Tabıǵat qııanatty kótermeıdi

Keshe Qorshaǵan ortany qorǵaý mınıstrliginde vedomstvo bas­shy­sy Nurǵalı Áshimniń tóraǵ­a­lyq etýimen jáne elimiz Bas pro­kýrorynyń orynbasary Andreı Kravchenkonyń qatysýymen «Ta­bıǵat paıdalanýshylarmen ekolo­gııalyq zańnamanyń saqtalýy tý­raly» máselesin talqylaǵan mı­nıstrliktiń keńeıtilgen alqa otyrysy bolyp ótti. Oǵan memlekettik oryndardyń jaýapty qyzmetkerleri men úkimettik emes uıymdardyń ókilderi qatysty. Ekologııalyq retteý jáne ba­qylaý komıtetiniń tóraǵasy Sa­ǵyn­bek Mutashev óz baıanda­masynda quqyq buzýshylyq­tar­dyń tómendeýi tabıǵat paıdala­ný­shylardyń jaýapkershilik deń­geıin arttyrýǵa baǵyttalǵan mı­nıstrliktiń tabıǵat qorǵaý saıa­satynyń iske asyrylýynyń nátı­jesi bolyp tabylatyndyǵyn jet­kizdi. Sondaı-aq, ol bul tusta zań buzýshylyqtardyń aldyn alý­ǵa jáne óndiristik baqylaýdy kú­sheıtýge baǵyttalǵan baqylaý ınspeksııalyq qyzmetti reformalaý da úlken mańyzǵa ıe ekendigin nazardan tys qaldyrmady. Bas prokýrordyń orynbasary Andreı Kravchenko tabıǵat qorǵaý zańnamasynyń buzylýyn azaıtý­ǵa múmkindik beretin prokýratýra or­gan­darynyń uıymdastyry­lýy­men júrgizilgen tekserýdiń ma­ńyz­dyly­ǵyn atap ótti. Alqa oty­rysynda shtattan tys jaǵdaılar nátıje­sin­de tehnıkalyq jabdyq­taý jumy­syn­da alaýlardaǵy ilespe gazdardy jaǵý esebinen zııan­dy zattar shy­ǵarýǵa turaqty túr­de jol beretin kásiporyndardyń jumystary da aıtyldy. Olardyń qatarynda «Te­ńizshevroıl» JShS, «Nort Kas­pıan Opereıtıng kompanıı B.V.» syndy kompanııalar bar. «Qazaqmys korporasııasy» JShS, «Arselor Mıtall Temirtaý» AQ jáne «Qazsınk» JShS sııaqty iri metallýrgııalyq kom­bı­nattarynda shań jáne gaz tazart­qysh jabdyqtardy paıdalaný erejesiniń buzylýy, onyń ishin­de shań jáne gaz tazartqysh qu­byrlarynyń tesilýleri men bu­zylýlary oryn alǵan. О́tken jyly ǵana elimiz boıynsha ekolo­gııalyq zańnamany buzǵany úshin jalpy somasy 5,8 mlrd. teńgege 8203 aıyppul salynyp,onyń 5,02 mlrd. teńgege 7142 aıyppuly óndirilgen. Basqosýdy qorytyndylaı kele mınıstr Nurǵalı Áshim tabı­ǵat paıdalanýshylar ekologııalyq zań­na­ma talaptaryn saqtaýǵa ishki ba­qylaýlardy kúsheıtýleri men ta­bıǵat paıdalanýǵa ruqsat qu­jat­taryn alý kezinde ázirlenetin ta­bıǵat qorǵaý is-sharalaryn to­lyq kólemde iske asyrýlary kerektigin jetkizdi. Sonymen birge óndiristik nysandarda shtattan tys jaǵdaı­lardy boldyrmaýǵa baǵyttalǵan sharalar keshenin ázirleýleri tıis ekendigine erekshe toqtaldy. Jıyn sońynda vedomstvo bas­shysy BAQ ókilderin kele jatqan kásibı merekelerimen quttyqtap, qorshaǵan ortany qorǵaý salasyn kórsetýge úles qosýda belsendilik tanytyp júrgen jýrnalısterge arnaıy alǵys hattar men syı-sııa­pattar jasady. Sondaı-aq, bir­qa­tar sala qyzmetkerlerine «Eko­lo­gııa isiniń úzdigi» ataǵyn tabys etti. Ábdirahman QYDYRBEK.