Beıbitshilik – ortaq qundylyqtarymyz

Qazaqstan Respýblıkasy Parlamenti Májilisiniń Halyqaralyq ister, qorǵanys jáne qaýipsizdik komıtetiniń hatshysy Vıktor Rogalev, komıtet músheleri Sát Toqpaqbaev pen Ýálıhan Qońyrbaev Amerıka Qurama Shtattary Qorǵanys mınıstrliginiń «CAPSTONE» baǵdarlamasy delegasııasynyń múshelerimen kezdesti. Komıtet hatshysy Vıktor Rogalev sóz bastap, áriptesterimen tanystyrdy. Elimizdiń eń joǵarǵy zań shyǵarýshy organynyń qabyrǵa­syn­da araǵa jyl salyp dástúrge aınalǵan eki­jaqty yntymaqtastyq týraly pikir almasyp otyrǵandyǵyna rızashylyq bildirdi. Qa­zaq­stan Respýblıkasy Táýelsizdiginiń 20 jyl­dy­ǵyn merekeleý qarsańyndaǵy daıyndyq ba­ry­synan habardar etti. «200 jyldyq tarıhy bar AQSh-tan alar tájirıbemiz ben úıre­neri­miz kóp», – dedi depýtat. Bıyl elimiz taǵy bir ataýly data – Semeı ıadrolyq synaq polıgonynyń jabylǵanyna 20 jyl tolǵanyn atap ótti. Sol kezde bizdi birinshi bolyp qoldap, ıadrolyq synaqqa qarsy moratorıı jarııalaǵan Nevada shtaty boldy. Jaqynda osy tarıhı oqıǵaǵa baılanysty «Iаdrosyz álem úshin» atty úlken forým ótti. Oǵan AQSh-tan kongressmender qatysty. AQSh delegasııasynyń múshesi Rıchard Nıl Qazaqstan Táýelsizdiginiń 20 jyldyǵymen quttyqtady, dep habarlady Májilistiń baspasóz qyzmeti. ----------------------------------------- Sýretti túsirgen Amanqul DÚISEBAEV.