15 jyl qańyrap turǵan ǵımarat edi...

NEBÁRI 7 AIDA JAŃǴYRYP ShYǴA KELDI

Taraz qalasyndaǵy qańyrap turǵan tórt qabatty ǵımaratty qaıta qalpyna keltirýge 100 mıl­lıon teńgeden astam qarjy jumsaldy. Jeti aıǵa sozylǵan tııanaq­ty jóndeý jumysynan keıin ıne-jipten jańa shyqqan buıym­daı jarqyraǵan jataq­hanada qazir 55 otbasyna arnalǵan seksııa bar. Árıne, boıdaqtarǵa ar­nal­ǵan bólmeler de umyt qalma­ǵan. Ár qabattyń óz ashanasy men tynyǵatyn oryndary da oılas­tyrylǵan. Sondaı-aq, jataqhanadan baspana buıyrǵan jas otbasylar táı-táı basqan búldirshinderine  arnalǵan jáne  túrli oıynshyq­tar­men jaraqtalǵan keń de jyly bólmeni kórgende, tipti qaıran qaldy. Olar osynaý jan-jaqty qamqorlyq úshin aıyna nebári 12 myń teńge tólep turatyn bolady. «Qazfosfat» JShS bas dı­rektory Muqash Eskendirovtiń aıtýynsha, qańyrap turǵan ja­taq­hanany sapaly jóndeýden ót­kizip, zaýyt jumysshylaryna tar­tý etý máselesi jas mamandardyń kóktemde ótken forýmynda kóte­rilgen eken. Mine, osy usynys nazarǵa alynyp, ol nebári jeti aıdyń ishinde, ıaǵnı jyl aıaqtal­maı oryndalǵan. Kósemáli SÁTTIBAIULY. Jambyl oblysy.