Respýblıkalyq jastar forýmy ótti

Parlament Májilisinde «Táýelsiz Qazaqstan – meniń Otanym» atty respýblıkalyq jastar forýmy jalǵasyn tapty. Qazaqstan halqy Assambleıasynan saılanǵan Májilis depýtaty, Zańnama jáne sot-quqyqtyq reforma komıtetiniń múshesi Lıýdmıla Hochıeva jetekshilik etken basqosý Qazaqstan Respýblıkasynyń 20 jyldyq mereıtoıy qarsańynda jastardyń qazaqstandyq patrıotızm, ultaralyq tatýlyq pen birlik, el bolashaǵy taqyryptaryn ortaǵa salyp, talqylaýǵa arnaldy. Forým Kókshetaý jerinen «Qa­zaqstandyq qoǵamdy biriktirý: jastardyń kózqarasy» dep ata­latyn semınar-trenıngpen bas­taldy. Jastar Aqmola obly­sy­nyń joǵary oqý oryndarynda – Kókshetaý memlekettik ýnıversıteti men «Kókshe» akademııa­syn­da oqıtyn zamandastarymen júzdesti. Pikirlesip, oı bólisip, bir shańyraq astynda «Baursak Party» sharasynyń tusaýkeserin ótkizdi. Astanaǵa oralǵan jastar forým jumysyn «Otan-Ana» monýmentine gúl shoǵyn qoıý sal­ta­na­tynan bastap, basqosyp estelik sýretke tústi. Forým jastardy Táýelsizdigimizdi qasterleýge, otan­súıgishtikke, patrıotızmge tár­bıe­leý, jastardy tolǵandyratyn ózekti máselelerdi Parlament qa­byrǵasynda qarastyryp, kósh­basshy jas urpaqtyń basyn biriktirý máselesin maqsat etti. Bas­qosýdy «Baı-barys» ıntel­lek­týaldyq klýbynyń múshesi Ál­keı Marǵulanuly júrgizip otyrdy. Jastar forýmyn palatanyń Áleýmettik-mádenı damý komı­te­tiniń hatshysy Beken Álimjanov quttyqtady. «Bul jastar – bizdiń memleketimizdiń bolashaǵy, elimizge ıe bolatyn, onyń ekono­mı­kalyq jáne ishki-syrtqy saıasa­tyn júzege asyratyn, Otany­myz­dyń máselelerin dúnıe­júzi­lik jáne halyqaralyq deńgeıde sheshetin Qazaqstan Respýblıka­sy­nyń jastary. Sondyqtan, qazirgi tańda biz­diń aldymyzda kúrdeli másele­lerdiń biri bolyp osy jastarǵa ózderiniń jigerlerin budan ári damytý úshin, alǵan bilimderin iske asyrý úshin, memleketimizge óz úlesterin qosý úshin tıisti jaǵ­daı jasaý máselesi tur. «Qa­zaq­stan jastary» atty baǵdarlama qabyldadyq. Talantty jastardy yntalandyrý men shyǵarmashy­lyq jobalardy qoldaý úshin «Daryn» syılyǵyn 10 atalym boıynsha taǵaıyndadyq. Jastar saıasaty týraly keıbir zańna­ma­lyq aktiler, sonyń ishinde «Memlekettik jastar saıasaty týraly» zań Májiliste qaralatyn bolady. Olar 5-10 jyldan keıin básekege qabiletti, Batys pen Shyǵys­taǵy óz zamandastarynan qa­lys­paı­tyn bolýlary kerek. Sol úshin bıýdjetten 2 mıllıard teń­ge kó­leminde qosymsha qar­jy qaras­ty­rylyp jatyr», – dedi depýtat. Jastardyń jetekshisi, Máji­listiń Zańnama jáne sot-quqyq­tyq reforma komıtetiniń múshesi Lıýdmıla Hochıeva úsh kúngi jumys barysyna toqtala kelip bylaı dedi: «Jastar degenimiz kimder? Olar – bizdiń memle­ketimizdiń irgetasy. Úsh kúngi respýblıkalyq jastar forýmyna qatysýshylar elimizdiń eń joǵar­ǵy zań shyǵarýshy organynyń qabyrǵasynda otyryp, árqaısy­synyń el keleshegine jaýapkershilik sezingenin surar edim. Qa­zaqstannyń bolashaǵyn jasaıtyn búgingi jastar. Endi árqaısy­laryńyz aldaryńyzda turǵan júrek­sheni jaǵyńyzdar. Sizderdiń jú­rekterińiz el degende, Qazaqstan degende osylaı janyp tursa eken dep tileımin. Otanymyz ben halqymyzǵa sol janǵan júrek­pen qyzmet etińizder». Depýtat osylaı deı kelip, osy forýmnyń memleketimizdiń irgetasynyń bir kirpishi bolyp qalanatynyna óziniń senimin bildirdi jáne jastarǵa izgi tilegin aıtyp, «Aq nıetpen» degen aı­shyq­ty jazýy bar albom usyn­dy. Oǵan forýmǵa qatysýshylar tilekteri men usynystaryn jaza­dy. Albom Elbasy – Qazaqstan Respýblıkasynyń Prezıdenti Nursultan Nazarbaevqa jolda­na­tyn bolady. Kelesi quttyqtaýdy «Jas Otan» jastar qanatynyń atqarýshy hatshysy Nurlan О́teshov joldady. *   *   * Respýblıkalyq jastar fo­rý­my Parlament Májilisiniń qol­daýymen «Baı-barys» ıntel­lek­týaldyq klýbyn uıymdastyryp, sharaǵa Parlament depýtattary, úkimettik emes uıymdardyń ókil­deri jáne «Jas Otan» jastar qanatynyń músheleri, Stýdentter alıansynyń jastary men joǵary oqý oryndarynyń stýdentteri qatysty. Forýmdy qorytyn­dylaǵan jastar «Báıterek» monýmentin tamashalap, «Súıikti elim, ardaqty Qazaqstanym» atty flesh-mob tásilimen Astana kógine sharlar ushyrdy. Sáýle DOSJANOVA, jýrnalıst.