Bilimdegi ıntegrasııa serpini

Almatyda el Táýelsizdiginiń 20 jyldyǵyna oraı Bilim jáne ǵy­lym mınıstrligi men Qazaq ult­tyq agrar­lyq ýnıversıtetiniń uıym­dastyrýy­men «Halyqaralyq ǵylym men bilim qoǵamdastyǵyna serpindi ıntegrasııalaý» atty ha­lyqaralyq semınar ótti. 70 memleketten delegattar qatysqan eki kúndik jıynda ulttyq kompanııalar, joo jáne ǵylymı mekeme­ler­diń, halyqaralyq uıymdar, memlekettik qurylymdar­dyń ókilderi álemdik bilim berý júıesi men ǵylymı keńis­tiginde ýnıver­sı­tet­ara­lyq jáne ǵylymı ortalyqtar arasyndaǵy belsendi biryńǵaı baılanysty damytýǵa qatysty rezolıýsııa qabyldady. Aldymen semınarǵa qatysý­shy­lar el Táýelsizdiginiń 20 jyldyǵyna arnalǵan «QazUAÝ: bilim men ǵylym­daǵy ınnovasııalar» kórmesimen ta­ny­syp, onan soń «Center of Excel­lence1» modeldik akademııalyq ut­qyr­lyq ortalyǵynyń ashylýyna jáne «Tive to study» til ortalyǵynyń tusaýkeser rásimine kýá boldy. Son­daı-aq qonaq­tar­dyń qatysýymen bir mezette birneshe eldiń joǵary oqý oryndarymen «Globaldy klass. Seriktes joo-larmen baılanys ornatý» on-line tártibindegi beıne-konfe­ren­sııasyn ótkizdi. Plenarlyq májilisti QazUAÝ-diń rektory Tilektes Espolov ashyp, al­qaly jıynnyń maqsatyna toqtal­dy. Úsh tilde ótken jıyn aıasynda paneldik sessııa jumys istedi. Sony­men qatar je­tekshi sarapshylar semı­narǵa qa­tysýshylarǵa jáne QazUAÝ fakýltetterinde ártúrli baǵyttarda sheberlik-synyptaryn ótkizdi. Semınar baǵdarlamasynda Táýelsiz­diginiń 20 jyldyǵyna arnal­ǵan QazUAÝ stýdentter uıymy daıyn­daǵan «Táýel­siz elim – taǵdy­rym» atty mádenı shara kórsetildi. Gúlzeınep SÁDIRQYZY.