Bıýdjet jobasy tanystyryldy

Keshe Parlament Senatynda palata Tóraǵasynyń orynba­sar­lary Muhambet Kópeev pen Aleksandr Sýdınniń qaty­sýy­men jáne Qarjy jáne bıýdjet komıtetiniń basshysy Qaırat Ishanovtyń tóraǵalyq etýimen «2011-2013 jyldarǵa arnalǵan respýblıkalyq bıýdjet týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasynyń tanystyrylymy boldy. Qarjy mınıstri B.Jámishev pen Ekonomıkalyq damý jáne saýda mınıstri Q.Kelimbetov de­pý­tat­tardyń aldynda sóz sóılep, áleý­mettik salanyń, aýyl sharýa­shy­ly­ǵynyń, aımaqtyq ınfaqu­ry­­lym­­nyń nysandaryn salýdy bıýd­jet­tik qoldaý máselelerine qatys­ty kóptegen saýaldarǵa jaýap berdi. Tanystyrý barysynda 2011-2015 jyldardaǵy makroekono­mı­ka­lyq boljam kórsetkishteriniń ózgerýine baılanysty 2011 jyl­ǵy respýblıkalyq bıýdjettiń kór­setkishteri naqtylanyp otyr­ǵany atalyp ótildi. Respýblıkalyq bıýdjettiń bı­yl­ǵy túsimderi 4 439,9 mıllıard teńge kóleminde belgilendi nemese qazirgi bıýdjetpen salystyr­ǵan­da (4 256,6 mıllıard teńge) 183,3 mıllıard teńgege ulǵaıdy. Bekitilgen bıýdjetpen salys­tyrǵanda bıýdjet jetispeýshiligi qosymsha qarjymen 34,6 mıllıard teńgege ulǵaıtylyp, onyń nátıjesinde defısıt 730,4 mıllıard teńgeni qurady. Nátıjesinde 2011 jylǵy res­pýblıkalyq bıýdjet shyǵystary 5 170,3 mıllıard teńge soma­syn­da qarastyrylyp otyr, bekitilgen bıýdjetpen (4 952,4 mıllıard teńge) salystyrǵanda 217,9 mıllıard teńgege ul­ǵaıdy. Bıýdjetti naqtylaýlar áleý­mettik salany, aýyl sharýashy­ly­ǵyn, turǵyn úı-kommýnaldyq keshenin damytý, ındýstrııalyq-ınnovasııalyq baǵdarlama men aımaqtyq ınfraqurylym qury­ly­syn iske asyrý shyǵystaryn ulǵaıtýdy kózdeıdi. Tutastaı alǵanda, 2011 jyl­ǵy respýblıkalyq bıýdjetti naq­tylaý jobasy Prezıdent N.Na­zarbaevtyń halyqqa Joldaýynda belgilengen jáne bıylǵy 17 sáýirdegi Úkimettiń keńeıtilgen otyrysynda alǵa qoıǵan mindetterdi eskere otyryp, ázirlengen, dep habarlady Parlament Sena­ty­nyń baspasóz qyzmeti.