Batysqazaqstandyq polıseıler jańa kólikterge ıe boldy. Batys Qazaqstan oblysy ákiminiń birinshi orynbasary Nurlan Noǵaev oblystyq ishki ister departamentinde bolyp, sý jańa 26 jeńil avtokólik, 2 avtobýs, 1 traktordyń kiltin tabys etti. Oblys bıýdjetinen qarjylandyrylyp, quny 120 mıllıon teńgege satyp alynǵan bul tehnıkalar oblystyq jol polısııasy basqarmasyna, Oral qalalyq ishki ister basqarmasyna, Bórli jáne Zelenov aýdandyq ishki ister bólimderine bólindi.
– Ýchaskelik polısııa ınspektory – ishki ister organdarynyń aldyńǵy sheptegi jasaǵy. Sol sebepti olardyń jumystary qyzmet atqaratyn aýmaqta únemi bolýdy talap etedi. Oblys ortalyǵy mańyndaǵy eldi mekenderdiń tez damýyna baılanysty Úkimettiń «Qoǵamdyq tártipti nyǵaıtý jáne ishki ister mekemeleri ýchaskelik polısııa ınspektorlarynyń rólin arttyrý boıynsha qosymsha sharalar týraly» qaýlysyna sáıkes, Oral qalasy ákimdigi tarapynan turǵyndarǵa qyzmet kórsetý úshin ýchaskelik polısııa pýnktterin kóbeıtý týraly sheshim qabyldandy. Búgin, mine, Derkólde polısııa beketi ashyldy, – dedi Nurlan Noǵaev. О́z kezeginde sóz alǵan BQO IID bastyǵy polısııa general-maıory Arman Jalmuhanbetov, saqshylarǵa jasaǵan osyndaı kómegi úshin oblys, qala ákimine alǵysyn jetkizdi.
Fatıholla MAShTAQOV, polısııa polkovnıgi.
Batys Qazaqstan oblysy.