Sanıtarlyq avıasııany úılestirý ortalyǵy ashyldy

О́tken senbide Premer-Mınıstr Kárim Másimovtyń qatysýymen Ulttyq medı­sı­na­lyq holdıng bazasynda res­pýblıkalyq sanıtarlyq avıa­sııany úılestirý ortaly­ǵy­nyń tanystyrylymy bo­lyp ótti. Oǵan tórt mınıstr qatysyp, arnaıy buıryqqa qol qoıdy. Memleket basshysy N.Na­zar­baevtyń tapsyrmasyna sáıkes, halyqtyń densaýlyǵyn nyǵaıtý baǵytynda kóptegen is-sharalar júzege asyrylýda. Sonyń biri eldegi Densaýlyq saqtaý sala­syn damytýdyń 2011-2015 jyl­darǵa arnalǵan «Salamatty Qa­zaq­stan» memlekettik baǵdarlamasy. Osy baǵdarlama aıasynda medısı­nalyq kólik avıasııasyn damytý esebinen elimizdiń alys jáne barý joly qıyn aýdandarynda tura­tyn halyqqa kórsetiletin medı­sı­nalyq kómekti sapalyq jańa deńgeıge kóterý isi tórt jyldyq baǵdarlamanyń alǵashqy jylyn­da-aq óz nátıjesin berip otyr. Ol úshin respýblıkalyq bıýdjet qa­ra­jaty esebinen 50 jyl­jymaly medısınalyq keshen (onyń 11-i qazirgi ýaqytta turǵyndarǵa konsýltatıvtik keńes berýde), 16 tik­ushaq satyp alý, 3 poıyz-em­ha­nany iske qosý jóninde sheshim qabyl­danǵan. Jyljymaly me­dısınalyq kómek aıasynda «Jár­dem», «Den­saý­lyq» poıyzdarynyń elimizdiń shalǵaı aımaqtary turǵyndaryna joǵary medısınalyq kómek kór­setýiniń mańyzy zor. Elbasynyń tapsyrmasyn oryn­­daý maqsatynda Astana qala­syn­da­ǵy Ulttyq medısı­nalyq holdıng bazasynda respýblıkalyq sanı­tar­lyq avıasııany úılestirý orta­lyǵynyń tanystyrylymyna Densaýlyq saqtaý mınıstri S.Qa­ıyrbekova,  Ishki ister mınıstri Q.Qasymov, Tótenshe jaǵdaılar mınıstri V.Bojko, sondaı-aq, Kó­lik jáne kommýnıkasııa mınıstri B.Qamalıev qatysty. Kezdesý barysynda atalǵan tórt mınıstrlik  jol apaty kezinde alǵashqy medısınalyq kómek kórsetý úshin birigip jumys isteý negizindegi buıryqqa qol qoıdy. Sanıtarlyq avıasııany damytýdaǵy basty maqsat – respýblıkalyq jáne ob­ly­styq mańyzy bar trassalarda jol-kólik apattary kezinde zardap shekkenderge shuǵyl medı­sı­nalyq kómek kórsetý. Bul rette, Densaýlyq saqtaý mınıstrligi zardap shekkenderge medısınalyq kómek kórsetse, Tótenshe jaǵ­daılar mınıstrligi qajet bolǵan jaǵdaıda dárigerlerdi tikushaq­pen qamtamasyz etip, oqıǵa orny­nan zardap shekken adamdy jedel túrde oblystyq nemese respýb­lıkalyq mańyzy bar aýrýhana­larǵa jetkizbek. Al, Ishki ister jáne Kólik jáne kommýnıkasııa mınıstrlikteri oqıǵa oryn alǵan trassalarda jol qoz­ǵalysy qaýip­siz­digin qamtama­syz etpek. Son­daı-aq, Qazaqstannyń barlyq aı­maqtaryndaǵy jol-kólik oqıǵa­lary týraly aqparat sanıtarlyq avıasıalyq orta­lyq­qa kelip tús­pek. Aqparat kelip túsken jaǵ­daıda, oqıǵa or­nyna jaqyn mań­daǵy medı­sı­nalyq kómek brı­gadasy jiberiledi. Taǵy bir eskerte ketetin jáıt, respýblıkalyq sanıtarlyq avıa­sııany úılestirý ortalyǵy shilde aıynyń aıaǵynda tolyǵymen iske qosylmaq. Juldyz BAIDILDA.