Jýyrda Bilim jáne ǵylym mınıstrligine qarasty «Halyqaralyq baǵdarlamalar ortalyǵy» AQ qoldaýymen Astanada halyqaralyq bilim kórmesi ótti.
Kórmeniń negizgi maqsatyna keler bolsaq, ǵylym, bilim jáne ınnovasııalyq tehnologııa salasyndaǵy álemdik jetekshi, sonymen qatar óz Otanymyzdaǵy bilim mekemeleri arasyndaǵy iskerlik qarym-qatynasty nyǵaıtýǵa baǵyttalǵan. Sheteldik joǵary oqý ornyna túsýge arnalǵan ázirlik kýrstary baǵdarlamalary boıynsha tildik kýrstar ótkizý, kásibı biliktilikti arttyrý, semınarlar, trenıngter mamandardy qaıta daıarlaý boıynsha joǵary oqý oryndarynda oqý múmkindikteri jaıly aqparattarmen tanystyrý da negizge alynǵan.
О́rkenıetti eldermen memleketimizdiń baılanysyna keletin bolsaq, bul isterde úlken ilgerileýshilikter bar ekeni jurtqa málim. Ásirese, Ulybrıtanııa, AQSh, Irlandııa, Malaızııa, Germanııa, Fransııa, Kanada, Túrkııa, Shveısarııa, Ispanııa, Reseı memleketterimen stýdentter almasý jaqsy jolǵa qoıylǵan.
Al mundaı kórme «Stydylnn» men «A2 International Education Faris» bilim ortalyqtarynyń birigýimen jyl saıyn ótip otyratynyn da aıta ketsek deımiz. Máselen, ótken jyly kórmege 10 elden 50-ge jýyq bilim mekemeleri qatyssa, bıyl 12 elden 70-ke jýyq joo atsalysqan. Bul degenińiz, sheteldik jetekshi ýnıversıtettermen elimizdiń ozyq ýnıversıtetteri stýdentter men mektep oqýshylarynyń qyzyǵýshylyǵyn jyldan-jylǵa arttyrýǵa talpynyp otyrǵanyn kórsetedi. Bıylǵy kórmeniń basty ereksheligi, bilim salasynyń jetekshi mamandaryn naqty usynystar men sheteldik oqý oryndaryna túsýdiń mán-jaıy týraly semınar ótkizý boldy.
Súleımen MÁMET.