Daýyl

«Qazgıdromet» memlekettik qa­zynalyq kásipornynyń ha­bar­laýynsha, 27 maýsymda Almaty qa­lasynda jeldiń kúshi sekýn­dyna 11 metrge, taýly jerlerde 13-16 metrge, al «Medeý», «Kamenskoe plato», «Býtakovka» eldi mekenderi mańynda 26 metrge jet­ken. Tótenshe jaǵdaı sal­da­rynan 4 adam túrli dene ja­ra­qatyn alyp, olar №7 jáne №12 qalalyq aýrýhanalarǵa ornalas­tyrylǵan. Qalanyń joǵarǵy ja­ǵynda ornalasqan «Balbulaq» shı­pajaıynan 41 bala, 11 ata-ana, 20 qyzmetker, «Alataý» shı­pa­jaıynan 42 bala qaýipsiz aı­maqqa kóshirilip, jalpy sany 114 adamǵa kómek kórsetilgen. Qala boıynsha 0,4 kVt-qa deıingi el­ektr tasymaldaýshy áýe jelileri úzilip, Bostandyq, Almaly jáne Áýezov aýdandarynda 13 qosalqy elektr stansalary isten shyqqan. Kóshe boıyndaǵy kólik­ter­ge, kisi júretin joldarǵa 19 aǵash qulaý oqıǵasy tirkelip, Bos­tandyq pen Medeý aýdan­darynda 17 úıdiń shatyry ushyp ketken. Bul daýyldan kelgen shyǵyn. Al endi burshaq aralas jaýyn­nyń saldary óz aldyna bir tóbe. Qaladaǵy aryq joldaryn tolyq tazartyp úlgermegendikten, sý kóshelerde sel bop aǵyp, jekelegen aýdandarda jertóleler men jer úılerdi sý basý oqıǵasy tirkeldi. Esentaı ózeniniń baty­syn­da ornalasqan Ál-Farabı dań­ǵy­ly boıyndaǵy jer asty avtomobıl joly sýǵa tolyp ketip, ony qalpyna keltirý isimen Almaty qalalyq Tótenshe jaǵdaılar de­par­tamentiniń órt sóndirý qyz­me­ti jáne qalalyq «Qutqarý qyz­meti» mekemesi aınalysty. Kishi Almaty shatqaly jel tur­sa japa shegetin aımaqqa aı­nalǵanyn jasyrmaý kerek. Bul joly da 520 aǵash qulap, «Býtakovka» men «Medeý» keshenine kireberistegi ekologııalyq beketke ba­ratyn kólik joly taǵy da ja­by­lyp qalǵan. Doly daýyl 1 bıl­bord­ty, 7 jol belgisin, 2 avtobýs aıal­damasy men 12 elektr jelisin jaramsyz etip qatty zaqymdaǵan. Tek keshkisin ǵana bir baǵyt boı­ynsha kólik joly ashylyp, za­qym­dalǵan 14 kólik pen ózge de 123 kólik qaýipsiz orynǵa kóshirilgen. Qazir «Medeý», «Kamenskoe plato», «Býtakovka» mańynda qu­la­ǵan aǵashtar sany bes myńǵa jetip otyr. Al qala boıynsha 161 aǵash opyrylyp túsken. Tó­tenshe jaǵdaılar departamenti men arnaıy qurylǵan top jol jıekterindegi aǵashtardy tazartý isimen qyzý aınalysyp jatyr. Qanat ESKENDIR, Almaty.