Kongodaǵy Tshýapa ózeninde 220 jolaýshy mingen eki keme soqtyǵysyp, nátıjesinde 105 adam jaǵalaýǵa júzip jetken. Qalǵany sýǵa batyp ketkeni belgili bolyp otyr.
Bul elde joldardyń nashar bolǵany sonshalyq, jolaýshylar kóbinese sý kóligin tańdaıdy eken. Al ózen qaıyqtarynyń ábden tozyǵy jetken. О́tken jyly da keme tóńkerilip, 140 adam sýǵa ketken-di. Onyń ústine bul elde tyrysqaq aýrýy órship tur. Sońǵy tórt aı ishinde 279 adam osy aýrýdan kóz jumǵan.
Lıvııada áskerbasy óltirildi
Lıvııada osy kezge deıin kóterilisshilerdi basqaryp kelgen Abdel Fattah Iýnes ajal qushty. Buryn Kaddafıde mınıstr bolyp qyzmet atqarǵan ol ólerinen úsh saǵat buryn Trıpolımen baılanysy bar degen kúdikpen tergelgen kórinedi.
Iýnesti tasada jasyrynǵan qarýly adamdar atyp óltirgen. Ony ulttyq ótpeli keńes soǵysyp júrgen jerinen shaqyrtyp alyp, osy kezge deıin kóterilisshiler qolyna tıip kelgen qarý-jaraqtyń Trıpolıge jóneltilýin surap bilgen. Kezinde ishki ister mınıstri bolǵan Iýnes áskerdi halyq jaǵyna shyǵýǵa shaqyrǵan joǵary laýazym ıesi de. О́zi áskerı jasaqtarǵa basshylyq jasaýǵa kirisken edi.
Ýkraınada shahta jaryldy
Ýkraınanyń Lýgansk oblysyna qarasty «Sýhodolskaıa-Vostochnaıa» shahtasynda oryn alǵan jarylystan 16 kenshi qaza taýyp, taǵy ekeýi aýrýhanaǵa jetkizilgen. Jarylys saldary ázirge belgisiz kúıinde qalyp otyr.
Jarylys 915 metr tereńdikte oryn alǵan. Tótenshe jaǵdaılar mınıstrliginiń málimetine qaraǵanda, jarylys kezinde shahtada 28 adam bolǵan. Al 10 shahterdiń taǵdyry belgisiz. Izdestirý-qutqarý jumystaryna ken-qutqarý qyzmetiniń 11 bólimshesi kirisip ketken.
AQSh Irandy taǵy aıyptady
Barak Obama ákimshiligi Irandy «Ál-Kaıdamen» baılanysy bar dep aıyptady. AQSh ókimetiniń málimetine qaraǵanda, Iran Aýǵanstan men Pákstanda sodyrlardy daıyndaý úshin qarjylandyryp otyrǵan terrorshyldyq jeli bólimshesimen «qupııa kelisim» jasasqan.
Atalǵan bólimsheniń alty múshesi AQSh qarjy mınıstrligi tarapynan terrorshy dep tanyldy. Alaıda olardyń arasynda birde-bir ırandyq joq bolyp shyqqan. Sóıtse de qarjy mınıstrligi arab elderinen jınaqtalǵan qarjyny Iranda «Ál-Kaıda» arqyly Pákstanǵa qarjy jóneltip otyrǵan Ezedın Abdel-Azız Halıl tobynyń bolǵanyn aıtady.
Mınsk áreketsizdikti zańmen aýyzdyqtaıdy
Belorýssııada sońǵy kezde ár túrli qarsylyq aksııalarynyń oryn alýyna baılanysty osy eldiń parlamenti jappaı uıymdasqan áreketsizdik úshin jaýapkershilikke tartatyn zań jobasyn qabyldady.
Atalǵan zańdyq qujatqa sáıkes endi aldyn-ala belgilengen qoǵamdyq oryndarda azamattardyń jappaı qatysýy ereýilge teńestirilmek. Osyǵan baılanysty mundaı aksııalardy ótkizý úshin bıliktiń ruqsaty qajet bolady.
Tokıoda qoldan tis ósirildi
Tokıo ǵylymı-zertteý ýnıversıtetiniń ǵalymdary dińgekti jasýshadan tis ósirýdi úırengen. Qoldan ósirilgen «tiste» kádimgi tistegideı emal, nerv jáne qan tamyrlary bar.
Tis ósindisi kemirgish búıregindegi qaptamada jetildirilipti. Tis ósindisi ekinshi kemirgishtiń jaq súıegine qondyrylǵan. Qoldan qoıylǵan tis kemirgishtiń óz tisindeı bolyp ketti, deıdi doktor Takası Sýdzı. Alaıda ǵalymdar transplantantty adamdar úshin qashan ósirýge bolaryn aıtýǵa qınalýda. Jıyrma jyl jetkilikti dese de ǵalymdar máseleniń etıkalyq jaǵyn da umyt qaldyrǵysy joq.
Qysqa qaıyryp aıtqanda:
*Irak taraby Ýkraınaǵa aýdarylýy tıis 21 mıllıon dollar qarjydan qarý-jaraqty der kezinde jetkizip bermegeni úshin 3 mıllıonyn ustap qaldy. Eki el arasyndaǵy kelisim-shart 457,5 mıllıon dollarǵa jasalǵan kórinedi.
*Bernand Meddof qarjylyq pıramıdasynyń ókili aldanyp qalǵan Tremont Group Holdings salymshy-kompanııasyna 1 mıllıard dollardy qaıtarý týraly kelisim jasady. Salymshylar japa shekken soma 60 mıllıard dollardan asyp jyǵylady.
Bolıvııada osy eldegi buqaralyq aqparat quraldarynyń 90 paıyzy memlekettik bolady. Kongress eldegi tele jáne radıo arnalarǵa jeke bıznestiń yqpalyn azaıtatyn zańdy basym daýyspen qabyldady. Oppozısııa el prezıdenti Evo Moralesti buqaralyq aqparat quraldaryn óz qolyna almaqshy dep kinálasa, qarsy jaq aqparat taratý sapasy artady dep otyr.
*2012 jyly Ketrın Bıgeloý túsirilimindegi Sony kompanııasynyń «Ál-Kaıda» lıderi Ýsama ben Ladenniń kózin joıý jónindegi fılmdi prokatqa shyǵarý uıǵarylyp otyr. Fılmdi túsirýdi amerıkalyq áskerdiń Iraktaǵy soǵysyna arnalǵan «Daýyl ámirshisi» fılmi úshin 2010 jyly alty «Oskardy» jeńip alǵan top qolǵa almaqshy.
Internet materıaldary negizinde ázirlendi.