«Aqbilek» romany talqylandy

Astanadaǵy Ulttyq akade­mııa­lyq kitaphanada ótken Pavlodar oblysynyń kitaphana­ara­lyq kúni S.Toraıǵyrov atyn­daǵy oblystyq kitaphananyń 115 jyldyǵymen sáıkes keldi. Aldymen qatysýshylar Pavlodar oblysy mádenı kórset­kish­teriniń jetistikteri kórmesin ta­mashalady. Bul kórmede akademık Qanysh Sátbaev bastaǵan ǵa­lym­dardyń, Buhar jyraý, Másh­húr Júsip Kópeıuly bas­ta­ǵan tulǵa­lar­dyń ómirbaıandary men eńbek joldary mazmundy, tartymdy da, kórnekti túrde kórsetilgen. Bıylǵy «Bir el – bir kitap» ak­sııasyna kórnekti tulǵa Jú­sipbek Aımaýytovtyń «Aqbilek» romany tańdalǵany ózimizge belgili. J.Aı­maýytov táýelsizdikti ańsap, táýel­siz­dik úshin kúres ıdeıasyn jyr­laǵan jazýshy. «Bir el – bir kitap» aksııasy boıynsha sóz alǵan kitap­hananyń meńgerý­shileri Maııa Isakaeva men Aınash Jylqybaevalar qazaq jáne orys tilderinde roman jelisine quryl­ǵan tıisti kórseti­limderdi kórsete otyryp, jınal­ǵan qaýymǵa tar­tymdy baıandap ber­di. Sodan soń Júsipbek Aı­maýytov atyndaǵy mýzykalyq-dra­­ma teatrynyń jas ártisi Gúl­janat Omarova «Aqbi­lek» roma­nyn­daǵy  monologty she­berlikpen oryndap, kóz al­dy­myzǵa sonaý ala­sapyran jy­l­dar­daǵy ádilet­siz­dik pen zorlyqty kórsete kelip, jaqsylyq pen adal­dyqtyń, bilim men eńbektiń jeńip shyǵa­tynyn kórsete bildi. Semınar sońyna qa­raı «J.Aı­maýytov týra­ly ne bilemiz?» atty suraq qoıy­lyp, oǵan naqty jaýap bergenderge syılyq­tar tapsyryldy. «Qarańǵy qazaq kógine órme­lep shyǵyp kún bolam» dep uran­daǵan patrıot aqyn S.Toraı­ǵyrov­tyń esi­min ıelenip otyrǵan bilim osha­ǵy elimizdegi eleýli ki­tap­hana­lar­dyń qatarynda atala­dy. Oqyrman­dar sany da, kitap qo­ry da, elektrondy kórsetkish jabdyq­ta­ry da, júıeli túrde ót­kizilip oty­ratyn túrli mazmun­da­ǵy is-shara­lary da búgingi kitap­hanalarǵa qoıylatyn talaptarǵa saı desem, esh jańylmaǵan bolar edim. Olaı deıtinim, men osy ki­taphananyń kóp jyldar boıy oqy­rmany ári janashyry bol­dym. Kezinde «Aq­bo­saǵa» qyz-ke­lin­shekterge arnal­ǵan klýbtyq ju­mysyn da birlesip ótkizip júrdik. Jerles jazýshymyz J.Aı­maýytovqa arnalǵan «Bir el – bir kitap» aksııasynyń búgingi oqyr­man­dar úshin de, keleshek urpaqtar úshin de bereri mol boldy. Qazıza NAÝRYZBAEVA, ardager ustaz. Astana.