Strategııa jobasy talqylandy

Keshe Aqordada Memleket basshysy Nursultan Nazarbaev Qazaqstan Respýblı­ka­sy Qaýipsizdik Keńesiniń oty­rysyn ótkizdi. Oty­rys­ta Úkimet tarapynan ázir­len­gen Ulttyq qaýip­siz­dik­tiń 2012-2016 jyldarǵa ar­nalǵan strategııasynyń jo­basy talqylandy. Qazaqstan Prezıdenti óz só­zinde osy strategııalyq qujat­tyń aıasynda beıbitshilik pen kelisimdi saqtaýǵa, qazaq­stan­dyq qo­ǵamdy turaqty jáne or­nyqty damytýǵa, memleket pen eko­no­mıkany odan ári ny­ǵaı­týǵa, son­daı-aq Qazaqstannyń qaýipsiz­di­gine tónetin qaýip-qa­terlerdi beı­taraptandyrýǵa múm­kindik beretin, orta merzimdi kezeńge eseptelgen keshendi sharalar qabyl­daýdyń mańyzyn atap ótti. Jobany talqylaý barysynda Prezıdent oryn alǵan jáne bol­janǵan qaýip-qaterlerge qarsy is-qımyldyń naqty tetikterine qatysty birqatar eleýli eskertýler men usynystar engizdi. So­ny­men qatar, otyrysqa qatysý­shy­lar 2010 jyly qabyldanǵan «Syrtqy barlaý týraly» Zańdy is júzine asyrý máselesin qara­dy. Qazaqstannyń ulttyq qaýip­siz­digin qamtamasyz etý, syrtqy terrorlyq jáne ekstremıstik qaýipterdi der kezinde tabý, odan saqtap qalý úshin barlaý or­gan­dary qyzmetiniń mańyzdylyǵy atap ótildi. Nursultan Nazarbaev eli­miz­diń barlaý organdarynyń jumy­sy­na baǵa berip, oryn alǵan prob­lemany atap kórsetti jáne olardyń qyzmetin jetildirý, so­nyń ishinde Qazaqstan basshy­ly­ǵyn jedel jáne sapaly aqpa­rat­tandyrý máseleleri jónindegi ne­gizgi baǵytyn anyqtap berdi. Talqylaýdyń qorytyndysy boı­yn­sha Memleket basshysy Úki­met­ke jáne ózge memlekettik or­gan­darǵa tıisti tapsyrma berdi. Olar­dyń oryndalýyna baqylaý jasaý Qazaqstan Respýblıka­sy­nyń Qaýip­sizdik Keńesine júk­teldi. Álısultan QULANBAI. ----------------------------------------- Sýretti túsirgender S.BONDARENKO, B.OTARBAEV.