Josparly tekserýden ótti

Keshe Memleket basshysy Nursultan Nazarbaev «Qazaqstan Respýblıkasy Prezıdentiniń Is basqarmasynyń aýrýhanasy» RMK-da bolyp, josparly profılaktıkalyq medısınalyq tekserýden ótti, dep habarlady Qazaqstan Respýblıkasy Prezıdentiniń baspasóz qyzmeti. Qazaqstan Respýblıkasy Pre­zıdentiniń Is basqarmasynyń aý­rýhanasy ortalyq memlekettik basqarý organdarynyń memlekettik qyzmetshilerine medısınalyq tekserý júrgizýge arnalǵan. Memleket basshysy medı­sı­na­lyq ortalyq úzdik batystyq úl­giden kem túspeıtin eń zamanaýı medısınalyq jabdyq­tar­men jabdyqtalǵanyn atap ótti. – Búgin men Prezıdent Is basqarmasynyń ortalyq emha­na­synda meniń densaýlyǵymdy baqylaıtyn jyl saıynǵy tekserýden óttim. Bizdiń barlyq memlekettik qyzmetshilerge, ásirese, basshy qyzmetkerlerge osynda qaralýǵa keńes beremin. El bas­shylyǵy, mınıstrler, ákimder osyndaı profılaktıkalyq tekserýden jyl saıyn ótýi kerek. Bul densaýlyq úshin, erte dıagnostıka úshin paıdaly. Qaralý úshin árkez shet elge barýdyń, kóp qar­jy jumsaýdyń qajeti joq. Astanada barlyq qajetti jabdyq­tar­men jabdyqtalǵan iri medısı­na­lyq ortalyqtar bar. Men barlyǵyna osynda, Qazaqstanda tekserýden ótýdi jáne emdelýdi usynamyn, – dedi Prezıdent. Qazaqstan Respýblıkasy Prezıdentiniń Is basqarmasy medısınalyq ortalyǵynyń bas­tyǵy Valerıı Benberın málim­de­gendeı, Memleket basshysy keshendi profılaktıkalyq medısı­na­lyq tekserý barysynda barlyq organdar men organızm júıesi tolyq klınıkalyq jáne ınstrý­mentaldyq tekserýden ótti. Prezıdenttiń densaýlyq jaǵ­daıy­nyń negizgi ındıkatory qa­lypty kúıindegi sheginde – arte­rııalyq qan qysymy 120/75 mm.rt.st., holesterın, qan glıýkozasy, kreatın, gormon statýsy jáne t.b. kórsetkishteri óte jaqsy. Mamandar júrek-qan tamyrlary táýekeliniń tómendigin atap ótti. Mamandardyń qorytyndysy boıynsha Nursultan Nazarbaev densaýlyǵy óte jaqsy jáne fızıkalyq formada ekenin atap ótti.