«Nur Otan» men «Edınaıa Rossııa» – áriptes partııalar

«Nur Otan» halyqtyq-demokratııalyq partııasynyń de­le­gasııasy partııa Tóraǵasynyń birinshi orynbasary Nurlan Nyǵmatýlınniń jetekshiligimen Máskeý qalasynda ótkizilgen «Edınaıa Rossııa» partııasy seziniń jumysyna qatysty. Sezd 11 myń qatysýshy­lar­dyń ba­syn qosyp, jaı ǵana par­tııalyq is-shara sheginen shyqty. «Edınaıa Rossııa» partııasynyń HII sezi qazirdiń ózinde eń aý­qymdy jáne kóp talqylanatyn is-shara dep ataldy. Onyń basty qory­tyn­dysy eki negizgi jańa­lyq: premer-mınıstr Vladımır Pýtınniń kandı­da­tý­rasy el prezıdenti laýazymyna usy­nylyp, jeltoqsan aıynda ótkiziletin Mem­lekettik Dýma saılaýynda «Edınaıa Rossııanyń» partııalyq tizimin prezıdent Dmıtrıı Medvedev basqaratyn boldy. Jalpy, osy tizimge 600 adam kirdi. Saılaý tiziminiń ereksheligi – onyń 53 paıyzyn qazirgi Memlekettik Dýma depýtattary qurasa, al úshten bir bóligi – Jalpyulttyq halyqtyq maıdan arqyly ótken eshbir partııaǵa kirmeıtin azamattar bolyp otyr. Osynyń arqa­synda tizimge aımaqtardan múl­dem jańa qyzyqty adamdar kirdi. Bul jaǵdaı Dýmanyń jańa quramy­nan jańasha oı-pikirler men kózqarastardy kútýge múm­kindik bermek. Dmıtrıı Medvedev pen Vladımır Pýtınniń sezd bary­synda sóılegen sózderiniń máti­nin partııanyń saılaýal­dy baǵ­dar­lamasy dep esepteý usy­nyl­dy. Onyń úlken bóligi áleýmettik sa­la­ǵa, eńbekaqy, zeınetaqy mól­sherin kó­beı­tý, ıpotekalyq ne­sıeniń paıyzdyq mólsherleme­lerin azaıtý, turǵyn úı salý jáne baılardyń salyq kólemin kó­beıtýge arnalǵan. Alaıda, kóshbasshylardyń óz­deriniń aıtýynsha, eń mańyzdysy – osyǵan qalaı qol jetkizýge bolatyny jáne Reseı azamat­ta­ry­­nyń buǵan qatysty kóz­qa­ras­tary qandaı bolatyny. Forým partııanyń saılaýaldy taktı­ka­syn aıqyndap qana qoımaı, so­nymen qatar, elde ornaǵan bılik modeliniń tıimdiligin kórsetti. Eń jaqyn kórshilermen jaqyn­da­sý da basty basymdyqtardyń biri bolyp tabylady. «Edınaıa Rossııa» partııasy men El­basy Nursultan Nazarbaev basqaratyn «Nur Otan» ha­lyqtyq-demokratııalyq partııasy arasynda áriptestik qaty­nas­tar qalyptasyp úlgergen. Sol sebepti sheteldik partııa ókilderiniń alǵash­qy­sy bolyp qazaqstandyq delegasııa je­tekshisiniń sóz sóı­legeni kezdeısoqtyq emes. Nur­lan Nyǵmatýlın Memleket bas­shy­­synyń quttyqtaý sózin oqy­dy. Quttyqtaý mátininde sońǵy jyl­dary eki el arasyndaǵy syn­darly jan-jaq­ty áriptestik pen strategııalyq yn­tymaqtastyq jańa deńgeıge shyqqany týraly aıtylǵan. Buǵan Keden odaǵy­nyń qurylyp, Biryńǵaı ekonomıka­lyq keńistiktiń qalyptasýy dá­lel bola alady. Partııaaralyq qarym-qaty­nas­tarǵa qatysty: «О́z elderindegi saıası úderis­ter­diń kóshbas­shy­lary bolyp taby­la­tyn «Nur Otan» men «Edınaıa Rossııa» par­tııa­lary arasyndaǵy baılanys­tar da kún saıyn kúsheıip keledi. Osy­laı­sha eki eldiń baýyrlas ha­lyqtary ara­syndaǵy dostyq qa­rym-qatynastaryn odan ári da­mytýǵa bizdiń partııalarymyz óz úlesin qosýda. Aldaǵy ýaqytta da reseılik dostarymyzben árip­tes­tigimizdi damytyp, partııaaralyq qarym-qatynastarymyzdy ny­ǵaı­týdy kózdep otyrmyz», delingen. Qazaqstan men Reseı jaı ǵana kórshi elder emes, bizdiń damý joldarymyz ortaq. Bul týraly «Edınaıa Rossııa» ókilderi birneshe ret aıtqan bolatyn. Al ın­tegrasııalyq baılanystar keńeı­ip, naqty nátıjeler berýde. Memlekettik Dýma depýtaty Oleg Savchenko qazaqstandyq par­tııanyń al­ǵashqy bolyp sóz sóı­legeni Reseıdiń El­basymyz Nur­sultan Ábishuly Nazar­baevqa degen aıryqsha kózqarasynyń dále­li ekenin atap ótti. Ol – biregeı tulǵa, bizdiń strategııalyq árip­testi­gimiz de onyń atymen baı­lanysty. – Basqa sheteldik partııalarǵa qa­ra­ǵanda, bizdiń «Nur Otan» partııasymen qarym-qaty­nas­ta­ry­­myz alda keledi. «Nur Otan» – bul bizdiń naǵyz áriptesimiz, na­ǵyz dosymyz. Biz ótken ýaqytta jasaǵan isterimizben maqtana ala­myz jáne de bolashaqta odan da qyrýar jumys at­qa­raty­ny­myzǵa senimdimin. Ala almaıtyn asýlarymyz joq, – dedi Memlekettik Dýma depýtaty Konstantın Kosachev. Partııaaralyq baılanystar qarqyn­dy damyp keledi. Oǵan dá­lel – yn­ty­maqtastyq jaıly jańa kelisimge qol qoıylǵany. Oǵan «Nur Otan» partııasy Tór­aǵasynyń birinshi orynbasary Nur­lan Nyǵmatýlın men «Edınaıa Rossııa» Joǵarǵy keńesiniń tór­aǵasy Borıs Gryz­lov qol qoıdy. Qujatqa ózara qa­rym-qatynas or­natýdyń, aldaǵy jyl­dary tá­ji­rıbe almasýdyń naqty shara­la­ry kirgen jáne de bul qujat eki partııa baılanystary tarıhynyń jańa taraýyn ashady dep aıtýǵa bolady. «Egemen-aqparat».