Aralas komıssııanyń atqarary kóp

2011 jylǵy 15 qyrkúıekte Reseı Federasııasynyń Astrahan qalasynda «Altaı» transshekaralyq rezervatyn qurý týraly Qazaqstan Respýblıkasy Úkimeti men Reseı Federasııasy Úkimeti arasyndaǵy kelisim-shartqa qol qoıyldy. Qazaqstan úshin – bul birinshi qurylǵan transshekaralyq rezervat. Rezervat qu­ramy­na Katonqaraǵaı memlekettik ulttyq parki (Qazaqstan Respýblıkasy) men «Katýn» memlekettik tabıǵı bıosferalyq qo­ryǵy (Reseı Federasııasy) kirdi. Sodan keıin osy rezervatty Búkilálemdik bıo­sfe­ra­ly­q rezervattar jelisine qosý josparlanýda. «Altaı» rezervatyn qurý «Altaı» transshekaralyq aýmaǵyndaǵy jabaıy janýarlardyń bógetsiz qonys aýdarýy úshin jaǵdaılardy qamtamasyz etý jáne tabıǵı órtterdi joıý, aldyn alý, tabı­ǵat­ty qorǵaýdaǵy zań buzýshylyqty toq­tatý jónindegi taraptar qyzmetiniń ara­syn­daǵy qarym-qatynas, janýarlar men ósimdikter dúnıesiniń sırek kezdesetin jáne quryp ketý qaýpi tóngen obek­ti­le­rin qosa alǵanda, tabıǵı keshender men obektilerdi qorǵaý jónindegi is-sha­ra­lar­dy kúsheıtý, ǵylymı-zertteý júrgizý salasyndaǵy eki jaqty qarym-qatynas­ty damytýdy yqpaldastyratyn bolady. Rezervat qurý budan basqa shekaralas aýdandardaǵy ekologııalyq týrızmdi da­my­tý men halyqtyń ekologııalyq saýa­tyn ashýǵa yqpal etetin bolady. Joǵa­ryda atalǵan is-sharalardy iske asyrý úshin qazaqstandyq-reseılik aralas komıssııa jumys jasaıdy. Aralas komıssııa taraptardyń óki­letti organdarynyń kelisimi boıynsha Qa­zaqstan Respýblıkasy men Reseı Federasııasynda kezektesip otyrystar ótkizip turady. Komıssııanyń alǵashqy otyrysynda sonyń negizinde birlesken is-sharalar jos­paryn, Altaıdyń taýly bóligindegi aýmaqta ǵylymı zertteýler júrgizý taqyryptaryn bekitýdi qosa alǵandaǵy qyzmettestiktiń baǵdarlamasy men jospary ázirlenetin komıssııa erejesin qabyldaý josparlanǵan. Aralas komıssııanyń jumysy trans­shekaralyq rezervat aýmaǵyndaǵy eko­lo­gııalyq týrızmdi damytý, tabıǵı órt­ter­diń, ekologııalyq quqyq buzýshylyq­tar­dyń aldyn alý men eskertý boıynsha ta­rap­tardyń memlekettik organdary ara­syndaǵy ózara áreketterdi kúsheıtýge baǵyttalatyn bolady. Rezervat qurý qorshaǵan ortany qor­ǵaý salasyndaǵy Qazaqstan men Reseı ara­syn­daǵy eki jaqty qarym-qatynasty damy­týǵa jańa serpin beredi degen úmittemiz. Budan basqa, taraptar qazirgi ýaqytta Edil-Jaıyq kıikter tobyn qorǵaý, ósimin molaıtý jáne paıdalaný boıyn­sha Qazaqstan Respýblıkasy Aýyl sha­rýa­shylyǵy mınıstrligi men Reseı Federasııasynyń Tabıǵı resýrstar jáne ekologııa mınıstrligi arasyndaǵy keli­sim-shart jobasy men shekaralas aýmaq­tardaǵy orman jáne dala órtteriniń aldyn alý men sóndirý boıynsha Qa­zaq­stan Respýblıkasynyń Úkimeti men Reseı Federasııasy arasyndaǵy kelisim-shart jobasymen kelisý jóninde ju­mystar júrgizilip jatyr. Bul kelisim-shartqa jaqyn ýaqytta qol qoıylatynyna úmit mol. Erlan NYSANBAEV, Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy.