Memleket basshysy Nursultan Nazarbaevtyń atyna Amerıka Qurama Shtattarynyń Prezıdenti Barak Obamanyń jeke joldaýy kelip tústi, dep habarlady Qazaqstan Respýblıkasy Prezıdentiniń baspasóz qyzmeti.
Joldaýda atap ótilgendeı, Qazaqstan Táýelsizdigin alǵan sátten bastap ıadrolyq qarýsyzdaný jáne taratpaý salasynda álemdik kóshbasshylardyń biri bolyp sanalady.
Prezıdent Obama 2012 jylǵy naýryzda Seýlde (Ońtústik Koreıa) ótetin Iаdrolyq qaýipsizdik jónindegi ekinshi sammıttiń mańyzyn atap ótken. Hatta Seýl sammıti aıasynda Vashıngton men Astananyń ıadrolyq qaýipsizdik salasyndaǵy ózekti problemalardy sheshýge birlesip salmaqty úles qosatyn, ıadrolyq qarýdan azat álem qurý jolynda aldaǵy qadamdardy anyqtaıtyn múmkindikteri atap ótilgen.
Barak Obama Prezıdent Nursultan Nazarbaevpen Seýldegi kezdesý kezinde ekijaqty qarym-qatynastar men halyqaralyq arenadaǵy qazaqstandyq-amerıkalyq yntymaqtastyq taqyryby talqylanatynyna senim bildirgen.