Qoldaımyz!

Ústimizdegi jyldyń 12 shildesinde «Egemen Qazaqstan» gazeti Qazaq­stan musylmandary dinı basqarmasy jáne Orta Azııa múftıler keńesiniń tór­aǵa­sy, bas múftı, sheıh Ábsat­tar qajy Derbisáliniń kásipkerler men el halqyna joldaǵan «Jarylqaýshy aıda jurtqa jeńildik jasaıyq» atty ún­deýin jarııalaǵan bolatyn. Biz búgin sol úndeýge baılanysty redak­sııaǵa kelgen bir top oqyrman hatyn jurt nazaryna usynyp otyrmyz. Saýapty ister jasaýǵa shaqyrady Barsha Qazaqstan halqyn Otanymyz úshin aıtýly kezeń bolyp tabylatyn, musylman balasy asyǵa kútetin, on eki aıdyń sultany, qasıet nury tógilgen – Ramazan aıynyń bastalýymen qut­tyq­taımyz. Egemendik alǵan az jyldardyń ishinde elimiz nebir kedergilerge qaramastan, aıaǵynan tik turyp, ár qadamyn anyq basyp, qarqyndy damýdyń dańǵyl jolymen alǵa bastap barady. Halqymyzdyń áleýeti ósip, dáýleti artty, aq-nıeti oń bolyp, yntymaǵy ornyqty, izgiliktiń jolyn tańdap mereıi tasydy. Qazaq eli shartarapty qaýipsizdik pen yntymaqtastyqqa qaraı bastady. Bıyl, mine, Islam Yntymaqtastyǵy Uıymynyń tizginin qolǵa alyp, ıslam álemi­niń birligin nyǵaıtýǵa qajyrly kúsh jumsaýǵa bel býyp otyrmyz. Barsha álemdi tatýlyq pen izgilikke shaqyrǵan qazaqtyń baıtaq dalasy beıbitshilik pen kelisimniń altyn uıasyna aınaldy. Táýel­sizdik jyldary otandastarymyz tarıhpen bite qaınasqan rýhanı bastaýymyzǵa den qoıyp, ata dinimiz – ıslamǵa etene bet burdy. Táýelsizdigimizdiń 20 jyldyǵyn álem aldynda abyroımen, to­la­ǵaı tabystarmen jáne bereke-birlik, yntymaqpen qarsy alyp otyrýymyz halqymyzdyń mártebesin asqaqtatyp, árbir otandasy­myzdyń maqtanysh sezimi men qýanyshyn tasytary sózsiz. Biz osy tabystarǵa halqymyzdyń meıirimdiligi men ımandy­ly­ǵy, keńpeıil de jomart beıbitshiliksúıgish darhandyǵy, árbir Qazaqstan azamatynyń ólsheýsiz qajyrly eńbegi men el muratyna degen adal nıetiniń arqasynda qol jetkizip otyrmyz. Ejelden kemeńger halqymyz Ramazan aıynda orazasyn ustap, eldiń tynyshtyǵyn, yntymaǵyn, yrys-berekesin tilep, kedeı men jetimge, qarip pen aýrýǵa shaldyqqandarǵa kómek kórsetken. Bul aıda barsha jurt jat qylyqtardan aýlaq bolyp, aınalasyna meıirim men shýaǵyn tógip, aýyz ashar dastarhanyn kópshilikpen bólisýge asyǵady. Ramazan aıy adamzatty qate joldan saqtap, senimin nyǵaıtyp, eldiń birligi men yntymaǵyn arttyrady. Qazaqstan halqy Assambleıasy barsha Qazaqstan halqyn, árbir otandasymyzdy qasıetti aıda el yrysy úshin jaqsy ister, saýapty amaldar jasaýǵa shaqyrady. Ustaǵan orazalaryńyz qabyl bolsyn! Elimiz tynysh, Táýelsizdigimiz máńgi bolsyn! Qazaqstan halqy Assambleıasynyń Keńesi.   Dinimizdiń ajaryn ashar qadam Dinbasymyz Ábsattar qajynyń el halqyna úndeýiniń áleý­mettik tereń astary, máni men maǵynasy bar ekeni aıdaı aqıqat. Kúmáni kóp, baǵyty buldyr ártúrli dinı aǵymdar kóbeıe túsken búgingi kezeńde mundaı ıgi ister dástúrli dinimizdiń ajaryn asha túsedi degen oıdamyz. Sondaı-aq óz úndeýinde sheıh múmkindigi bar otandastarymyzdy osynaý qasıetti de berekege toly aıda el-jurtqa shapaǵaty tıetin ımandy isterdi meılinshe kóbirek jasaýǵa shaqyrypty. Oraza kezinde azyq-túlik pen basqa da kúndelikti tutynatyn taýar túrleri baǵasynyń ımantarazy bolǵany jón ekenin jetkizipti. Bul tarmaqtyń el yrysyn eseleýge úles qosyp júrgen biz sekildi kásipkerlerge de qatysy bar dep túsinemiz. Ári bas múftı Ábsattar Derbisáliniń úndeýin qoldaýǵa respýb­lı­kadaǵy barsha áriptesterimizdi shaqyramyz. Kásipkerler:  Sábıt О́TEBALIEV, Rıshat HAIRÝLLIN, Hamzat ISAEV, Birjan QOJAQOV, Temirǵalı QURMANǴALIEV, Saǵat YDYRYSOV. Batys Qazaqstan oblysy.   Ramazan aıynda jeńildik jasaıdy Ábsattar qajy Derbisáliniń elimizdegi kásipker azamattar men mekeme bas­shylaryna Ramazan aıyna baılanysty zor saýapqa keneler is-sharalar at­qarýǵa shaqyryp, búkil musylman atynan joldaǵan ótinish-tileginde jany izgilerge jomarttyq jarasatynyn aıtqan edi. Mine, Almaty oblysy­nyń jurtshylyǵy úndeýde aıtylǵan ıgi usynystardy qýana qabyl alyp, qýat­taıtyndyqtaryn bildirip,  qasıetti Ramazan aıynyń qurmetine bir aı boıy halyq tutynatyn azyq-túlik, qurylys materıaldaryn, janar-jaǵar­maıdy, sondaı-aq halyqqa qyzmet kórsetý oryndarynyń baǵasyn tómendetip jatyr. Byltyr da Ramazan aıynyń qurmetine aýdandaǵy «Rahat» saýda úıinde kıim-keshek satatyn kásipker Baýyrjan Sársenov, tátti sýsyn ónimderin shyǵa­ra­tyn «Bashenov» JShS basshysy Qasenhan Bashenov óz taýarlary­nyń qunyn tómendetse, «Aýyltehnıka» AQ basshysy Seıilhan Bekov muq­taj jan­darǵa kómek qolyn sozyp, halyqqa saýdalaıtyn kómiriniń baǵasyn arzan­datyp, eki meshitti kómirmen qamtamasyz etse, «Úshtóbe aýdandyq elektr stansasynyń» bastyǵy Yrǵaıbek Japarqulov Ramazan aıynda aýdandyq ortalyq meshittiń elektr tólemi qýatyn tolyqtaı óz moınyna alǵan bolatyn. Qaratal aýdanynyń bir top kásipkerleri bıyl da bas múftı Ábsattar qajy Derbisáliniń úndeýinen keıin baǵany arzandatyp, turmysy tómen otbasylarǵa qarjylaı kómek kórsetip, otyn-kómirin arzan baǵamen saýdalap, halyqty bir qýantyp tastady. Naqtyraq aıtsaq, «Aýyltehnıka» JShS basshysy Seıilhan Bekov, «Tamas» JShS basshysy Asylbek Pusyrmanov, «Bashenov» JShS basshysy Qasenhan Bashenov jáne taǵy basqa ımanjúzdi azamattarǵa jurtshylyqtyń alǵystan basqa aıtary joq. Ashat О́mirbaev, jýrnalıst. Almaty oblysy, Qaratal aýdany.   Qýattaımyz Dinbasy Ábsattar qajy Derbisáli barsha Qazaqstan jurtshylyǵyn rýhanı jáne salamattylyq turǵydan jaq­sy­lyqqa shaqyrdy. О́tken juma nama­zyn­da Jezqazǵan aımaǵynyń ókil ımamy Qondybaı qajy Serik­baı­uly­nyń sol úndeýdi halyqqa ta­nys­tyryp, Ramazan aıyndaǵy saýap­ty amaldar men árbir mu­sylmannyń ol aıǵa degen qurmeti men ádepteri jaıly túsindirdi. Iá, shyn máninde osy bir berekeli de qasıetti aı Ramazanda múmkindigi bar otandastary­myzdyń oraza aıy men oraza ustaý­shy­lardy qurmet tutyp, ishki­liktiń ishilmeýi, sonymen qatar, osy aı boıy musyl­man qaýymy men barsha kóp­­shilikke dúkender men qo­naq úı­lerde, shashtarazdar men túrli qyz­met kórsetý ortalyqtarynda, kom­­­mýnal­dyq tólemaqylar men tele­k­om­mýnı­ka­sııa­lyq baılanys tarıfterin tó­men­de­tý sharalaryn uıymdas­tyrý – óte saýap­­ty is bolar edi. Biz bir top Jez­­qazǵan qalasynyń kásipkerleri Ramazan aıy­nyń qur­metine óz kási­bi­miz salasy­nan 10 paıyz jeńil­dik­pen qala musyl­man­daryna qyzmet kórsetý nıetindemiz. Aıgúl IShANHANQYZY, Ǵalymjan QALMANBAEV, Dastan JAQAEV, Jezqazǵan qalasynyń jeke kásipkerleri.   Adal iske asyǵaıyq Qasıetti Ramazan aıy qarsańynda Ábsattar qajy Derbisáliniń búkil Qazaqstan jurtshylyǵyna Ramazan aıynda azyq-túlik taýarlaryna 10 paıyz jeńildikter jasaýǵa, dúkenderde ishimdikterdi satpaýǵa, al musylman halqyn haram áreketterden aýlaq bolýǵa shaqyrǵan úndeýin shyn júrekten qoldaı otyryp, Alla taǵalanyń qudiretine búkil ımanymyzben boıusynýǵa shaqyramyz! Orazalaryńyz qabyl, ımandaryńyz kámil bolsyn, aǵaıyn! Orazbek Sársenbaıuly, jazýshy; Jarylqasyn Nusqa­baıuly, jazýshy, «Bilim» baspasynyń dırektory; Áshirbek Kópish, jazýshy-pýblısıst, «О́ner» baspasynyń dırektory; Tájigúl Serikbaeva, Qazaqstanǵa eńbegi sińgen mádenıet qaıratkeri; Jarylqasyn Dáýlet, sazger-aqyn, Mádenıet qaıratkeri.   Shapaǵatty aıda sharapatty ister kóbeısin! Mine, táýelsizdikke degen senim oty sónbegen halyqtyń aqyry tamyljyp tańy atty. Myń ólip, myń tirilgen qazaq halqyna Allataǵalanyń shapaǵaty tústi. Búginde Qa­zaq­stan Ortalyq Azııa­nyń aımańdaı eline aı­naldy. Biz halqymyz buryn-sońdy bolmaǵan osynaý ıgilikterge tek táýelsizdiktiń arqa­synda ǵana jete alǵanyn esten shyǵar­maýymyz kerek. Bı­yl táýelsizdikke 20 jyl toldy. El­basy bas­taǵan qazaqstandyqtar 20 jylda ǵa­syrlar­dyń úlesine tán is tyndyrdy. Sary­arqa­nyń tósi­nen sáýletti Astanasyn turǵy­zyp, ata-babadan qal­ǵan ulan-ǵaıyr dala­nyń sheka­rasyn bekitti. Bul biz­diń tarıhy­myzda bolma­ǵan keremet jetistik! Biz órteńnen óngen qaraǵaıdaı zeńgir kók­ke shanshyla, jan-jaǵymyzǵa jasyl ja­py­raq jaıyp, tereńge tamyr tartýdamyz. Halqynyń 70 paıyzy ıslam dinin usta­na­tyn elimizde ıslamnyń órkendeýi de osy táýelsizdik jyldarynda. Bir sózben aıtqanda, táýelsizdik ata dinimizdiń de arqaýy boldy. Keshe Allany aýyzǵa alýǵa alańdaı­tyn qazaq­standyq musylmandar búginde ata dinimen qaıta qaýyshty. Islam qundylyq­ta­ry órken jaıdy. Bıyl Qazaqstan Islam Yntymaqtastyǵy Uıy­mynyń tizginin óz qolyna aldy. Dúnıe­degi bir mıllıard musylmannyń basyn qosa­tyn uıym­nyń tórine kóterilýi elimizdiń ıslam álemindegi ornyn aıqyndaı túsedi. Osyn­daı eleýli oqıǵalarmen tuspa-tus kelgen bıyl­ǵy qa­sıetti Ramazan aıy oraıymen Qazaqstan musyl­mandary Dinı basqar­masy jáne Orta Azııa múftıler keńesiniń tóraǵa­sy, bas múftı, sheıh Ábsattar qajy Derbisáli haziret qasıetti Ramazan aıyna baılanysty jol­­da­ǵan ún­deýin­de múbárak aıyn­da baǵa­lardyń kúrt qym­bat­tap ke­te­ti­ni­ne qyn­jy­la­tynyn bildire kelip, kásip­ker­lerdi azyq-tú­lik pen qo­naq úıler já­ne qoǵamdyq qyz­met­ter baǵasyn 10 pa­ıyzǵa tómendetýge shaqy­rady. Ol sondaı-aq, qasıetti Ramazan aıyn­da meıramhanalar men jıyn-toı­larda ishki­liktiń eshbir túri ishilmese, satylmasa degen tilegin de bildiredi. Biz júregi taza musylman ári kásipker retinde bas múftıdiń úndeýin jan-tánimizben qoldap, óz tarapymyzdan osy aıda azyq-túlik baǵasyn múmkindiginshe tómendetip satýǵa nıettimiz jáne basqa kásipkerler de saýaby mol shara­patty isti qoldaıdy dep senemiz. Ysqaq NURAHMET,  Aıshagúl SANDYBAEVA, Tekeli qalasy.   Igi  Bastama Dinbasymyzdyń kóterip otyrǵan máselesi óte oryndy jáne ýaqytyn­da qolǵa alynǵan ıgi bastama ekeni daýsyz. Mundaı tyń bastama oblys, aýdan basshylary, kásipkerler, túrli mekeme jetekshileri tarapynan úl­ken qoldaýdy qajet etedi. Úndeýde aı­tylǵandaı, kásipkerler men mekeme basshylary az da bolsa qara­paıym jandarǵa kóńil bólip, halyq­t­yń múddesin oılasa, Alla aldynda úlken saýapqa ıe bolary sózsiz. Bizdiń Kóksý aýdanynyń musyl­man jama­ǵa­ty hazirettiń úndeýin qol­dap otyrmyz. Aldaǵy ýaqytta úndeý óz qoldaýshylaryn taýyp, jyl sa­ıynǵy dástúrge aınalady dep senemiz. Ramazan saýda emes, saýap aıy ekenin túsinip el tutynýshylary úshin osy aıda tıimdi jaǵdaılar ja­saýdy bastap ketken ıman­dy ká­sip­kerlerimizge Allanyń nury jaýsyn!   Kóksý aýdanynyń musylman jamaǵaty atynan: Dáýlet Mustafaev, kásipker; Saılaý Ýrın, kásipker; Manat Tastanov, mekeme bas­shysy; Edilbek Erimbet, aýdannyń bas ıma­my; Malgajdar Jylqyshy­baı, naıb ımam; Muhametkerim Edilbaev, aq­sa­qal­dar alqasy­nyń múshesi; Ashat Ib­ragımov, aqsaqal­dar alqa­sy­nyń múshesi; Sháriphan Juma­dilov, aqsaqal­dar alqasynyń múshesi. Almaty oblysy.