Ortalyqtaǵy aýyl kúni

«20 ıgi is» aksııasy aıasynda ótip, el azamattarynyń úlken qoldaýyna ıe boldy Elbasymyz N. Nazar­baev­tyń Jarlyǵymen 2011 jyl Táýelsizdiktiń 20 jyldyǵy dep jarııalanǵany málim. Oǵan ba­rynsha daıyndyqpen barý ár qazaqstandyq úshin mártebeli paryz. О́ıtkeni, qazaq ulty men Qazaqstannyń tarıhynda buryn-sońdy bolmaǵan beleske jetý, ózge­ler­men terezesi de, keregesi de teń qýatty memleket retinde álem kartasynan oryn alý – bárimiz úshin mártebe. Ult Kóshbas­shysynyń kemel saıasaty arqasynda bostandyq, birlik, turaqtylyq, órkendeý sekildi arqaýly qun­dylyqtarymyz qalyptasyp, beıbitshilik pen jasampazdyqtyń aıqyn jolymen júrip kelemiz. Olaı bolsa, Prezıdentimiz atap ótk­en­deı, qazirden bastap ár aýyldyń kem-ketigin jóndep, qalpyna keltirip, kógaldandyryp, úılerdiń ishi-syrtyn áktesek, eldiń de kóńili kóterile túseri anyq. Mereıli mereke jaqyn­da­ǵan saıyn oǵan jan-jaqty ázirlik sharala­ry Qyzyljar óńirinde qarqyn ala túsken. Oblys ákimi Serik Bilálov Táýelsizdik me­reı­toıy qarsańynda «20 ıgi is» atty aksııaǵa bastamashy bolyp, soltústikqazaqstandyqtar tarapynan keń qoldaý tapqan edi. El tur­ǵyn­dary men azamattarynyń, kásipkerler men sharýashylyq jetekshileriniń uıymdasa eń­bek­tenýiniń arqasynda eldi mekenderdiń jo­ly túzelip, aýyz sý tartylyp, basqa da qam-qareketter jasalyp, ómir súrý sapasy ájep­táýir kóterilip qaldy. Taıaýda ǵana Jambyl aýdanyna qarasty 35 úıli Qaraqamystyń shet­te júrgen azamattary jaryq ornatyp, na­mazhana ashyp, eski dúken ǵımaratyn jóndep, klýbqa aınaldyrý sharalaryn atqarsa, Ýá­lıhanov aýdanyndaǵy Bereke ımandylyqqa bet buryp, «ishimdiksiz eldi mekenge» aınalsa, ózgeshe sıpattaǵy jarasymdy dástúrler shalǵaıdaǵy Ortalyqta da jalǵasyn tapty. Ortalyq – ótken ǵasyrdyń 30-shy jyl­dary boı kótergen qazaq aýyldarynyń biri. Ákimshil-ámirshil rejimniń nebir qıly ke­ze­ńin bastan ótkerse de, ulttyq salt-dástúrin, qazaqy qalpyn joǵaltqan emes. О́ńirdegi tuń­ǵysh qazaq bilim ordasyna balanatyn Orman mektebinen túlep ushqan myńdaǵan shákirtter elimizdiń ár qıyrynda jemisti eńbek etip júr. Osyndaǵy murajaı ótken ta­rıhtan syr shertetin san alýan jádiger­ler­men tolyqqan. Jazýshy jerlesimiz Ivan Shýhov túkpirdegi eldi meken jaıly jol­jaz­ba­synda «meniń tý­ǵan elimde eshbir geo­gra­fııalyq kartada kór­se­tilmegen aýyldar bar. Aq qaı­yńdar sho­ǵynyń baýraıyna, bolmasa tu­nyq ta móldir aı­dyn kól­der­diń jaǵasyna orna­lasqan eldi mekender asa jı­na­qylyǵymen, uqyptylyǵymen, janǵa jaı­ly­lyǵymen erekshelenedi. Onsha úlken emes, biraq sırek ushyrasatyn mun­tazdaı taza ujym­sharlyq qystaq – Or­ta­lyq, mine, osylaı kó­ri­nedi. Mańaıdaǵy bes aýyldyń burynǵy kóshpendileri aýylsharýa­shy­lyq arteline uı­ymdasyp, otyzynshy jyl­dardyń basynda osy­naý kórkem de jaı­l­y mekende turaq tepti», dep sıpattaıdy. Sodan búginde 53 otbasy atajurttyń tútinin tútetip, bilim men mádenıet ordasyn ydy­rat­paı otyr. «20 ıgi is» aksııasy sheńberinde 4 shaqyrym jol jóndelip, 50 túp qaraǵaı otyrǵyzyldy. Uly Otan soǵysyna qatys­qan bozdaqtarǵa arnal­ǵan eskertkish jańar­tylyp, gúlzar ornatyl­dy. «Bogbı» JShS-nyń dırektory Vıktor Bogdanestiń, osy aýyldyń týmasy, oblystyq máslıhattyń depýtaty Ekpin Ábıevtiń demeý­shiligimen kósheler tegistelip, jaryq tar­tyldy. Mektep mańaıy bezendirilip, jastar úshin oıyn jáne bı alańdary ashyldy. Jan jadyratar osyndaı qat-qabat sharýalardyń bel orta­syn­da Erik Nuraqaev, О́ndiris Omarov, Baltabaı Ramazanov, Sháken Ábıeva, taǵy basqa aýyldyń bas kóterer azamattary júrdi. Ádet­te qazaqy bas qosýlardyń oıynan toıy basym kelip, onyń sońy yrdý-dyrdýǵa, arzan kúlkige, paryqsyz kóńil kóterýge ulasyp jatýshy edi. Ortalyqtaǵy aýyl kúni ótkenimizge esep berip, bolashaǵymyzdy boljaýmen, atqarylatyn sanqyrly mindetterdi naqtylaýmen este qaldy. Aıtýly sharaǵa oblys ákimi Serik Bilá­lov arnaıy qatysyp, el aqsaqaldary men aq jaýlyqty ájeılerge, kóp balaly analar men otbasylarǵa qurmet kórsetip, syı-sııapat jasady. Orman orta mektebine kompıýter synyby men ınteraktıvti taqta tartý etti. Ol óz sózinde Elbasy tapsyrma­la­ry­nyń oıdaǵydaı oryndalyp jatqanyn, Táý­elsizdiktiń mereıtoıyn laıyqty qarsy alý­ǵa barlyq múmkindikter qarastyrylǵanyn, mundaı sharalar alda da jalǵasatynyn, aý­yl adamdarynyń turmysyn jaqsartý basym baǵyt bolyp qala beretinin atap kórsetti. Aýyl adamdary kúres, báıge sekildi ult­tyq oıyndardy, jergilikti ónerpazdardyń konsertin qyzyǵa tamashalap, úılerine úl­ken ásermen, joǵary kóńilmen tarasty. О́mir ESQALI, Soltústik Qazaqstan oblysy, Jambyl aýdany.