QUMKО́L
Eń tórinde sulý Syrdyń,
Boı kótergen bul kenish.
Gaz bop janyp talaı kún-tún,
Tolqyp jatqan jyr-teńiz.
Qazaq eli mańdaıynda,
Jarqyraıdy ol – juldyzy.
Jezqazǵannyń shalǵaıynda –
Qyzǵaldaqtar qyrmyzy.
Sáýir týa kókteıdi eken,
Alýan gúlder dalada.
Sonda-daǵy jetpeıdi eken,
Sol sulýlyq sanańa.
Úıiri de bar kıiktiń,
Tólin ertken quralaıdaı.
Munaralar mańqıyp tur,
Jyr oqyǵan uly Abaıdaı.
Eńbek kúıi osy arada,
Shalqyp tasyp, tógiledi.
Bastalǵan jol bosaǵadan,
Taspa bolyp keriledi.
Kókiregimdi jyr kernegen,
Ataýynyń ózi – ańyz.
Kenish osy – Qumkól degen,
«Qara marjan» qazynamyz.
ShIKI MUNAI
Daıyndap shıki munaıdy,
Qaramaı qysqy yzǵarǵa.
Kıse de kaska shyraıly,
Júr munda arý qyzdar da.
Izdemeı pana, yqtasyn,
Dalada mıdaı júrip kór.
Aýysym saıyn juptasyp,
Jumysqa túser jigitter.
Qaıda da jumys – sol jumys,
Aıazda jalyn sharpyp tur.
Munaıly alań.
О́ndiris
Súıedi temir tártipti.
Iirilgen myń san qubyrlar –
Kenishtiń tirlik tamyry.
Uqsaıdy qara burymǵa,
Tortadaı munaı aǵyny.
Quıylyp munaı shólmekke,
Zerthanalardan ótedi.
Aınalyp qımyl eńbekke,
Zaýytqa ónim jetedi.
Bıikten samǵaý kóreıin,
Munaıshy qaýym, men seni.
Arta da bersin mereıiń,
Eńbek pen erlik ólshemi!
UŃǴYLAR TAMYRShYSY
Alys qalyp
Qyzylorda – jyraqta úı,
Jetkendeı áldeqaıdan qulaqqa kúı.
Tańǵy altyda turady «Vahta – 40»,
Ishinde júr solardyń Muratqalı.
Aıtaıyn áleýmetke syr ashqasyn,
Áńgime hıkaıaǵa ulasqasyn.
Polıtehty bitirip kelgen bette,
Kómekshi bop bastaǵan synyptasym.
Bireýler Almatyǵa jatyr bekip,
Mınıstrlik aldyna batyl jetip.
Tartyp ketken
Murekeń Jezqazǵanǵa,
Qany qyzba, kóńili márt Aqylbekov.
Jany lırık, keı-keıde syrshyl menen,
Kókireginde kóp óleń dúrsildegen.
Jezdi óńirin barlady, ken de qazdy,
Qaıtty sosyn Qumkólge Júrsinmenen.
Maman degen sol kezde bylaısha az ba,
Keldi elge qomdanyp solaı jazda.
Uńǵylardy jóndeıtin sehqa baryp,
Operator «Ońtústikmunaıgazǵa».
Boldy da, ushtady kóp úmitterdi,
О́ndiristi shyńdalyp, bilip keldi.
Jer astynda uńǵyny jóndeý – tozaq,
Murat soǵan úıretti jigitterdi.
Qazir ol osy sehta aǵa sheber,
Oı jarystyr, dıspýt qur, talasa ber.
Alystaǵy Qyrymdy kózge ilmeıdi,
– Syrdan artyq joq, – deıdi, – tamasha jer!
Mańdaıaldy – marǵasqa qurbylardyń,
Sózge sarań, saqtaıdy-aý syrdy bálkim.
Kúlimsirep keledi ol ezý tartyp,
Arasynan jamyraǵan uńǵylardyń.
TASTÚLEK
(Murat Úderbaevqa)
Oralyp ótken oıyma,
Tolǵanys sazy basty kep.
Sýyldap Syrdyń boıynan,
Shańq etip ushqan tastúlek.
Keýdeme shabyt, jyr keldi,
Jıylyp sosyn bar óleń.
Kóterip ediń Qumkóldi,
Salamatovtaı aǵamen.
Qaramaı shańǵa, daýylǵa,
Vagon-úıshikter turǵyzdyń.
Kúrishti, qoıly aýylda –
Tyń tirlik boldy bul bizdiń!
Aqıqat shyqty ol rasynda,
Dúdámal bolǵan shaq biraq.
90-shy jyldar basynda,
Qumkólden munaı atqylap.
Aspanǵa atty bórkin el,
Seıhun jurt –
Deshti Qypshaǵym.
Uıymdar quryp merdiger,
Qolbasyǵa da uqsadyń.
Qoldady Iem-Jasaǵan,
Istegen isiń boldy artyq.
Bergenbaıuly
Esaǵań,
Mańǵystaý jaqtan jol tartyp...
Qosylyp basy jigitter,
О́rlep ed órge óndiris.
Jalyn bop jandy úmitter,
Keńsede, túzde – sol jumys.
Salyndy jańa alańdar,
Qara munaıdy saqtaıtyn.
Bekenov Almas aǵam bar,
Ýájine qıqar toqtaıtyn.
Kóp jurttyń basyn sen qostyń,
«Aqtoǵan» jaqtyń ulany.
Sheteldiktermen beldestiń,
Shyndyqtyń jaǵyp shyraǵyn.
Súıeýshi ek saǵan biz arqa,
Jumysker qazaq- orysyń.
Tirliktiń batyp syzy ol da,
Shapqylap júrdiń el úshin.
Jaýabyn izdep suraqqa,
Kúndiz de, tún de tynbadyń.
Qurdasym Qojamurat ta,
Uqsady saǵan – shyńdadyń.
Qara qylyńdy qaq jarǵan,
Aǵany sendeı az kórdim.
Taımadyń, Máke, aq joldan,
Aıtatyn sony kez keldi.
Maqtaǵan jaqsy syrtynan,
Syımaıtyn jansyń qalypqa.
Syr jaqta ushqan bir qyran,
Talmastan qanat, qalyqta!
QYZYLQIIа
Batysqa qaraı – qııaǵa,
Kósile tartyp qııalap.
Barady sińip qara jol,
Kóńilge jyly uıalap.
Buryla tartyp Qumkólden,
Baıalyshtardy qum kómgen.
Jel soqsa shıdiń yzyńy,
Syńsıdy sazben jyr-keýdem.
Munaı tasýshy «KAM»-dar da,
Yshqynyp gúr-gúr joldarda.
Bulardan artyq shól-keme,
Tappassyń myna jalǵanda.
Sarǵaldaq jolda taptalyp,
Shashylyp qaýyz aq qabyq.
Burq etip tútin, pys etip,
Termınaldardy betke alyp...
Kókke ushyp kepter – qııalym,
Shaıyry – jupar mııanyń...
«Qara marjanyn» tasıdy,
Bul kerýen Qyzylqııanyń!
Baqytjan ABYZOV.
QYZYLORDA.