Tursynbaı Jandaýlet jazǵan bul maqalada Jambyl oblysy Moıynqum aýdanynda Jeltoqsan oqıǵasyna qatysyp, opat bolǵan Qaırat Rysqulbekov atyndaǵy arnaıy júlde taǵaıyndalǵany aıtylady. Bul júlde halqynyń óneri men mádenıetin órkendetip, ejelgi salt-dástúr, ádet-ǵurpyn jandandyrýǵa atsalysqan, búginimiz ben bolashaǵymyz úshin ter tókken qazaq jasyna beriletin bolyp kelisilgen.
Osyǵan oraı Jambyl oblysynda Q.Rysqulbekov syılyǵynyń júldegerlerin tańdaý rásimi júrgizilipti. Oǵan halyqqa birshama tanymal onshaqty azamat usynylǵan eken. Solardyń ishindegi jalǵyz qyz – Ombydaǵy «Móldir» qazaq mádenı ortalyǵynyń dırektory Altynaı Qaıdýllaqyzy Júnisova osy syılyqqa laıyqty dep tabylypty.
Ombydaǵy qazaq mádenı ortalyǵynyń dúnıege kelýine Altynaıdyń sińirgen eńbegi zor eken. Kezinde bul ortalyqtyń jumysy týraly elimizdegi baspasóz basylymdarynda birqatar maqalalar jaryq kóripti. Osy isterge Altynaı muryndyq bolyp, Omby óńirinde qazaqsha mektep ashylýyna, «Omby úni» gazetiniń jaryq kórýine eńbek sińiripti. Sondaı-aq maqalada Ombyda jergilikti radıodan aptasyna eki ret habarlar beriletindigi aıtylǵan.