Búgininen erteńi nurly

Kereký elinde ulttyq teat­ry­myzdyń qalyptasýynyń tarıhy tereńde. Oblysta tuńǵysh qazaq teatry 1938 jyly Besqaraǵaı kolhoz-sovhoz teatry negizinde qurylǵan eken. Sol jyldary bul teatr M.Áýezovtiń «Aıman-Sholpan», «Eńlik-Kebek», Ǵ.Mú­sirepovtiń «Qyz-Jibek», «Qozy Kórpesh – Baıan sulý» pesala­ryn sahnaǵa shyǵarypty. О́kinishke oraı keıinnen, ıaǵnı 1948 jyly jabylyp qalǵan óner shańyraǵy tek 1990 jyly ǵana qaıtadan esigin ashty. Sodan beri osynaý óner ujymy óz sahnasynda qanshama jaýhar­lar­dy shyǵardy deseńizshi. Solar­dyń qaısybirine toqtala ketsek, M.Áýezovtiń «Aıman-Sholpan», «Qaragóz», «Eńlik-Kebek», Ǵ. Mú­­sirepovtiń «Qozy Kórpesh – Baıan sulý», «Ulpan-Eseneı», Ý.Shek­s­pırdiń «Korol Lır», A.Chehov­tyń «Shaǵala», Evrıpıd­tiń «Me­­deıa», I.Kalmannyń «Sıl­va», «Mıster Iks», I.Shtraýstyń «Jarqanat», F.Er­ven­niń «Túlki Bıkesh», M.Baı­serkeulynyń «Aby­laı han», «Kene han», Á.Tá­ji­baevtyń «Maıra». Sondaı-aq D.Isabekovtiń «Ápke», «Mura­ger­ler», «Eski úıdegi eki kezdesý», «Aktrısa», T.Ahtanovtyń «Kú­shik kúıeý», Á.Tarazıdiń «Jaqsy kisi», S.Balǵabaevtyń «Bizde ǵa­shyq bolǵanbyz», I.Baızaqovtyń «Aqbópe», Sh. Aıtmatovtyń «Ana – jer-Ana», J. Aımaýy­tov­tyń «Aqbilek», «Shernııaz» jáne t.b.týyndylary sahnanyń kórki­ne aınaldy. Teatrdyń negizgi kórermen­de­ri jastar, sebebi, teatr ákimshili­gi­niń aldyna qoıǵan mindeti eli­mizdiń bolashaǵy jastardy ult­tyq ónerge, ata-babalarymyzdyń sal-dástúrine, tiline keńinen nasıhattaý bolyp otyr. Sóz oraıynda teatr ujymy­nyń gastroldik saparymen Más­keý, Lenıngrad, Omby, Novosibir, Almaty, Astana, Qyzyljar, Taldyqorǵan qalalarynda óz ónerin kórsetkenin aıta ketsek deımiz. Sondaı-aq, halyqaralyq jastar shyǵarmashylyq «Sha­byt» festıvaline eki ret (1995, 2008 j.j.) jáne Kaır qalasynda ótken VII halyqaralyq eksperı­men­taldyq teatrlar festıvaline, Konııa qalasynda (Túrkııa) Dúnıejúzilik túrki tildes ha­lyq­tardyń festıvaline qatysyp laýreat atanǵany da ujymdaǵy izdenis izderin ańǵartatyny sóz­siz. Al endi akterlar qaýymyna keletin bolsaq, Roza Tájibaeva, Aman­keldi Júke, Seıitjan Tá­jibaev, Sansyzbaı Bekbolatov, Taljibek Atambek, Muhtar Baı­jumanov, Aqyq Taspaeva, Ba­har­gúl Qurbanova, Tolqyn Abdrahımova, Beıbit Shánim, Dos­ken Uıabaı jáne jas býyn ókil­deri Bekbolat Oqasov, Rýslan Nyǵ­manov jáne t.b. kóp qurme­tine bólenip júrgen óner ıeleri. Bir aıta ketetin jáıt, teatr trýp­pasy jyl saıyn T.Júr­ge­nov atyndaǵy teatr akademııa­sy­nyń túlekterimen tolyqty­ry­lyp tu­rady. Teatrdyń ózindik sım­fonııalyq orkestri bar, dırıjeri Bolat Raqymjanov, án pániniń muǵalimi Anna Alekseeva, konsertmeısterler Irına Vo­ronına, Natalıa Kýmınova baletmeıster Baıan Isabekovalar ár týyndynyń jurt júregine je­týine óz úlesin qosyp júrgen aıaýly jandar. Iá, teatr halyqtyń, eldiń tarıhy men bolmysynan syr sherter qazynaly orda desek, Júsipbek Aımaýytov atyndaǵy oblystyq qazaq mýzykaly drama teatrynyń maqsaty – ulttyq ónerge degen muqtajdyqtyń or­nyn toltyrý. Búginde bul óner ujymynyń óz baǵyt-baǵdary bar. Eń bastysy, ujym udaıy izdenis ústinde. Sondyqtan da osy­naý 20 jyl aralyǵynda ol óziniń múmkindigin óz elimizde ǵana emes, alys shet elderge de dáleldeı bildi, halyqaralyq fes­tıvaldarǵa, óner saıysta­ryn­da terezesi teń ekenin kór­setti. Endeshe, halyqqa rýhanı baılyq syılap, ulttyq salt-dás­túrmen atadan qalǵan asyl sózdermen jastarǵa tárbıe berip kele jatqan teatrdyń búgininen erteńi nurly dep bilemiz. Muhtar MANAP, Júsipbek Aımaýytov atyndaǵy qazaq mýzykalyq drama teatrynyń dırektory.