Jas áleýmettanýshylar forýmy

Almaty qalasyndaǵy Dostyq úıinde jas áleýmettanýshylardyń birinshi forýmy óz jumysyn aıaqtady. Qazaqstan Respýblıkasy Áleýmettanýshylarynyń 4-shi kongresi aıasynda ótkizilgen bul sharaǵa jas áleýmettanýshy ǵalymdar, doktoranttar, magıstranttar men joǵary oqý oryndarynyń stýdentteri qatysty. Ál-Farabı atyndaǵy QazUÝ-dyń prorektory, áleýmettaný ǵylymdarynyń doktory, professor Sholpan Jamanbalanovanyń aıtýynsha, atalǵan forým Qazaq­standaǵy áleýmettanýdyń strate­gııalyq turǵydan odan ári damýy úshin mańyzdy. «Forým jas, jigerli ǵalymdardyń basyn biriktiretin, kásibı áleýmettanýshylar men jas ǵalymdar arasynda pikir almasýǵa laıyqtalǵan, dástúrli alań bolady dep oılaımyn», dedi ol jýrnalısterge bergen shaǵyn suhbatynda. Forým aıasynda kishigirim jáne iri qalalardaǵy jastardyń sýb­mádenıeti, Qazaqstanda jańa saıası mádenıetti qalyptastyrý jol­dary, orta mektepterde dinı bilim berý, eldegi áıelderdiń kásip­kerligi, zamanaýı áleýmettik bilim berý, t.b taqyryptar talqylandy. Qazaqstan Respýblıkasynyń Tuńǵysh Prezıdenti Qory janyn­daǵy Jas ǵalymdar keńesiniń tór­aıymy, áleýmettaný ǵylym­dary­­nyń doktory Gúlmıra Ábdi­ra­ıymova jastar árqashan kúsh-jigerimen, shyǵarmashylyq belsendiligimen erekshelenetindigin, álem ózgerip jatqan tusta eldiń ǵylymı áleýetin kóterý júgi eń aldymen osy jas ǵalym­dardyń moınyna artylatyn­dyǵyn tilge tıek etti. – Ǵylym árqashan da mańyzdy. Qazirgi modernızasııa kezeńinde ol tabysqa jetýdiń mańyzdy bir bóligine aınalady. Jańa ıdeıalar, múmkindikter men mazmundylyq – bul qazirgi jas ǵalymdarǵa qoıylar talap. Búgingi kezdesý otandyq ǵylymǵa úles qosyp júr­gen jastardyń áleýetin art­tyrýǵa serpin beredi dep oılaı­myn. Biz sizderden tek ǵylymı zertteýlerdiń qorytyndylaryn ǵana emes, qazaqstandyq qoǵam­nyń ekonomıkalyq jáne áleý­mettik máselelerine qatysty da erekshe usynystardy kútemiz, – dedi G.Ábdiraıymova jas áleý­mettanýshy mamandar aldynda sóılegen sózinde. Shara barysynda jas áleý­mettanýshylardyń eńbekteri qo­rytyndylanyp qana qoımaı, túr­li suraq-jaýap almasýlar men pikirtalastar júrgizilip, tájirıbe bólisý, usynys jasaý sekildi jas mamandardyń qabilet-qarym­dary da kórinis tapty. Sondaı-aq Forým sońynda rezolıýsııa qa­byl­danyp, jas áleýmettaný­shy­lar qaýymdastyǵynyń jetekshisi saılandy. Bilim jáne ǵylym, Mádenıet mınıstrlikteriniń jáne Almaty qalasy ákimdiginiń qoldaýymen ótip otyrǵan jas áleýmet­taný­shylardyń birinshi forýmyn Q­a­zaqstan áleýmettanýshylar qaýym­dastyǵy uıymdastyrdy. Qanat ESKENDIR, Almaty.