Iskerlik baılanys óndiris pen joo arasyn jalǵastyrmaq

Jýyrda Qazaq ulttyq teh­nı­kalyq ýnıversıtetinde ádemi kezdesý ótti. Joǵary bilimdi ón­dirispen ushtastyrý maqsatynda «Dáýir» respýblıkalyq polı­gra­fııalyq baspa kesheni (RPBK) atalmysh oqý ornynda polıgafııa mamandyǵy boıynsha oqıtyn úzdik ári belsendi stýdentterge shákirt­aqy taǵaıyndaǵan bola­tyn. Táýel­sizdiktiń 20 jyldyǵyna oraı «Dáýir» RPBK tór­aıymy Svetlana Nazarbaeva QazUTÝ-ǵa kelip, shákirtaqy ta­ǵaı­yndalǵan eki stýdentke ser­tı­fıkatty saltanatty túrde ta­bys etti. Sonymen qatar, «Polıgrafııa», «Kólik, kólik tehnıkasy jáne tehnologııasy», «Taý-ken isi», «Munaı-gaz isi», «Metallýrgııa» mamandyqtary boıynsha bilim alyp jatqan stýdentter men magıstranttarǵa arnalǵan «Ro­bot­ty tehnıka jáne kóterip-ta­symaldaý júıeleri» atty oqý­lyqtyń tusaýkeserin ótkizdi. Oqý ornynyń basshylary, ınstıtýt dırektorlary, «Polı­gra­fııalyq óndiris mashınasy men tehnologııasy» kafedrasynyń pro­fessorlary, oqytýshylary men osy mamandyq boıynsha bilim alyp jatqan stýdentter qa­tys­qan jıyndy ýnıversıtet rek­tory Jeksenbek Ádilov sóz sóılep ashyp, «Dáýir» RPBK men QazUTÝ arasyndaǵy iskerlik baılanysqa toqtalyp ótti. Odan soń sóz alǵan «Dáýir» RPBK bas dırektory S.Nazarbaeva ózi basshylyq jasap otyrǵan kásiporynnyń qyzmetine qys­qa­­sha toqtala kele, ózderiniń Qaz­UTÝ-da polıgrafııa mamandyǵy boıynsha bilim alyp jatqan úz­dik jáne áleýmettik jaǵynan az qamtylǵan otbasydan shyqqan stýdentterge shákirtaqy taǵaıyn­dap, qamqorlyq kórsetetinin, al­da­ǵy ýaqytta sol eki stýdentti oqý bitirgen soń jumyspen qamtý máselesin de qarastyratynyn jet­kizdi. Sondaı-aq, ol «Polı­grafııalyq óndiris mashınasy men tehnologııasy» ka­fedra­sy­nyń stýdentterine «Dáýir» bas­pahanasynda tájirıbeden tegin ótýge múmkindik jasalatynyn málim etti. Igi sharanyń bastamasy retinde S.Nazarbaeva úzdik úlge­rimimen jáne belsendiligimen kózge túsken eki stýdentke sertıfıkat tap­syr­dy. Shákirtaqy ıeleri óndiristik ınjenerııa ıns­tı­týtynyń 4-kýrs stýdentteri A.Júsipov pen N.Tur­lykıeva «Dáýir» baspa kesheni men onyń basshylaryna alǵysta­ryn bildirip, senimdi aqtaýǵa umty­la­tyn­­daryn aıtty. Sonymen qatar, kezdesý bary­synda jaqynda jaryq kórgen «Robotty tehnıka jáne kóterip-tasymaldaý júıeleri» atty oqý­lyq QazUTÝ men «Dáýir» RPBK ara­syndaǵy iskerlik baıla­nys­tyń jemisi bolyp tabylatyny aı­tyl­­dy. Atalmysh oqý­lyq­ty S.Nazarbaeva men óndiristik ınjenerııa ıns­tıtýtynyń oqy­tý­shylary N.T.Su­rashev pen M.I.Gý­dovıch birlese jazǵan bo­latyn. Kitap av­torlarynyń biri kóterip-ta­symaldaý mashı­na­lary jáne gıdravlıka kafedra­sy­nyń meńge­rýshisi, professor N.T.Surashevtyń aıtýynsha, bul oqýlyq metallýrgııa, taý-ken isi, munaı-gaz isi, polıgrafııa salalarynda qoldanylatyn kóterip-tasymaldaý júıeleriniń qazirgi zamanǵy úlgileri jaıly jazylǵan zertteý eńbegi bolyp tabylady. Gúlzeınep SÁDIRQYZY.