Qazynashylyq salasyndaǵy almasý

Keshe Qarjy mınıstrligine qarasty Astana qalalyq qazynashylyq departamentinde PEM PAL qazynashylyq qaýymdastyǵynyń halyqaralyq semınary bastaldy. Semınar el Táýelsizdiginiń 20 jyldyq mereıtoıyna oraı uıym­dastyrylyp otyr. 1-14 qyrkúıek aralyǵynda ótken Halyqaralyq valıýta qory mıssııasy Qazaqstanda bıýdjettiń atqarylýy jáne qazynashylyq qyz­meti jalpy jáne tutas al­ǵan­da halyqaralyq standarttarǵa saı keledi dep baǵa bergen bolatyn. Oǵan qosa, Qazaqstan qazy­nashylyǵy aqparattyq júıesiniń tabysty qyzmet etip jatqandyǵy júıege degen taıaý jáne alys shetelderdiń qyzyǵýshylyǵymen qýattalyp otyr. Elimizde ótip jatqan «Qazy­na­shylyq operasııalarynda aqpa­rat­tyq tehnologııalardyń qolda­ny­lýy» atty halyqaralyq semınar PEM PAL qazynashylyq qaý­ym­dastyǵynyń jetekshi toby men Qarjy mınıstrliginiń qazy­nashylyq komıtetiniń, sondaı-aq Astanadaǵy Búkilálemdik bank keńsesiniń qoldaýymen ótkizilý­de. Semınarǵa taıaý jáne alys shet­elderden 70 adam qatysýda. Olardyń qatarynda Albanııa, Armenııa, Belarýs, Bosnııa jáne Gersegovına, Makedonııa, Ońtús­tik Koreıa, Fransııa, Germanııa, Avstralııa, Kenııa, Danııa jáne basqa da elderdiń sarapshylary bar. Semınardyń basty maqsaty Qazynashylyq qaýymdastyǵyna kiretin elderdiń mamandary men praktıkteriniń qazynashylyq júı­esine zamanaýı aqparattyq teh­nologııany engizý salasyn­da­ǵy tájirıbe almasýy bolyp tabylady. Atalmysh júıe qazyna­shy­lyq salasyndaǵy aqparattan­dyrýdyń kókeıkesti deńgeıge shy­ǵýyn qamtamasyz etip qana qoı­maı, memlekettik qarjy salasyn basqarý júıesinde de refor­malardyń alǵa jyljýyna sebin tıgizýi kerek. Úsh kúndik semınar barysynda Búkilálemdik banktiń memlekettik qarjy salasyndaǵy aqparattyq júıeler boıynsha je­tekshi mamany Dener myrza osy taqyrypqa baılanysty jýyrda júrgizilgen zertteýler ná­tı­je­lerin jarııalaıdy dep kú­tilip otyr. Sharanyń alǵashqy kú­nin­de Qarjy mınıstrligi Qa­zy­nashylyq komıteti tóraǵasy­nyń orynbasary Aıgúl Baıǵojı­na, Aqparattyq tehnologııalar bas­­qarmasynyń bastyǵy Erlan Shal­ǵym­baev elimizdiń qazyna­shy­lyq júıesindegi aqparattyq teh­no­lo­gııalardyń engizilýiniń tu­saý­ke­se­rin jasady. Al erteń osy má­­seleler boıynsha arnaıy sha­qy­rylǵan Ońtústik Koreıa, Danııa, Fransııa jáne Reseı elde­ri­niń sa­rapshylary óz ınno­va­sııa­lyq sheshimderimen bólispek. Venera TÚGELBAI.