Yntymaqtastyq nyǵaıa túsýde

Keshe Munaı jáne gaz mınıstrliginde Qazaqstan Res­pýb­lıkasy men Reseı Fede­ra­sııasy arasyndaǵy yntymaq­tas­tyq jónindegi Úkimet­ara­lyq komıssııanyń on besinshi otyrysy ótti. Oǵan elimizdiń Munaı jáne gaz mınıstri S.Myń­baev pen Reseı Federa­sııa­sy О́nerkásip jáne saýda mınıstri V.Hrıstenko jetekshilik etti. Otyrysqa komıs­sııanyń qazaqstandyq jáne reseılik ókilderi, sondaı-aq mı­nıstrlikterdiń, vedomstvo­lar­dyń jaýapty qyzmet­ker­leri qatysty. Komıssııanyń 15-otyry­syn­da 30-dan astam máse­le­ler, atap aıtsaq, otyn-ener­getıkalyq keshen, kólik, óner­kásip, aýyl sharýashylyǵy, atom energetıkasy, áskerı-teh­nıkalyq yntymaqtastyq, «Baıqońyr» kesheni boıynsha, ǵylym, bilim jáne jańa tehnologııalar, sondaı-aq qorsha­ǵan ortany qorǵaý jáne tabı­ǵatty paıdalaný salasyndaǵy máseleler qaraldy. Komıssııa Qazaqstan Úki­meti men Reseı Federasııasy Úkimeti arasynda 2008-2011 jyldarǵa arnalǵan ekonom­ı­kalyq yntymaqtastyq baǵdar­lamasyna qatysty is-sharalar josparyn oryndaýdaǵy oń nátıjelerdi atap kórsetti. Taraptar qos memleket arasynda uzaq merzimdi ekonomıkalyq yntymaqtastyq baǵdarlama­syn (2020 jylǵa deıin) jáne ony júzege asyrý jónindegi 2012-2014 jyldarǵa arnalǵan is-sharalar josparyn daıyn­dady.

Komıssııanyń kezekti oty­rysy keler jyldyń 4-toq­sanynda Máskeý qalasynda óte­tin bolyp belgilendi.

Ábdirahman QYDYRBEK.