Halyqtyq kommýnıster bolashaq úshin kúresedi

О́tken senbide «Altyn Qarǵaly» shıpajaıynda 2012 jyly qańtar aıyndaǵy Parlament Májilisi men barlyq deńgeıdegi máslı­hattar depýtattarynyń saılaýyna oraı Qazaqstan Kommýnıstik halyqtyq partııasynyń kezekten tys VI sezi ótti. Onda partııa ple­nýmynyń qaýlysy boıynsha saıası partııanyń saılaýaldy tu­ǵyr­namasy ortaǵa salynyp, partııalyq tizimdegi kandıdattar bekitildi. Sonymen, Parlament Máji­lisi merziminen buryn taraty­lyp, saıası doda bastalyp ketti. Qazaqstan Kom­mýnıstik halyq­tyq partııasy (QKHP) da ózde­riniń bul saıası naýqanǵa qa­tysýǵa daıyn ekendikterin bildirip, partııa múshelerin saılaýdy uıym­shyl­dyqpen ótkizýge sha­qyrdy. Sez­di ashqan QKHP OK-tiń hatshysy Vladıslav Kosarev partııa aldynda turǵan maqsat, mindet­terine toqtalyp, elimizdiń joǵary zań shyǵarýshy orga­nynda óz ókilderiniń joq ekenin, son­dyq­tan partııa músheleri Parlament Májilisi saılaýaldy daıyn­dyq jumysyn joǵary deńgeıde ótkizýge múddeli ekendikterin bildirdi. – Bolashaq Májilistiń jáne más­lıhattardyń quramy azamat­tardyń saıası talǵamyn ba­rynsha qanaǵat­tandyratyn bola­dy dep úmittenemiz, – dedi hatshy óz sózinde. – Biz qoǵamy­myzdaǵy jaǵ­daıdy teńestire­tindeı tetik bolý nıetindemiz, óıtkeni, búgingi kúni ókiletti organdarda býrjýazııa – baı adamdar kópshilik bolyp otyr. Bul jerde Vladıslav Kosarev ózderiniń baı adamdarǵa qarsy kúrespeıtinin, kedeılikke qarsy kú­re­setinin atap kórsetti. Son­dyqtan da partııa, birinshiden, bıliktiń ókiletti organda­ryna, eń aldymen Májiliske qarapaıym halyqtyń ókilderi kirýi úshin kúrespek. Osy­laısha halyqtyq kommýnıster ózde­riniń partııa­lyq tizimderine par­tııa hatshy­larymen qatar, qatar­daǵy kommýnısterdi de – mu­ǵalim, kondıter, dáriger, ekska­vatorshy, opera­tor­­lardy da engizdi. Olardyń ara­synda ár ulttyń ókil­deri – qazaq, orys, ýkraın, tatar, t.b. bar. Eń bir aıta keterligi, partııalyq tizimniń 30 paıyzyn áıelder quraıdy. – Bizdiń Parlamentke barý­daǵy eń basty maqsatymyz – qarapaıym qazaqstandyqtardyń múddesin qor­ǵaý. Bizder kapı­talızmniń ty­ǵy­ryq­qa tirelgenin málimdeımiz. Sondyq­tan halyq­tyń aýqatty ómir súrýi úshin qoldan kelgenniń bárin ja­saýymyz kerek. Bizdiń partııa osy sheshimdi durys dep tabady. Sondyqtan halyqtyq kommýnıster partııasy eń aldymen áleý­mettik máseleler – azyq-túlik, dári-dár­mek, janar-jaǵar maı, kommý­naldyq qyzmet baǵa­synyń ósýimen kúresetin bolady. Sonymen birge, bolashaq máji­lis­­shilerimiz eńbekke saǵattyq aqy tóleýdi qaras­tyratyn jáne jaldamaly jumys­shylardyń quqyǵyn qorǵaıtyn tıimdi jańa eńbek kodeksin qabyldaýǵa yq­pal etýge kúsh salatyn bolady. Jıynda QKHP-nyń Qosta­naı obkomynyń birinshi hat­shysy, tarıh ǵylymdarynyń doktory Dmıtrıı Legkıı, Batys Qazaqstan ob­ko­mynyń birinshi hatshysy Ekaterına Makeeva, QKHP-dan Qara­ǵandy oblysy Abaı aýdandyq máslıhatynyń depýtaty Nıkolaı Dýdkın, t.b. jaryssózge shyǵyp, óz oılaryn ortaǵa saldy. – Bizdiń oblystyq partııa komıteti saılaýǵa kirisip te ketti, – dedi sezde sóz alǵan Jambyl obkomynyń birinshi hatshysy Janna Mamasheva. – Negizinen partııa­nyń saılaýaldy baǵdar­la­masynda birqatar ózekti máse­leler qamtylyp, jan-jaqty kór­setilgen. Keıin komıssııa jumys istegende ol taǵy da tolyq­tyryldy. Qazir elimizde birqatar saıası partııa tirkelgen. Sizder bilesizder, adam eń alǵash úı salǵanda aldymen irgeta­syn qalaıdy. Meniń aıtaıyn degenim, sol partııalardyń irgetasy – kommýnıstik partııanyń negizi, ıdeıasy. Ony bılik partııasynan bastap jańadan quryl­ǵan partııa­lar­dyń barlyǵy umytpaýy kerek. Árıne, saıası jeńis, jeńilister ár memlekette de bolyp jatady. Son­dyqtan olar ózderiniń saı­laýal­dy tuǵyrnamasyn­da osyny negiz etip, eskerýleri tıis. Sondaı-aq sezde sóz alǵan mártebeli qonaq – Kýba elshi­liginiń birinshi hatshysy Mıgel Sanches Ordones aldy­men jınalǵandardy el táýelsiz­diginiń 20 jyldyǵymen qut­tyq­­tap, Kýba kommýnısteriniń aty­nan tabys tiledi. «Qazaqstannyń bolashaǵy úshin» atty partııa baǵdar­lama­sy­nyń Qa­zaq­stan halqynyń áleý­mettik jaǵdaıyn túpkilikti óz­gertýge ar­na­lyp, túrli ádis-tásil­der arqyly halyqtyń tur­mysyn jaqsartýdy oılastyr­ǵan­daryn jetkizgen QKHP O­K-tiń hat­shysy Jambyl Ahmetbekov sezde tujyrym­da­maly túrde bekitilgenmen, Parlamentke ótetin bolsa, bıik minberden sóılep, ony zań túrinde bekitip, oryndaýǵa kúsh salatyndyqtaryn jetkizdi. – Partııanyń kezekten tys se­zine óńirlerden 67 delegat qatysyp otyr, – dedi ol bizge. – Barlyq ob­lys­tardan túsken kandıdattar boıynsha Parlament Májilisine partııalyq tizimmen 24 adam usy­nyldy. Ony sezde bekitetin bolsa, úgit-nasıhat naýqa­nyna erteńnen bastap kirisemiz. Qazirgi kezde ekonomı­kanyń qan­shalyqty órken­dep damyǵanyn eskeretin bolsaq, oǵan ketken qarajattyń qaıda jumsalyp, qaı­da qoıylyp jatqa­nynan halyq ha­barsyz. Sondyqtan sonyń kózin ashyp berip, ony tek áleýmettik salaǵa jumsaýdy, bıýdjet qyz­metker­leriniń ja­laqysyn kóterý, turǵyn úı-kom­mýnaldyq sharýa­shyly­ǵyndaǵy ós­ip jatqan tarıfti qalaı aýyz­dyqtaý, eskirgen ınjenerlik júıe­lerdi aýys­tyrý máse­lelerin qolǵa almaq bolyp otyr­myz. Olardyń ishinde ju­mys­­syz­dyqty, zeınetkerlerdi, múge­dek­ter­di, bilim berý jáne medısına sala­­lary qyzmetkerlerin de qam­tydyq. Sezd sońynda kún tárti­bindegi ekinshi másele – «Biz bola­shaq úshin kúresemiz» saılaýaldy tuǵyrna­masy biraýyzdan qabyl­danyp, 21 adamnan turatyn par­tııalyq tizim bekitildi. Gúlzeınep SÁDIRQYZY.