Iаdrolyq synaqtarǵa qarsy is-qımyldyń halyqaralyq kúnine oraı Qazaqstan Respýblıkasy Syrtqy ister mınıstrliginiń málimdemesi

29 tamyzda 450-den asa ıadro­lyq jarylys kórgen Semeı sy­naq polıgonynyń jabylǵanyna 20 jyl toldy. 2009 jyldyń jel­toqsanynda Birikken Ulttar Uıymynyń Bas Assambleıasy 29 tamyzdy Iаdrolyq synaqtarǵa qarsy is-qımyldyń halyqaralyq kúni retinde jarııalaý týraly Qa­zaqstan usynǵan qarardy bir­aýyzdan qoldaǵan bolatyn. Bul halyqaralyq qoǵamdastyqtyń Qa­zaqstannyń álemdik ıadrolyq qa­rýsyzdaný úderisine qosqan úle­sin moıyndaýynyń jarqyn kóri­nisi boldy. Egemendigimizdi qaıtarǵan ýa­qyttan beri, basqa memlekettermen birlese ıadrolyq qarý­syz­daný men ony taratpaý tártibin kúsheıtýge Qazaqstan belsendi jáne dáıekti atsalysýda. Biz Iаd­ro­lyq synaqtarǵa jappaı tyıym salý shartynyń (IаSJTSh) tezi­rek kúshke enýin qoldaımyz. Ol úshin Shartty ratı­fıkasııa­lama­ǵan jáne oǵan qol qoımaǵan to­ǵyz eldi jaqyn arada tıisti qa­dam­dar jasaýǵa shaqyramyz. Biz IаSJTSh-ny taratpaý isindegi eń tıimdi jáne naqty quraldardyń biri dep bilemiz. Álemdegi eń iri ıadrolyq polı­gonnyń birin jabý týraly Prezıdent Nursultan Nazar­baev­tyń Jar­­­l­yǵy men álemdegi  4-shi ıad­ro­lyq qarý-jaraq qoımasyn joıý týraly tarıhı sheshim qabyl­daǵan Qazaqstannyń qadamy álemdi ıadrolyq qarýdan azat etýde ilgerileýdiń jarqyn úlgisi bo­lyp tabylady. Barsha halyqtar men memleket basshylarynyń saıa­sı erki bolǵan jaǵdaıda mundaı tańdaý jasaýǵa múmkindik bar ekenine kámil senemiz. Birikken Ulttar Uıymynyń Bas hatshysy Pan Gı Mýn  Iаdro­lyq synaqtarǵa qarsy is-qı­myl­dyń halyqaralyq kúnine oraı jasaǵan málimdemesinde atap ótkendeı, «ıadrolyq synaqtar men ıadrolyq qarýdy «qyrǵı-qa­baq» soǵystyń áldeqashan joıy­lýy tıis bolǵan qaýipti qaldyǵy retinde qarastyratyndardyń sa­ny kún saıyn ósýde». Biz osyn­daı ustanymǵa ortaqtasa oty­ryp, ıadrolyq qarýdan azat álemdi qalyptastyrý maqsatynda barsha memlekettermen jáne Birikken Ulttar Uıymymen tyǵyz yn­ty­maqtastyqqa múddeli ekendigimizdi málimdeımiz. Iаdrolyq synaqtarǵa qarsy is-qımyldyń halyqaralyq kúnin atap óte otyryp, Qazaqstan  ja­han­dyq qoǵamdastyqty ıadrolyq synaqtarǵa jappaı tyıym salý men ıadrolyq qarýdan azat álemdi qalyptastyrýda batyl áreketter jasaýǵa shaqyrady.