Jańa turǵyn úıler alabynda boldy

Keshe Elbasy Nursultan Nazarbaev Astanadaǵy «Grand Astana» turǵyn úı kesheni men sol jaǵalaýdaǵy «BI Village» kottedjdi turǵyn úıler alabyn aralady. Túske deıin qara bult túıilip, jańbyr sebezgilep turǵan Astana aspany Elbasy qalaǵa shyq­qan­da shaıdaı ashylyp, jarqy­rap sala berdi. Prezıdent prob­le­malyq nysandardyń quryly­sy­men jáne «AQQB «Jańa qu­rylys» JShS úleskerlerdi tur­ǵyn úılermen qamtý barysymen tanysty. Elba­sy «Qýat» qu­ry­lys korporasııasy bastap salǵan úılerdegi úles­ker­ler ózderine tıisti úılerdi ala­tynyna kózi jet­kenin atap ótti. Biraq bola­shaq­ta úleskerler osyn­daı jaǵ­daıǵa tap bolmaýǵa ózderi de bekem bolýlary kerek, dedi Memleket basshysy.

Qazir munda qurylys-montaj jumystary aıaqtalyp, aýmaǵyn abattandyrý, syrtqy ınjenerlik jelilerdi tartý, avtoturaqty jaı­lastyrý sekildi jumystar jal­ǵasyp jatyr. Jospar boı­yn­sha keshen jyldyń tórtinshi toq­sa­nyn­da paıdalanýǵa beriledi. Aıta keterligi sol, vedom­stvo­ara­lyq komıssııanyń sheshimine sáı­kes 34 nysan problemalyq bolyp sanalady. Sonyń 19-nyń qury­lysyn Úkimet «AQQB «Jańa qurylys» JShS-in tartyp, res­pýblıkalyq bıýdjetten qarajat bólý arqyly aıaqtap jatyr. Bú­gingi kúni 19 nysannyń 17-niń qurylysy aıaqtalyp qaldy. So­nyń biri – aýmaǵy 540 myń sharshy metr bolatyn «Tursyn Astana» TK. Búgingi kúni 5360 úlesker ókimettiń kómegimen turǵyn úıge qol jetkizdi. Prezıdent N.Nazarbaev Esil­diń sol jaǵalaýyndaǵy «BI Village» kottedjdi turǵyn úıler alabynyń ashylýyna da qatysty. Osy jerde Elbasy kottedj­der­diń birine kirip, onyń turǵyn­da­ryn jańa qonystarymen qut­tyq­tady. О́ziniń alǵan áserin jýrnalıstermen bóliskende Elbasy: «Biz ortalyqty saldyq, endi qa­lanyń tóńireginde halyqqa jaı­ly osyndaı jekemenshik úıler salynýda. Úı salamyn degen as­ta­nalyqtar osyndaı arhıtektýradan úlgi alýy qajet. Mundaı shaǵyn aýdandarda birtekti arhıtektýra bolýy kerek. Kósheler men olardyń boıaýlary úılesimdi bolsa, sándi bolyp kórinedi», dedi. Sony­men birge, Prezıdent bıik qamal­dardan qutylý kerektigin aıtty. Qurylys jumystaryn júrgi­zip jatqan «Vi Group» kompa­nııa­synyń bas dırektory Aıdyn Rahymbaevtyń aıtýyna qaraǵan­da, osy alapta 9 kottedjder kenti bolady. Búgingi ashylyp jatqany – sonyń birinshisi. Onyń 30 paı­yzdaıyn satyp alǵan. Kot­tedj­derdiń bir sharshy metriniń quny 1150-1350 AQSh dollary kóle­minde kórinedi. Al kottedjdiń óz alańy 113,9 sharshy metrden 350 sharshy metr aralyǵynda. Alap­tyń jalpy alańy – 8,5 gektar. Al­ǵashqy kent 94 kottedjden turady. Jaqsybaı SAMRAT, Sýretterdi túsirgender S.BONDARENKO, B.OTARBAEV.