Keshe Premer-Mınıstr Kárim Másimov oblys ákimderi men ulttyq kompanııalar basshylarynyń qatysýymen ósimdik sharýashylyǵy salasyna memlekettik qoldaý kórsetý máseleleri jóninde selektorlyq keńes ótkizdi.
Keńes barysynda, basymdyqqa ıe aýylsharýashylyq daqyldary óndirisin sýbsıdııalaý máselesi talqylanyp, sol sııaqty ósimdik sharýashylyǵy salasyna memlekettik qoldaý kórsetýdiń jańa formalary qaraldy.
Osy kúni Premer-Mınıstr Mıchýrın kentindegi sportshylar men temirjolshylarǵa arnalǵan reabılıtasııalyq ortalyqta boldy.
Sporttyq-medısınalyq keshende sportshylardyń sapaly jattyǵýlary, qaıta qalpyna kelýleri, naýqastardyń aldyn alýy jáne saýyǵýy úshin jaǵdaılar jasalǵan. Keshen atletter men temirjolshylardyń fýnksııalyq jaǵdaıyn baǵalaıtyn qazirgi zamanǵy jabdyqtarmen, fızıoterapııalyq jáne basqa da emder jasaıtyn apparatýramen qamtamasyz etilgen.
«Egemen-aqparat».