Jýyrda oblys ortalyǵynda «Táýelsizdik tuǵyry» atty taqyrypta jas qalamgerler festıvali ótti. Bul festıvalǵa elimizdiń ár qıyrynan talantty jastar jınaldy. Oblysta osymen ekinshi ret ótip otyrǵan bul jıyndy ótkizýge oblys ákimdigi jáne Jazýshylar odaǵy bastamashy boldy.
Jalpy, bul jıynnyń basty maqsaty – elimizdiń táýelsizdik jyldaryndaǵy tynys-tirshiligin, erkindik alǵaly bergi jarqyn qýanyshtar, jaqsylyqtardy sóz ónerinde jyrlap kórsetý, osy jyrlary arqyly jas talanttardy elge tanytý. Soǵan oraı jastar oblys ortalyǵyndaǵy elimizdiń kók týy jelbirep turǵan alańǵa baryp Otan, týǵan el, táýelsizdik, bolashaq jaıly óz óleńderin oqydy. Osy jıyn aıasynda ótken dóńgelek ústel basynda da osy taqyrypta áńgime aıtyldy. Daryn qýatymen kózge túsken jas qalamgerlerge Kereký óńiriniń ataqty tulǵalary jáne kúni keshe marqum bolǵan aqyndar Qadyr Myrza Áli, Tumanbaı Moldaǵalıev atyndaǵy syılyqtar taǵaıyndaldy.
Farıda BYQAI.
Pavlodar.