«О́mir úshin saıys» qaıyrymdylyq týrnıriniń bereri mol

Almatyda tennısten ótken dástúrli qaıyrymdylyq týr­nıriniń basty maqsaty kómekti qajetsinetin jandarǵa qam­qor­lyq aıasyn keńeıtýge baǵyt­tal­dy. Baǵanashyldaǵy ortalyq kortta bıyl altynshy jyl qa­tarynan ótkizilip otyrǵan bul týrnırdi «Play4life» (ómir úshin saıys) bastamashy toby «Rotarı Klýbynyń» almatylyq fı­lıalymen birlesip uıymdas­ty­ryp otyr. Atap aıtarlyǵy, «Rotarı Klýby» – iskerlik álemi jáne ıntellıgensııa, ıaǵnı zııa­ly­lar ókilderiniń dúnıe­jú­zilik uıymy bolyp eseptelinedi. Eń bastysy, uıym músheleri qaıy­rymdylyq kómektiń adam ómi­rindegi eń basty jáne eń ma­ńyzdy qundylyq ekendigine berik senedi. Sonymen qatar, bul uıym jer-jahanda beıbitshilikti kóz­diń qarashyǵyndaı saqtaýdy qam­tamasyz etý, sondaı-aq ha­lyq­tar arasyndaǵy yntymaq­tas­tyqty damytý baǵytynda kómek qolyn sozyp, oǵan ıgi yqpal etýde. Búgingi tańda álemde barlyǵy 32000 Rotarı klýbtary jumys isteıdi. Bul klýbtardyń quramynda 1 200 000 erler men áıelder bar jáne saıası kóz­qa­rasy, dini jáne ultynyń alýan túrli bolǵanyna qaramastan, olar­dyń barlyǵy derlik ynty­maqtastyq, dostyq rýhynda ty­ǵyz birlesip, áreket etýde. «Play4life» (ómir úshin saıys) bastamashy tobynyń ókili Erlan Balǵarınniń aıtýynsha, dástúrli týrnırdi uıymdastyrýdaǵy basty maqsat sábıler úıine jáne jetim balalar men múgedekterdi qoldaý ortalyqtaryna qaıyrymdylyq kómek kórsetý bolyp tabylady. – Dástúrli qaıyrymdylyq týr­nırine qazaqstandyq jáne ha­lyq­aralyq kompanııalardyń otyz­dan astam jetekshileri uıymshyl­dyq­pen qatysty. Olardyń ara­synda «HSBC» banki, «Omega Chemicals», «Resmi Group», «USAID», «Centras Insurance», «Lim­popo»,  «Samruk Kazyna», «Elsi Tech» jáne basqa da kompanııalardyń beldi músheleri bar. Sonymen qatar, qaıyrym­dylyq týrnırin ótkizý uıym­das­tyrýshylar úshin volonterlik qyzmet jáne jyl saıynǵy kom­mer­sııalyq emes joba bolyp tabylady. Bul oraıda «Rotarakt» jastar uıymynyń volonterlik kómegin de aıta ketken jón, – deıdi Erlan Ertóstikuly. «Jetim kórseń, jebeı júr» demekshi, qaıyrymdylyq kómek kórsetýdiń mańyzy zor. Týrnırdi uıymdastyrýshylardyń tennısshiler jarysyn qyzý qoldap, demeýshilik kórsetken kompanııa­larǵa degen alǵysy sheksiz. Bul oraıda, «HSBC» banki, «Alataý» saqtandyrý kompanııasy, «ASY» saýda markaly «RG Brands»,  «KLM» áýe kompanııa­sy,   «Tian Shan Group», «Ar­gen­to» meı­ram­hanasy,  «Mama Mia» jáne «Ciao Pizza» júıesi, «Aldo Copola» ıtalııalyq sán salony, «Sul­tan» jáne «Henkel» JShS jo­ǵa­ry talap deńgeıinen kórine bil­di. Bir quptarlyǵy – jetim balalar men múgedekterge ar­nal­ǵan qaıyrymdylyq is-sha­rasynan jekelegen tulǵalar da shet qalmaı, óz úlesterin qosty. Qorǵanbek AMANJOL. ALMATY.