Kottedjdi qalashyq

Taldyqorǵan shahary ob­lys ortalyǵyna aınalǵan on jylda jasanǵan qyzdaı boı túzedi. Osylaısha qala kóp qabatty turǵyn úı jáne ásem mádenı-turmystyq, sport ǵı­ma­rat­tarymen tolyqty. Qala­ǵa kireberistegi bos jatqan ashyq alańda qýatty tehnıkalar jumysyn jalǵastyryp, qyzý eńbek qarqyn alǵan edi. Osy kezde «biletinder» jaqsy jańalyqty jamyraı jetkizip júrdi. Endi, mine, sonyń shyn­dyǵyna kóz jetip, 100 gektardan astam jer telimindegi bar­lyq ınfraqurylymy qarasty­rylǵan birneshe qabattan tura­tyn, úsh sanatty jeke turǵyn úıler boı kóteretindikten ha­lyq ony qýanyshpen qabyl­daý­da. «Jetisý» áleýmettik-ká­sip­­kerlik korporasııasy kóp­shi­likti atalǵan jobamen ta­nys­tyryp, munda úsh sanat­ty 690 jeke úı salynatynyn jetkizdi. Olardyń jartysy «ekonom klasty» (100-150 shar­shy metr), 30 paıyzy «stan­dart klasty» (150-230 sharshy metr) jáne 20 paıyzy (200 sharshy metrden joǵary) elı­taly úıler quraıtyn bola­dy. Sondaı-aq belgilengen baǵa­nyń eń tómengisi sharshy metrine 115 myń teńge, joǵarǵysy 186 myń teńgeni quraıdy. Ult­tyq kompa­nııanyń basqarma tór­aǵasy Ba­qyt Ataıbekovtiń má­lim­deýinshe, úsh kezeń boıynsha júzege asy­rylatyn joba birer jylda to­lyq aıaqtalyp, 33 700-ge jýyq turǵyndy kottedjdi qa­lashyqqa qonystandyrý jos­parlanyp otyr. Jańa qalashyqta 600 balaǵa arnalǵan mektep,  2 balabaqsha, emhana qurylystarynyń syzba­sy da nazarǵa usynyldy. Kottedj jobasynda sonymen qatar ákimshilik-turmystyq, kommer­sııa­lyq nysandar, saýda oıyn-saýyq, bıznes ortalyqtary, kók kúmbezdi meshit, qonaq úı, meıramhana, mádenı-turmystyq oryn­dar boı kóterip, qurylysqa sapaly materıaldar paıdalany­latyndyǵymen de baǵaly. Qalashyqtyń ınjenerlik-kom­mýnıkasııalyq ınfraqury­ly­­myn júrgizýge respýblı­ka­lyq bıýdjetten 2,5 mlrd. teńge qarjy qarastyrylyp, «AGS-Plast» JShS bıylǵy qazan aıy­na deıin aıaqtaýdy alǵa qoı­­ǵan. Budan soń jedel bas­talatyn qalashyq syzbasynda 24 kóshege qonystanatyn sándi úılerdiń qataryn kóremiz. Atalǵan qu­ry­lysqa qajetti ınves­tı­sııanyń jalpy kólemi 20 826 mln. teńge bolsa, onyń 16 417 mln. teńgesi turǵyn úı qury­ly­syna jumsalady. Qa­la­shyq­taǵy salynatyn úıler­ge óńir­degi «Stroıtel», «Temir-beton» seriktestikteri men basqa da kásiporyndarda shy­ǵa­ry­la­tyn materıaldardy qol­daný kózdelgen. Munyń ózi óńir eko­nomıkasyn damytýdyń birden-bir kepili. Baspanaǵa degen qajetti­likti óteý úshin turǵyndardyń úleskerlik qatysýy ekinshi deń­geıli bankter men ıpoteka­lyq nesıelendirý «Turǵyn­úıqurylysjınaqbanki» AQ jú­ıe­simen taǵy basqa memlekettik baǵdarlamalardyń qara­jaty esebinen nesıelendirý jaǵy qarastyrylatyn bolady. Kúmisjan BAIJAN, Almaty oblysy.