Keshe Qazaqstan Parlamenti Senatynyń Tóraǵasy Qaırat Mámı TúrkPA-nyń Áleýmettik, mádenı jáne gýmanıtarlyq máseleler komıssııasynyń otyrysyna qatysý úshin Astanaǵa kelgen Túrkitildes memleketter Parlamenttik Assambleıasynyń delegasııa múshelerimen kezdesti, dep habarlady Parlament Senatynyń baspasóz qyzmeti.
Kezdesý barysynda Q.Mámı túrki álemi halyqtarynyń arasyndaǵy mádenı-rýhanı baılanystardy nyǵaıtýǵa járdemdesetin sharalarǵa qatysqany úshin parlamentshilerge alǵys aıtty.
– «Parlament Senaty baýyrlas memleketter arasyndaǵy ekijaqty jáne kópjaqty túrdegi parlamentaralyq baılanystardy nyǵaıtýǵa yqpal etýge ázir», – dedi Tóraǵa.
Byltyrǵy qazan aıynda túrkitildes elderdiń Qazaqstanda bolǵan alǵashqy sammıtiniń nátıjelerin joǵary baǵalaı kelip, Tóraǵa túrkitildes elder yqpaldastyǵynyń odan ári tereńdeı túsýine tilektestigin bildirdi.