Salany jetildirý – ýaqyt talaby

1 qyrkúıekte ashylǵan Parlament palatalarynyń birlesken otyrysynda sóılegen só­zin­de Prezıdent Nursultan Nazarbaev tórt blok boıynsha zań­na­ma­lar­dy qabyldaýdy aıqyn­dap berdi. Elbasy sonyń úshin­shi blo­gyn­da­ǵy áleýmettik jań­ǵyrtý úderisin zańdyq turǵydan qamtamasyz etý bóligine erekshe den qoıdy. Tar­qatyp aıtqanda, bilim berý, den­saýlyq saqtaý jáne áleý­mettik turǵydan qol­daý kórsetý máse­le­lerin halyq­aralyq standarttarǵa saı etý máselesin qozǵady. Eń aldymen, kókeıge «Bilim berý týraly» Zańǵa ózgerister men tolyq­ty­rýlar engizý máselesi orala­ty­ny da sondyqtan. Al bul zań­dyq qujat quqyqtyq negizdiń aıasyn aıqyndap berýi tıis. Qazir atalǵan zań jobasy Senatta qaralýda. Másele tek mektepterdi salýda ǵana emes, bala­lardyń mektepke deıingi tár­bıe­sin, bilim sapasyn art­ty­rý sııaq­ty memleket pen jeke­niń árip­tes­tigin nyǵaıtý qajet. Meniń oıymsha, Memleket bas­shysy kótergen basymdyqtar negizinen alǵanda zań joba­syn­da kórinis tapqan. Bilim berý salasyn jetildirý, basqarý, oqý quraldaryn ázirleý, muǵalim­der­ge áleýmettik paketter daı­yn­daý – bári-bári bar. Tek muǵa­limderdiń eńbegin onyń nátıjeli jumys atqarýy­men baılanysty­rý oryndy bol­maq. Pedagog­tardyń eńbegi onyń tabysty jumysymen ólshenýi tıis. Osy rette jas pedagogtar men dárigerlerdiń áleýmettik jaǵy­nan qorǵalýy qajettigin atap ketken oryndy. Eńbek kodeksi joba­sy boıynsha qazir Májiliste ju­mys júrgizilýde. Eńbek ujym­daryndaǵy jaǵdaı­dyń aıtarlyq­taı ózgeristerge ushyraýyna baı­la­nysty zańǵa kóptegen ózgeris­ter engizý qa­jet. Atap aıtqanda, vahtalyq jumyskerler, eńbek mıgrant­tary máseleleri jáne ózge de kóptegen problemalardyń sheshimi zań jobasynda kórinis tabýy tıis. Svetlana FERHO, Májilis depýtaty.