Fılmniń ındeksi týraly aqparatqa qoıylatyn talaptar
1. Jalpy erejeler
1. Osy fılmniń ındeksi týraly aqparatqa qoıylatyn talaptar (budan ári – Talaptar) «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańynyń 28-3-babynyń 4-tarmaǵyna sáıkes ázirlendi jáne Qazaqstan Respýblıkasynda shyǵarylǵan jáne Qazaqstan Respýblıkasynyń aýmaǵyna prokattaý ári kópshilikke kórsetý úshin ákelingen (jetkizilgen) fılmderdiń ındeksi týraly usynylatyn aqparatqa qoıylatyn talaptardy aıqyndaıdy. 2. Osy Talaptarda mynadaı negizgi uǵym paıdalanylady: box-qaptama – ónim týraly jarnamalyq málimetter jáne ony paıdalaný qaǵıdalary ornalastyrylǵan fılmniń analogtyq jáne sıfrlyq tasyǵyshtarynyń arnaıy qaptamasy. 3. Osy Talaptardyń erejeleri fılmge prokattaý kýáligin alǵan jeke jáne zańdy tulǵalarǵa qoldanylady. 4. Osy Talaptardyń maqsaty balalar men jasóspirimderdiń densaýlyǵyna, emosııalyq jáne ıntellektýaldyq damýyna zııan keltirýi múmkin aýdıo-kórinis týyndylarynan olardy qorǵaýdy qamtamasyz etý bolyp tabylady. 5. Fılmniń ındeksi sandyq jáne mátindik belgileýden turady. 6. Fılm ındeksiniń mátindik belgilenýi «Qazaqstan Respýblıkasyndaǵy til týraly» Qazaqstan Respýblıkasynyń 1997 jylǵy 11 shildedegi Zańynyń 21-babyna sáıkes qazaq jáne orys tilderinde resimdeledi. 2. Kınozaldarda jáne osy maqsattarǵa arnalǵan ózge de oryndarda kórsetiletin fılmniń ındeksi týraly aqparat 7. Kınozaldarda jáne osy maqsattarǵa arnalǵan ózge de oryndarda kórsetiletin fılmniń ındeksi týraly aqparat «Jarnama týraly» Qazaqstan Respýblıkasynyń 19 jeltoqsandaǵy 2003 jyly Zańynyń 6 jáne 11-baptaryna sáıkes baspa jarnamasynda jáne ózge de baspa ónimderinde kórsetiledi. 8. Barlyq jarnamalyq baspa ónimderinde fılmniń ındeksi týraly aqparat jeke tikburyshty beınemen belgilenedi jáne mynadaı parametrlerde kórsetiledi: 1) ornalasqan orny – baspa óniminiń betindegi sol jaqtaǵy tómengi buryshy (buqaralyq aqparat quraldarynda jarnamalaý kezinde – jarnamalyq modýldiń sol jaqtaǵy tómengi buryshy); 2) aýdany – baspa ónimi betiniń barlyq aýdanynyń jeti paıyzynan kem emes (buqaralyq aqparat quraldarynda jarnamalaý kezinde – jarnamalyq modýl aýdanynyń jeti paıyzynan kem emes); 3) túsi – ınversııa (qara fonda – ashyq qarippen, ashyq fonda – qara qarippen); 4) qarpi – negizgi mátinniń qarpi. 9. Kórsetiletin fılmniń ındeksi týraly aqparat kınozaldarda jáne osy maqsattarǵa arnalǵan ózge de oryndardyń foıeleri men kassanyń mańynda ornalastyrylady. 3. Televızııa efırinen beriletin fılmniń ındeksi týraly aqparat 10. Televızııa efırinen beriletin fılmniń ındeksi týraly aqparat: 1) «Jarnama týraly» Qazaqstan Respýblıkasynyń 19 jeltoqsandaǵy 2003 jyly Zańynyń 6 jáne 11-baptaryna sáıkes baspa jarnamasynda jáne ózge de baspa ónimderinde; 2) fılmdi kórsetý aldynda kórsetiledi. 11. Barlyq jarnamalyq baspa ónimderinde fılmniń ındeksi týraly aqparat jeke tikburyshty beınemen erekshe belgilenedi jáne mynadaı parametrlerde kórsetiledi: 1) ornalasqan orny – baspa óniminiń betindegi sol jaqtaǵy tómengi buryshy (buqaralyq aqparat quraldarynda jarnamalaý kezinde – jarnamalyq modýldiń sol jaqtaǵy tómengi buryshy); 2) aýdany – baspa ónimi betiniń barlyq aýdanynyń jeti paıyzynan kem emes (buqaralyq aqparat quraldarynda jarnamalaý kezinde – jarnamalyq modýl aýdanynyń jeti paıyzynan kem emes); 3) túsi – ınversııa (qara fonda – ashyq qarippen, ashyq fonda – qara qarippen); 4) qarpi – negizgi mátinniń qarpi. 12. Fılmdi kórsetý aldynda fılmniń ındeksi týraly aqparat mynadaı parametrlerde kórsetiledi: 1) ornalasqan orny – qandaı da bir aqparatsyz ekrannyń ortasy; 2) qarpi – negizgi tıtrlardyń qarpi; 3) uzaqtyǵy – úsh sekýndtan kem emes; 4) dybystaý tili – fılm kórsetiletin til.4. Analogtyq jáne sıfrlyq jetkizgishterde taratylatyn fılmniń ındeksi týraly aqparat
13. Analogtyq jáne sıfrlyq jetkizgishterde taratylatyn fılmniń ındeksi týraly aqparat box-qaptamada kórsetiledi. 14. Voh-qaptama fılmniń ındeksi týraly aqparat jeke tikburyshty beınede belgilenedi jáne mynadaı parametrlerde kórsetiledi: 1) ornalasqan orny – box-qaptamanyń syrt jaǵyndaǵy sol jaqtaǵy tómengi buryshy; 2) aýdany – box-qaptamanyń syrtqy jaǵyndaǵy jalpy aýdanynyń eki paıyzynan kem emes; 3) sıfrlyq jáne mátindik belgileýdiń túsi – qyzyl tústi fonda aq; 4) qarpi – sandyq belgileý úshin – Impact, mátindik belgileý úshin – Arial.