«Alageum Electric» kompanııasy ulttyq maqtanyshqa laıyq

Dúnıejúzi memleketterine temir­qa­zyq bolyp, kóp rette qalaı ómir súrýdi úıretip te júrgen alpaýyt Amerıka qarjy daǵdarysynyń taýdaı tol­qy­nynan qaırańǵa qaıyrlaǵan kemedeı jer baýyrlap qala jazdady. Áýpirimdep ba­ryp boıyn tiktegen AQSh prezıdenti Barak Obama bul qıyndyqtan shyǵýdyń jo­ly ǵalymdardyń ındýstrııalyq-ın­no­­vasııalyq izdenisterine baılanysty dep atap kórsetken. Al, Qazaqstan Prezıdenti Nursultan Nazarbaev údemeli ındýstrııalyq-ınnovasııalyq baǵdar­la­ma­larmen jumys isteýdi erte bastan Úkimetke júktegen bolatyn. Sonyń ná­tıjesi búginderi aıqyn bilinip jatyr. Búginde dáýirlep turǵan Kentaý tran­s­formator zaýyty Keńes ókimeti kezinde О́zbekstandaǵy bir zaýyttyń fı­lıaly ǵana bolatyn. Táýelsizdik alǵan soń ár­bir el ózi úshin eńbektenetin boldy. Oı­lap qarasaq, О́zbekstandaǵy sol zaýyt qazirgi kezde qurdymǵa ketip, fılıal bol­ǵan «Kentaý transformator zaýyty» aksıonerlik qoǵamy búgingi tańda Azııa elderiniń ishinde óz ornyn tapqan ká­siporyn retinde eńsesin tiktedi. Barsha bastamalarǵa jumysshylar kásipodaǵy qoldaý kórsetedi. Kezinde aıyna nebári jeti myń teńge alǵan kezde de moıymaı tek alǵa tartqan ujymda búgingi kúni ár jumysshy orta eseppen 90-100 myń teń­ge jalaqy alady. Oǵan qosa áleýmettik qamtamasyzdandyrylǵan. Endeshe, Táýel­siz­diktiń 20 jyldyq merekesine oraı, elimizdiń áleýmettik-ekonomıkalyq da­mý­yna qomaqty úles qosyp kele jatqan «Alageum Electric» kompanııa quramy uj­ymdarynyń jáne osy kompanııanyń negizin qalaǵan «Alageum Electric» elektr montajdaý basqarmasy dırektorlar ke­ńe­siniń tóraǵasy, Ońtústik Qazaqstan oblystyq máslıhatynyń depýtaty, «Qur­­met» ordeniniń ıegeri, Qazaqstan Res­pýblıkasynyń eńbek sińirgen ener­ge­tıgi, TMD-nyń eńbek sińirgen energetıgi, Ken­taý qalasynyń qurmetti azamaty Qo­ja­baev Saıdýlla Ilııasulynyń eren eń­be­gin atap ótken jón. Jaqynda osy azamatpen transformator zaýytynyń búgini men erteńi jóninde oı bólisken edik. Saıdýlla Ilııasuly «Alageum Elec­tric» elektr montajdaý basqarmasy – Qa­zaqstan Respýblıkasynyń elektr tehnı­kasy salasynda kóshbasshy orynǵa ıe ká­siporyn, – deıdi. Qazirgi tańda otan­dyq ónerkásip órge baspaı álemniń da­myǵan elý eliniń qatarynan kóriný qur qııal ǵana. Sondyqtan Memleket bas­shy­sy­nyń muryndyq bolýymen arnaıy úde­meli ındýstrııalyq-ınnovasııalyq baǵ­dar­lama qabyldanyp, osy baǵyttaǵy ju­mystar júıeli sıpatqa ıe bolyp otyr. Sonymen atqaryp jatqan jumystarǵa keletin bolsaq, «Alageum Electric» elektr montajdaý basqarmasy – Qazaq­stan Respýblıkasynyń elektr tehnı­ka­sy salasynda kóshbasshy orynǵa ıe bo­lyp otyrǵan uıym. Jedel damyp kele jatqan elektr montajdaý basqarma­sy­nyń quramyna Astana qalasyndaǵy «Ala­geum Engineering» jobalaý ıns­tı­tý­ty, Kentaý transformator zaýyty, Al­ma­ty elektr mehanıkalyq zaýyty, «Qaz­transformator» saýda úıi, «Nur-Stroı LTD» jaýapkershiligi shekteýli seriktestigi kiredi. Olardyń árqaısysynyń aı­na­lysatyn óz baǵyttary bar. Aıtalyq, «Alageum Engineering» jobalaý ınstı­tý­ty» AQ energetıkalyq nysandardy, ınjenerlik jelilerdi jáne kerneýi 10, 35, 110, 220, 500 kV blokty qosalqy stan­sa­lardy jobalaýmen aınalysady. «Kentaý transformator zaýyty» aksıonerlik qoǵamy bolsa jarty ǵasyrdan astam tarıhy bar zaýyt. Qýaty 25 000 kVA deıin kerneýi 10-35 kV kúshtik, maı­ly jáne qurǵaq transformatorlar, ár­túr­li oryndalymdaǵy qosalqy stansalar, tómen jáne joǵary voltty uıa­shyq­tar jáne basqa da talap etilgen kóptegen elektr tehnıkalyq jabdyqtar, sonymen qatar quıma oqshaýly jáne Dupont fır­masynyń «Nomex oqshaýlaýy qurǵaq transformatorlaryn shyǵarýmen aına­ly­syp keledi. «Kentaý transformator zaýyty» AQ qýaty 63 000 kVA deıin kerneý klasy 35, 110 kV kúshtik transformatorlar tolyq tizbegin óndirýdi ıgerdi. Sonymen qatar, kásiporynnyń 35, 110 kV ORÝ, ZRÝ, OPÝ blokty qosalqy stansalaryn shyǵarýdan úlken tájirı­be­si bar. Zaýyt mamandary KTPB (K) 110-35/10 tıpti qosalqy stansanyń tolyq jıyntyǵyn daıyndap, jasap shyǵardy. 2010 jyly otandyq óndirýshi «Alageum Electric» brendimen kúshtik transformatorlarmen jasaqtalǵan kerneýi 110, 35 kV ondaǵan blokty qosalqy stansalar jobalanyp, jasaldy. Almaty elektr mehanıkalyq zaýyty shkafty qurastyrylymdar, qosalqy stan­salar, tómen voltty jáne joǵary voltty uıashyqtar shyǵarady. Almaty­da­ǵy «Qaztransformator» saýda úıi elektr tehnıkalyq buıymdar jıynty­ǵyn jetkizýmen jáne «Alageum Electric» markasymen tómen voltty appara­tý­ra­lardy satýmen aınalysady. Almaty, Astana, Atyraý, Aqtóbe jáne Shymkent qa­lalarynda «Alageum Electric» dúke­n­de­ri­niń jelisi bar. Túrkistan qalasyndaǵy «Nur-Stroı LTD» JShS asfaltty-betondy ónim­der, qıyrshyq tas, qum jáne jylyna 80 000 dana ónimdilikpen SV-95, 105, 110, 164 temir-betondy baǵanalar shyǵarady. Qurylys jumystaryn atqarady, ǵıma­rattardy, úılerdi jáne avtokólik jol­da­ryn jóndeý jumystaryn júrgizedi. «Alageum Electric» AQ-tyń Astana, Aqtóbe, Shymkent, Oral, Atyraý Qara­ǵandy jáne О́skemen qalalarynda orna­lasqan fılıaldary kerneýi 10, 35, 110, 220, 500 kV qosalqy stansalarynyń qu­ry­lysyn júrgizýge, arnaıy maman­dan­ǵan óndiristik bazalarmen jáne qajetti arnaıy tehnıkamen jabdyqtalǵan elektr ótkizgish jelilermen elektr tehnıkalyq buıymdardy montajdaý jáne iske qosý jumystarymen aınalysady. Kompanııa respýblıka boıynsha servıstik qyzmet kórsetetin ókildikter ashyp, jergilikti mekenderde tapsyrys berýshilermen uzaq merzimdi, ózara tıimdi iskerlik qarym-qatynas qurýdy kóz­deı­di, osylaısha klıentter búkil qyz­met­testik barysynda elektr tehnıkalyq jabdyq­tar­ǵa kezekti servıstik qyzmet­pen birge «bir qoldan» jobalaý, jasaý, jetkizý, mon­tajdaý, iske qosý, synaý jáne «kilt tapsyrý» boıynsha maman­dan­dyrylǵan qyzmetterdiń tolyq jı­yn­tyǵyna qol jetkizýdi nysana etip otyr. Eger birde-bir mekeme, birde-bir ká­siporyn elektr qýatynsyz qımyldaı al­maıtynyn eskersek, elimizdiń ındýs­trııa­lyq damýyna atal­mysh kompa­nııa­nyń qosyp otyrǵan eleýli úlesterin baı­qaýǵa bolady. Kompa­nııaǵa qajetti keleshek mamandardy osy bastan daıarlaý úshin jyl saıyn mektep bitirýshi túlek­ter­men tyǵyz baılanys ja­salynyp, olardy zaýyt ómirimen tanys­tyr­ǵannan keıin ınjener-konstrýk­tor­lar­dyń shy­ǵa­ryp jatqan ónimderimen ta­nysýǵa ekskýrsııa jasalynady. Úlken óndiris ornyn aıaǵynan qaz bastyryp, Qazaqstandaǵy ındýstrııa­lyq-ınnovasııalyq damýdyń qarqyn alýy­na úles qosqan kásiporyn basshysy bol­dyq-toldyq deýden aýlaq. Kentaý qala­synyń kem-ketikterine kómek berýmen qatar jas kadrlardy ósirýge barynsha kóńil bólip keledi. Adam balasyna qajettiliktiń eń bastysy densaýlyq bolsa, ekinshisi – bilim. Sondyqtan mektep qabyrǵasynan bastap jastardyń mamandyq tańdaýla­ryna erekshe kóńil bólinedi. Almaty energetıka jáne baılanys ýnıversıteti, Q.Sátbaev atyndaǵy ulttyq tehnıkalyq ýnıversıteti, Qaraǵandy memlekettik teh­nıkalyq ýnıversıteti, Q.Iаsaýı atyn­daǵy Halyqaralyq qazaq-túrik ýnıversıteti, M.Áýezov atyndaǵy Ońtústik Qa­zaqstan memlekettik ýnıversıtetterimen tyǵyz baılanysta jumys istep keledi. Yntaly jastardy elektr energetıkasy jáne máshıne jasaý mamandyqtary boı­yn­sha atalǵan joǵary oqý oryndaryna túsirilip 1-2-3-4-kýrs stýdentteri kanıkýl kezinde zaýytta óndiristik aqyly tájirıbeden ótedi, ıaǵnı olarǵa 40 myń teńge kóleminde aılyq jalaqy jáne bir rettik ystyq tegin tamaq qarastyrylǵan. Jas mamandar úshin zaýyt qorynan je­ńil­detilgen paıyzsyz negizde páter beriledi, ıaǵnı aılyqtarynan óz kelisimderi boıynsha 40 nemese 50 paıyz usta­ly­nyp, tólep bolǵannan keıin páter óz menshikterine aýdarylyp beriledi. 2009- 2010 jyldary jas mamandarǵa 48 páter berilgen. Sebebi, olar bizdiń er­teńgi kadrlarymyz. Qazir naryq zamany. Myqtymyn, namysym bar, ósemin, óne­min degen elimizdiń jigerli ul-qyz­da­ry­na birinshi kezekte alǵa umtylýlary já­ne ınjenerlik mamandyqqa – HHI ǵasyr tehnologııasyn meńgerip shyǵýlary úshin barlyq jaǵdaılar jasalǵan. Ol – mem­leketimizdiń bolashaǵynyń kepili. Kásip­oryn basshysy oıyn osylaı túıindeıdi. Baqtııar TAIJAN, Ońtústik Qazaqstan oblysy, Kentaý qalasy. Sýretterde: S.Qojabaev; zaýyt sehynda.