Parlament Senatynyń Áleýmettik-mádenı damý komıtetinde «Qazaqstan Respýblıkasynyń keıbir zańnamalyq aktilerine memlekettik áleýmettik tapsyrys máseleleri boıynsha ózgerister men tolyqtyrýlar engizý týraly» zań jobasy qaraldy, dep habarlady osy palatanyń baspasóz qyzmeti.
Zań jobasynyń maqsaty úkimettik emes uıymdardy memlekettik qoldaý júıesin jetildirý, memlekettik áleýmettik tapsyrysty júzege asyrý prosesinde týyndaıtyn qoǵamdyq qatynastar sýbektileriniń bólinetin bıýdjet qarajatyn tıimdi paıdalaný jónindegi jaýapkershiligin arttyrý bolyp tabylady.
Joba memlekettik áleýmettik tapsyrys prosesiniń jarııalylyǵy men ashyqtyǵyna, memlekettik áleýmettik tapsyrys boıynsha qyzmet berýshilerdi sapaly iriktep alýǵa qol jetkizý, memlekettik saıasat basymdyqtaryn jáne memlekettik áleýmettik tapsyrysty bólý kezinde respýblıka men onyń jekelegen óńirleriniń áleýmettik-ekonomıkalyq damý qajettilikterin eskerý jónindegi pármendi tetikterdi qurýǵa baǵyttalǵan.
Osy zań jobasymen «Memlekettik áleýmettik tapsyrys týraly» jáne «Memlekettik satyp alý týraly» zańdarǵa ózgerister men tolyqtyrýlar engiziledi.
Zań jobasy palatanyń qaraýyna jiberildi.