Jýrnalıstıkanyń ózekti máseleleri talqylandy

Zaman talabyna saı jýrnalıst mamandaryn sapaly daı­yn­daýdy tıimdi júrgizý maqsatynda bas qosqan otyrysqa elimizdegi bu­qaralyq aqparat quraldary­nyń basshylary men belgili jýr­nalıster, sondaı-aq sheteldik ǵa­lymdar da qatysty.

Onda alǵashqy sóz kezegin al­ǵan L.N.Gýmılev atyndaǵy Eýrazııa ulttyq ýnıversıtetiniń rek­tory Baqytjan Ábdiraıymov jýr­­nalısterdi tól merekesimen qut­tyq­taı kele, oqý ordasynyń sheteldik áriptestermen táji­rı­be al­masýdy júzege asyryp jat­qanyna toqtaldy. Sondaı-aq, ol jaqynda Bakýde Abaı ortalyǵy ashylǵanyn, ázerbaıjandyq jas­tarǵa qazaq tili úıretile bas­ta­ǵanyn, kóp uzamaı bul ortalyq Qytaıdaǵy Shı-An ýnıversıteti men Shyńjań ýnıversıtetinde de ashylatynyn aıtty.

Osy arada bir aıta ketetin jaıt, ja­qyn­da ýnıversıtettiń ǵylym jáne ha­lyq­aralyq baılanystar jó­nin­degi prorektory B.Bersimbaı men jýrnalıstıka jáne saıasattaný fakýltetiniń dekany Qaı­rat Saq bastaǵan top Qy­taı­daǵy Shyń­jań ýnıversıtetinde issaparda bo­lyp, eki jaqty yn­ty­maqtas­tyq­ty nyǵaıtý jó­nin­de­gi me­mo­ran­dýmǵa qol qoıyp qaıt­qan eken.

Dóńgelek ústel taqyrybyna baǵyt-baǵdar berip ótken pro­fes­sor, baspasóz jáne baspa isi kafedrasynyń meńgerýshisi Na­ma­zaly Omashev óz sózinde Qa­zaqstandaǵy jýrnalıstıka ma­man­daryn daıyndaýdaǵy ózekti máselelerge toqtaldy. «Qazaqstanda jýrnalıster daı­yndaıtyn joǵary oqý oryn­da­ry jeterlik. Biraq, onda qandaı sabaqtar oqytylady, ony kimder oqytady degen másele eń mańyzdy. Jýrnalıstıka tek bir mamandyq retinde ǵana qaralyp kele jatqandyqtan, qazir biz qoldanyp júrgen oqý baǵ­dar­la­masynyń durys emestigin, kóp­tegen ustazdardyń arnaıy ma­man­danbaǵanyn aıtqym keledi. Sondyqtan merzimdi baspasóz, teleradıo jýrnalıstıkasy, ınternet nemese vırtýaldy jýrnalıstıka degen úsh mamandyq retinde qarastyrylsa, utymdy bolary sózsiz», dedi ol.

Jýrnalıstıkany úsh úlken salaǵa bólip, tereńdete bilim be­retin Túrkııanyń oqý baǵdar­lamasyna toqtalǵan Ystambul ýnıversıteti jýrnalıstıka fa­kýltetiniń dekany, professor Aıdemır Okaı Túrkııadaǵy 55 jýrnalıstıka fakýltetiniń jaı-japsaryn, olardyń jylyna 5000 jýrnalısti jumyspen qam­ta­ma­syz etetindigin aıtty.

О́z elindegi 151 jyldyq tarıhy bar bas­pasózge aıaldaǵan ol óz sózin Atatúriktiń: «Baspasóz – ult­tyń ortaq úni» degen tujy­ry­mymen qorytyndylady. Jýrnalıstıka kadrlaryn daı­yndaýdyń túıindi másele­le­rine toqtalǵan «Aıqyn» gaze­ti­niń bas redaktory Nurtóre Jú­sip jýrnalıstıka fakýltetterinde ekinshi shet tili oqytylsa degen usynysyn ortaǵa salsa, «Nur Astana» gazetiniń bas re­daktory Ǵabıt Músirep qazaq tilin tereńdete oqytýdyń mańyz­dy­lyǵyna mán berdi. Qazaqstandaǵy jýrnalıs­tı­ka­nyń taǵy bir kem tusy – sport jýrnalısterin daıyndaıtyn ar­naıy mekteptiń joqtyǵy eken­digin óz sózine arqaý etken Nesip Júnisbaı arnaıy sport jýrna­lısteriniń azdyǵynan osy sala­nyń damýy baıaý ekenin, al «Astana» jýrnalynyń bas re­dak­to­ry Maqsat Táj-Murat búgingi kún­de bılik pen BAQ-tyń ara-jigin ajyrata almaı júrgen­di­gi­miz­di tilge tıek etti.

Saıası ınstıtýttar júıe­sin­de­gi BAQ taqyryby keńinen tal­qy­lanǵan basqosýdyń sońy A.Seıdimbek atyndaǵy jýrna­lıs­terdiń bılıardtan týrnırine jalǵasyp, kesh týrnır jeńim­paz­daryn an­yqtaýmen aıaqtaldy.

Maıgúl SULTAN