Bolashaǵy zor yqpaldastyq

Astanada Qazaqstan Respýblıkasynyń Premer-Mınıstri Kárim Másimov elimizge resmı saparmen kelgen Ýkraına Úki­me­ti­niń basshysy Nıkolaı Azarovpen kezdesti. Taraptar saýda-eko­nomıkalyq jáne mádenı-gýmanıtarlyq yntymaqtastyq sala­syn­daǵy Qazaqstan-Ýkraına qarym-qatynastarynyń aǵymdaǵy jaǵdaıy men damý perspektıvasyn talqylady. Qazaqstan men Ýkraına birlesken ındýstrııalyq-ınnovasııalyq jobalar sala­synda yntymaqtastyqty belsendirýdi josparlaýda.

Kezdesý barysynda Kárim Másimov jáne Nıkolaı Azarov Qa­zaqstan jáne Ýkraına ara­syn­daǵy ekonomıkalyq qarym-qa­ty­nasty nyǵaıtý qajettiligin atap aıtty. «Aramyzda qalyptasqan qarym-qatynastar eki eldiń alǵa qaraı damı túsýi úshin, azamat­tarymyzdyń baqýatty tirshilik etýi úshin bizge ashyq jáne ádil áńgime aıtýǵa, barlyq máseleler boıynsha sheshimder tabýǵa múm­kindik berýde», – dedi K.Másimov óziniń ýkraınalyq áriptesimen bolǵan kezdesýde. «Álemde qa­lyp­tasyp otyrǵan búgingi jaǵdaı sarabdal baǵytty talap etedi. Meniń oıymsha, bizdiń ynty­maq­tastyǵymyz kóptegen elderdiń ekonomıkasynda qazir baıqalyp otyrǵan táýekelderdi azaıtýǵa múmkindik beredi», – dedi óz kezeginde Qazaqstandy áleýmettik-ekonomıkalyq damýdaǵy jaqsy jetistikterimen quttyqtaı oty­ryp Ýkraına Úkimetiniń bas­shy­sy N.Azarov.

«2011 jyly Ýkraına men Qazaqstannyń is-qımyldar jos­pa­rynyń – bizdiń saýda-ekonomı­ka­lyq qarym-qatynastary­myz­dyń kórsetkishterin arttyrýǵa sep bolǵan qujattyń merzimi aıaq­taldy. Endi 2012-2013 jyldarǵa arnalǵan is-qımyldar jospa­ryn jasaý kerek dep oılaı­myn», – dep atap ótti N.Azarov. Kelissóz aıaqtalǵannan keıin Kárim Má­si­mov pen Nıkolaı Azarov Qazaq­stan jáne Ýkraına ishki ister mınıstrlikteriniń arasyndaǵy Yntymaqtastyq týraly kelisimge qol qoıý rásimine qatysty.

Odan keıin jýrnalıstermen ótken brıfıngte Úkimet basshy­la­ry ekijaqty kelissózderdiń qorytyndysyn shyǵardy.

Qazaqstan Úkimeti basshy­sy­nyń aıtýynsha, ýkraınalyq árip­testermen áńgime beıresmı jáne óte naqty mazmunda ótip, eki­jaq­ty yntymaqtastyqtyń aýqymdy máseleleri tııanaqty talqy­lan­ǵan. Atap aıtqanda, ǵarysh sala­syndaǵy ózara is-qımyl máselesi sóz boldy. K.Másimovtiń pikirinshe, «bul salada tabysty ynty­maq­tastyqqa múmkindik mol». Ýkraınamen atom energetıkasy sa­lasyndaǵy yntymaqtastyq ta­qy­ryby da nazardan tys qalǵan joq. «Bul salada Ýkraınanyń tá­jirıbesi zor», – dep atap kórsetti Premer-Mınıstr. Budan ózge Kárim Másimov ýkraınalyq ká­siporyndardy Qazaqstannyń ın­dýstrııalandyrý baǵdarlamasyna atsalysýǵa shaqyrdy.

«Qazaqstan bizdiń Reseı Fede­ra­sııasynan keıingi iri saýda-ekonomıkalyq seriktesimiz. Buǵan eki eldiń Prezıdentteriniń, Úki­metteriniń bizdiń yntymaqtasty­ǵy­myzǵa úlken kóńil bólýinen keıin qol jetkizildi», – dep má­lim­degen Nıkolaı Azarov Qazaq­stan­nyń ındýstrııalandyrý baǵdar­la­masyna ózderiniń qatysýǵa daıyn ekendikterin jetkizdi.

Kelissózder barysynda qol jetkizilgen barlyq kelisimder 2012-2013 jyldarǵa arnalǵan is-qımyldar josparyn nemese 4-Jol kartasyn ázirleýge negiz bolady. Taraptar olardyń at­qa­rylý barysyn Úkimetaralyq komıssııa tetigi arqyly baqylaýǵa kelisti.

Tústen keıin eki eldiń premer-mınıstrleri Qazaqstan-ýk­raın bıznes-forýmynyń ashy­lýy­na qatysty. Premer-Mınıstr Kárim Másimov ýkraı­na­lyq kásipkerlerdi Qazaqstanǵa jumys isteýge shaqyrdy. Meniń­she eger ýkraınalyq kompanııalar Qazaqstan aýmaǵynda jumys isteýge nıet bildirse, biz árıne, siz­derdiń kelýlerińizge qýanyshty bolamyz», – dedi Astanada ótken qazaqstandyq-ýkraınalyq bıznes-forýmda ýkraınalyq kompa­nııalardyń ókilderine arnaǵan sózinde K.Másimov. Premer qa­zir­gi ýaqytta respýblıkada bıznesti qoldaý boıynsha birqatar baǵdarlamalar júzege asyrylýda ekendigin de eske saldy. Atap aıtqanda, birqatar jeńildikter qarastyrylǵan «Bıznestiń jol kartasy» áreket etýde.

2010 jyldyń qorytyndysy boıynsha Qazaqstan men Ýk­raınanyń arasyndaǵy saýda aı­na­lymy 2,066 mlrd. AQSh dol­la­ryn qurady. 2011 jyldyń 8 aıyn­da Qazaqstan men Ýkraı­na­nyń ara­syn­daǵy syrtqy saýda aınalymy 2,9 mlrd. dollarǵa jetti jáne 2010 jyldyń sáıkes kezeńimen salystyrǵanda 1,5 esege artty. Ýkraınaǵa qazaqstan­dyq ónimder­diń eksporty 1,8 mlrd. dollardy qu­rap, 2010 jyl­men salystyr­ǵan­da 4 esege kóbeıgeni baıqaldy. Al Ýkraınadan Qazaqstanǵa ım­port­talǵan taýarlar kólemi 1,1 mlrd. dol­larǵa jetip, 2010 jyl­dyń sáıkes kezeńimen salys­tyr­ǵanda 30 paıyzǵa artqan.

Qanat ESKENDIR.