada Nurbaqyt Teńiz­baev (60 kg.), Aıbek Eńsehanov (66 kg.), Áset Ádilov (74 kg.), Janarbek Qab­dolov (84 kg.), Esengeldi Jalǵasbaev (120 kg.) jeńiske jetse, Bekjan Myrzalıev (55 kg.) pen Jasulan Sydyqov (96 kg.) ese jiberdi. Sóıtip, qola júldeni ıelengen ekin­shi quramamyzǵa 10 myń AQSh dol­lary, ekinshi oryndaǵy Vengrııaǵa 15 myń AQSh dollary, al bas júldeni jeńgen Qazaq­stan-1 komandasyna 25 myń AQSh dol­lary tabys etildi. Al qalǵan koman­dalarǵa 5 myń AQSh dollarynan tara­tyldy. Osy týrnırde qazaq balýandary tek bizdiń eki quramamyzda ǵana emes, shetel komandalarynyń sapynda da óner kór­setti. Mysaly, Qytaı quramasynda Ǵy­lym­bek Qanapııauly, Esjan Muhtarjan beldesse, Belarýs sapynda bir jyldan beri osy eldiń azamattyǵyn alǵan Erbol Qalabaev kúsh synasty. Ol bilikti bapker Sapýnovtan tálim alǵan kórinedi. Taǵy bir aıtatyn nárse, týrnırge halyqaralyq kúres qaýymdastyǵynyń prezıdenti Ra­fael Martınettı myrza da kelgen bo­latyn. Ol osy múmkindikti paıdalanyp, elimiz kúresin órkendetýge qosqan úlesi úshin bir top azamattarǵa FILA ordenin tabys etti. Sóıtip, FILA-nyń «Altyn» or­deni Týrızm jáne sport mınıstri Tal­ǵat Ermegııaevke, Olımpıada chempıony Jaqsylyq Úshkempirov pen bilikti bapker Vadım Psarevke berilse, «Kúmis» orden eńbek sińirgen jattyqtyrýshy Tańat Saǵyndyqovqa, Kúres federasııasynyń vıse-prezıdenti Raıa Úderbaeva men bapker Muhtar Abdýlınge tabys etildi. Al «Samuryq-Qazyna – Astana» qorynyń bas dırektory, dańqty balýan Dáýlet Tur­lyhanovty Rafael Martınettı qur­met pen dostyqtyń belgisi retinde FILA-nyń tós belgisimen marapattady. Dastan KENJALIN.