Konstıtýsııamyzdyń qabyldanǵanyna, mine, 16 jyl tolyp otyr, osy ótken kezeńde Ata Zańymyz halqymyzdyń ǵasyrlar boıy táýelsiz memleket bolýdy armandaǵan, múddesin zań tilinde aıshyqtaǵan, týyn berik qadaǵan, tuǵyry bıik, irgesi myqty Qazaqstan atty memleket bar ekenin búkil álemge tanytqan, moıyndatqan biregeı zańdy qujat bolyp tabylady.
Memlekettik bıliktiń derbes bir tarmaǵy – sot bıliginiń qalyptasýyna jol salǵan túbegeıli ózgerister Ata Zańnan bastaýyn alyp, qazirgi kezde naqty júzege asýda.
Sot tóreligin júzege asyrý jónindegi óz qyzmetterinde respýblıkada sot bıliginiń memlekettik bılik tarmaǵy retinde basqa zań shyǵarýshy jáne atqarýshy bılik tarmaqtarymen tejemelik ári tepe-teńdik júıeleri arqyly ózara qımyl jasaıtynyn Ata Zańymyzdyń 4-babynan anyq baıqaýǵa bolady.
Atalmysh bap boıynsha qoldanylatyn quqyq Konstıtýsııanyń, soǵan sáıkes zańdardyń, ózge de normatıvtik quqyqtyq aktilerdiń, halyqaralyq sharttarymen respýblıkanyń basqa da mindettemeleriniń, sondaı-aq, respýblıka Konstıtýsııalyq Keńesiniń jáne Joǵarǵy Sotynyń normatıvtik qaýlylarynyń normalary bolyp tabylady.
Sot júıesi normatıvti qaýlylardy qabyldaý arqyly zańdardy júzege asyrý prosesine belsendilikpen aralasyp, zańdardy qoldanýdyń durystyǵyn qamtamasyz etýge jáne sot tájirıbesin birkelki qalyptastyrýǵa belgili dárejede óz úlesin qosýda.
Ybyraı MÁTIBAEV, Ońtústik Qazaqstan oblystyq sotynyń sýdıasy.