Saılaý-2012

JEZDI О́ŃIRDE BOLDY

Qazirgi tańda Ońtústik Jezqazǵan jáne taǵy basqa 16 kenishte bir jylda 33 mıllıon tonnaǵa jýyq mys qorytylady. Ol 10 baıytý fabrıkalarynda óńdeýden ót­kizi­ledi. Osylaısha kásiporyn qorytyndy ónimdi ózi shyǵarady. Keshe nurotandyqtar Jezqazǵan qala­sy­na kelip, saılaýaldy tuǵyrnamanyń negizgi ustanymdaryn óndiris ornalasqan jer astynda kenshilermen talqylady. Kezdesý barysynda óndiristi jańǵyrtý, jańa tehnologııalardy engizý jáne ón­diristi keńeıtý máseleleri kóterilgen bolatyn. Osy mańyzdy aspektiler baǵ­darlamalyq qujatta eskerilgen. Baǵ­darlamada el Prezıdenti, partııa Tór­aǵasy Nursultan Na­zar­baevtyń bastama­symen qabyldanǵan In­dýstrııalandyrý strategııasyn iske asy­rýǵa basa nazar aýdarylady. Bul týraly partııa Tóraǵ­a­sy­nyń birinshi orynbasary, respýb­lı­ka­lyq shtab jetekshisi Nurlan Nyǵmatýlın aıtyp ótti. Kezdesýge qatysqandar partııalyqtardy qoldap, tańdalǵan baǵyttyń kásiporyndy burynǵydan da tabysty etetinine senim bildirdi. Ol, árıne, tek Jezqazǵan emes, búkil elimiz úshin qajet. Shahterler «Qazaqmystyń» jumyspen qamtyp qana qoımaı, sonymen qatar, qalaǵa da úlken qoldaý kórsetip otyrǵanyn jaqsy biledi. Partııalyq baǵdarlama óndiriske, áleý­met­tik salaǵa quıylatyn ınvestısııalardyń ósimin qamtamasyz etý úshin qolaıly jaǵ­daı týǵyzýdy kózdeıdi. Sondaı-aq osy qu­jatta jergilikti jumysshylardyń quqyq­taryn qorǵaý máselesi de qarastyrylǵan. Shahterler ınnovasııalyq ekonomıkany qurýǵa alynǵan baǵdardy qoldaıdy. «Nur Otandy» jezqazǵandyqtar turaqtylyq pen bereke ákeletin partııa retinde túsinedi. Biz «Nur Otandy» tolyq qoldaımyz, deıdi olar úlken senimdilikpen. Dastan KENJALIN. Qaraǵandy oblysy.

* * *

KÁSIPKERLER PARTIIаǴA ÚMIT ARTADY

Qazaqstan Patrıottary partııasy soń­ǵy kezde kásipkerlerge qamqorlyq kórsetý baǵytynda kóptegen bastamalar kóterip keledi. Astanada ótken partııa belsendileri men Táýelsiz kásipkerler assosıasııasy músheleri arasyndaǵy kezdesýde osy másele keńinen sóz boldy. Atalǵan kezdesýge kásipkerler kóp jınaldy. Kásipkerler Qazaqstan Patrıottary par­tııasy ókilderi aldynda birqatar prob­le­malardyń ushyǵyn shyǵardy. Sonyń ishinde kásipkerlerdi mazalaıtyn másele salyq tóleý tártibi boıynsha eseptilik júıesin ońtaılandyrýdy júzege asyrý. Sonyń ishinde artyq tólem tólegeni úshin aıyppul tóletý nemese esep-shotqa tyıym salý sııaqty kedergi keltiretin tetikterdi alyp tastaý máselesi qoıyldy. Osy rette ınvestısııalyq jobalar úshin jer telimderin tegin berý sııaqty másele de kóterildi. Kásip qýǵan azamattar óz saýaldarynda PIK (páter ıeleriniń kooperatıvi) nelikten jeke tulǵalar men kásipkerlerge qyzmet kórsetý tarıfterin ár túrli etip taǵaıyndaıdy degendi alǵa tartty. Olardyń paıymynsha, qyzmet eki jaqqa da birdeı kólemde kórsetilgendikten, kásipkerlerden artyq tólem alýdyń esh reti joq. Patrıottar partııasy tizimi boıynsha Májilis depýtattyǵynan úmitker Botagóz Lesova bastaǵan belsendiler óz sózderinde kásipkerler elimiz azamattaryna jumys taýyp berip otyrǵan erekshe kásip ıeleri ekendigin basa aıtyp ótti. Qazirgi tańda osy salada júrgen azamattarǵa erekshe úlken jaýapkershilik júkteledi. Álemniń kóptegen elderin tyǵyryqqa tiregen qarjy daǵdarysy qyspaqqa alǵan kezde osy orta jáne shaǵyn kásip ıeleri jumys oryn­daryn saqtap qalýǵa baryn saldy. Sonyń ishinde qazaqstandyq kásipkerler de óz jumysshylaryna jalaqylaryn ýaqtyly tólep, qoldarynan kelgenshe áleýmettik qoldaý kórsetip keledi. Asqar TURAPBAIULY.

* * *

AQJOLDYQTAR – ABAI ELINDE

Aqjoldyqtar Semeıge kelip, osyndaǵy qala jurtshylyǵymen júzdesti. Kezdesýge halyq aıtarlyqtaı kóp jınaldy. «Aq jol» partııasynyń tóraǵasy Azat Perýashev jınalǵandardy óz partııalarynyń ta­rıhymen jáne saılaýaldy baǵdarla­ma­symen tanystyrdy. Keler jyly qurylǵanyna on jyl to­la­tyn partııanyń baǵdarlamasy salmaqty ma dedik. On baǵytty qamtıtyn bul baǵdar­la­mada, ásirese, áleýmettik máseleler keńi­nen qozǵalǵany baıqalady. Sonyń ishinde synaq saldarynyń zardaptary da nazardan tys qalmaǵan. Synaq týraly Úkimet qaýlysyna sáıkes semeılikterge aı saıyn ekologııalyq tólem tólenýi tıis dedi partııa basshysy. Al sony munda jekemenshik kásiporyn ıeleri tóleıtin kórinedi. Bul degen áleýmettik ádiletsizdik emes pe? Úkimettiń muny jeke kásipkerdiń moınyna ilip qoıyp otyrǵany durys emes. Partııa tóraǵasynyń Semeı syndy úlken qalany damytý, jylý, jaryq tólem­derin tómendetý, medısına sapasyn jaq­sar­tý sekildi oı-pikiri jınalǵandardyń kó­ńi­linen shyqqany ańǵaryldy. Jedel jár­dem­ge deıin aqyly etýge tyrysyp jatqan­dar­dyń tirligin túsinbeımin, dedi ol. Osy máselelerge oraı jıynǵa qatysýshylar ta­ra­pynan da suraqtar kóptep qoıyldy. Aı­ta­lyq, suraq ıeleriniń biri qala turǵyn­da­ry­nyń synaq týraly zańda qarastyrylǵan kóptegen jeńildikterden syrt qalyp otyrǵanyn aıta kelip, sonda beıbit zamanda qyryq jylǵa sozylǵan apatty jaǵdaı Semeı qalasyn aınalyp ótken be dedi. О́zine qoıylǵan qaı suraqqa bolsyn tııanaqty jaýap berýge tyrysqan Azat Perýashev óz partııalarynyń Parlamentke ót­ken jaǵdaıda halyqtyń kóńilindegi mundaı máselelerdi nazarlarynan tys qaldyr­maı­tynyna sendirdi. Júzdesý sońy Qazaqstannyń eńbek siń­ir­gen ártisi, professor, belgili ánshi Ken­je­ǵalı Myrjyqbaevtyń tamasha konsertine ulasty. Dáýlet SEISENULY.

* * *

SAILAÝ MURATY – JEŃÝ

Jol muraty – jetý bolsa, saılaý maqsaty – jeńý. Bul kúnderi Jalpyulttyq sosıal-demokratııalyq partııanyń serkeleri Jańaózen oqıǵasyna oraı baspasóz máslıhatyn jıi uıymdastyrýda. Keshe JSDP jetekshileri ózderiniń Al­matydaǵy bas keńselerinde BAQ ókil­de­ri­men qaıta kezdesip, Jańaózen oqıǵasyna qatysty qo­ǵamdyq komıssııa qoıyp otyr­ǵan talap­tar­dy qaıta alǵa tartty. Al bul kezde Jal­py­ulttyq sosıal-demokratııalyq partııanyń teń tóraǵasy Jarmahan Tuıaq­baı Al­ma­ty­da­ǵy «Shańy­raq» shaǵyn aýdany­nyń turǵyn­dary­men júzdesip, partııa kózdegen kókeı­kesti má­selelermen bó­lisip jatqan bolatyn. Jal­pyulttyq so­sı­al-demokratııalyq partııa­nyń ókilderi «Shańyraqqa» saılaý kezinde ǵana kelip otyrǵan joq. Olar «Shańyraq» másele­si­men eki jyldan beri aınalysyp keledi. Olar mundaǵy turǵyn­dar­dyń árbirine kómek berýge ázir ekendikterin bildirýde. Bul aýdannyń turǵyndary úshin jer telimderi men salynǵan úılerdi zańdastyrý basty túıtkil bolyp otyr. Turǵyn úıleri zańdastyrylmaǵandyqtan, óz­deri tirkeýde joq azamattar saılaýǵa qa­tysa almaıdy. Partııa ókilderiniń aı­tý­ynsha, bul – azamattardyń konstıtýsııalyq quqyǵynyń shektelýi, sondyqtan 15 qańtarǵa deıin bul másele sheshilýi tıis. Partııa belsendileriniń aıtýynsha, qoǵamdaǵy tepe-teńdikti saqtaý úshin keshendi is-sharalar kerek. Sondaı-aq, olar óz baǵdarlamalaryn árbir saılaýshyǵa etene jaqyn dep málimdeýde. Sosıal-demokrattar qoǵamnyń ál-aýqat deńgeıin áleýmettik saıasatty kúsheıtý arqyly kóterý qajet dep sanaıdy. JSDP atynan saılaýǵa túskeli otyrǵan úmitkerler kúnkóris deńgeıiniń tómen mólsherin esepteýdi ózin­dik ádisterimen jasamaqshy. Partııalyqtar eńbekaqy men áleýmettik tólemder kólemin osyǵan saı eseptep usynbaq. Aınash ESALI. * * *

UIYMShYLDYQPEN JALǴASTYRÝDA

Qazaqstan Kommýnıstik halyqtyq par­tııa­sy Ortalyq komıtetiniń hatshysy Vladıslav Kosarev О́skemen qalasyndaǵy táýel­siz baspasóz-klýbynda baspasóz más­lıha­tyn ótkizdi. Oǵan V.Kosarevten basqa QKHP-nyń Shyǵys Qazaqstan oblystyq komıtetiniń hatshysy Iý.Kýshkýnov pen qa­lalyq más­lıhat depýtattyǵyna kandıdattar G.Botabaeva, N.Borısova, V.Lıtvınov qatysty. V.Kosarev partııanyń saılaýaldy tu­ǵyr­namasymen tanystyryp, QKHP aldyn­da turǵan perspektıvaly mindetter men olardy sheshýdiń joldary týraly jan-jaqty áńgimelep berdi. Sondaı-aq, aldaǵy saılaýǵa baılanysty qoıylǵan jýrna­lıs­terdiń kóptegen suraqtaryna jaýap qaı­tar­dy. Máslıhattan soń V.Kosarev partııa­nyń oblystyq komıtetiniń ofısinde QKHP-dan qalalyq máslıhat depýtat­tyǵyna kandıdattarmen kezdesý ótkizdi. Úgit-nasıhat jumystarymen Qaraǵan­dy­ǵa partııadan Májilis depýtattyǵyna kan­dıdattar Jambyl Ahmetbekov, Borıs Sorokın jáne Tólesh Kenjın keldi. Serik­teri­niń qoldap, qolpashtaýymen olar qala­da­ǵy ortalyq bazarda bolyp, D.Qonaev atyn­daǵy ýnıversıtette saılaýshylarmen kezdesti. «Shyǵys» bazaryna Qazaqstan Kommýnıstik halyqtyq partııasynyń músheleri tústen keıin keldi. Kire beriste qyzyl jamylǵy men sondaı tústegi sharf taqqan adamdar paıda bolǵany sol edi, bazar­da­ǵy­lar birden olarǵa nazar aýdardy. Halyq­shyl kommýnıster kóptegen satý­shylar men satyp alýshylardy, olardyń prob­lema­la­ryn úkimettik deńgeıde kóterý­ge ýáde etip, aldaǵy saılaýda ózderine daýys berýge shaqyrdy. Partııanyń Aqmola oblystyq komıteti mektepterdi qoldaý maqsatynda «Bolashaq» aksııasyn uıymdastyrdy. Mamandan­dy­rylǵan mektepte halyqshyl kommýnıster erteńgilik ótkizdi. Balalarǵa kitaptar men syılyqtar tartý etildi. Jylqybaı JAǴYPARULY.

* * *

AÝYLDY KО́TERÝ – BARShANYŃ MINDETI

«Aýyl» partııasynyń ókilderi mu­naı­ly óńirdegi aýyl sharýashylyǵymen kóbi­rek aınalysatyn Mahambet, Qyzylqoǵa aýdan­daryna bet burdy. Aýyl eńbekker­leri­niń muń-muqtajyn kóbirek biletin, so­ǵan oraı saılaýaldy baǵdarlamasyna osy salanyń problemalaryn molyraq túzgen partııa ókilderi keleshekte shopandar men eginshilerdiń múddesin qorǵaýdy kózdeıdi. О́ńir ortalyǵyndaǵy kezdesý Atyraý agrarly tehnıkalyq kolledjinde jalǵa­syn tapty. Munyń ózindik sebebi bar. Bul – oblysta aýyl sharýashylyǵy maman­da­ryn daıarlaıtyn birden-bir oqý orny. Kolledjde bolashaq mal dárigerleri men zootehnıkter, mehanızatorlar men balyq ónerkásibiniń mamandary dáris alyp júr. Oqý ornynyń májilis zalyna jınalǵan bolashaq aýyl sharýashylyǵy mamandaryn «Aýyl» partııasynyń ókilderi ózderiniń saı­laýaldy baǵdarlamasymen tanystyrdy. Aýyl-selolar men aýyl sharýashylyǵyn da­mytýdyń joldary týraly oılaryn or­ta­ǵa saldy. «Aýyl» dep atalǵanymen, bizdiń partııa qala men dalaǵa ortaq problema­lar­dy qamtıdy. Sebebi, elimizdi azyq-túlikpen qamtyp otyrǵan aýyl sharýashylyǵy ekeni daýsyz. Endeshe, aýyl turmysy, ondaǵy ózekti máselelerdi sheshý joldaryn bar­sha­myz birlesip sheshýimiz kerek. О́ıtkeni, aýyl – qazaqtyń altyn besigi». Bul – «Aýyl» partııasy ókilderiniń júrekjardy pikiri. – Aýyl sharýashylyǵy salasyn órken­detý úshin lızıngtik jolmen jumys jasaý tıimdirek bolady. Bul salada birden ta­bys­qa jetý múmkin emes. Iаǵnı, uzaq úderis shydamdylyqty qajet etedi. Sol sebepten, aýyl sharýashylyǵyna uzaq merzimdi nesıe berilýi kerek dep esepteımiz. Biz osy má­se­leniń oń sheshilýin qalaımyz. Bul – bizdiń baǵdarlamamyzdyń basty tarmaǵy, – deıdi «Aýyl» QSDP tóraǵasynyń orynbasary, akademık Kópmaǵambet Elemesov.  Joldasbek ShО́PEǴUL. Atyraý oblysy. * * *

 ÁDILETTILIKKE ÚN QOSÝDA

«Ádilet» demokratııalyq partııasynyń saılaýaldy úgit-nasıhat jumystary bizdiń óńirde de belsendi júrgizilýde. Oblysqa Parlament Májilisine depýtattyqqa «Ádi­let» partııasynyń tizimimen túsken úmit­kerler – partııa tóraǵasynyń birinshi oryn­basary Ýálıhan Qaısarov jáne tór­aǵa orynbasary Mádı Artyǵalıev keldi. Olar Aqtóbe qalasyndaǵy «Bulbul» bala­baqshasynyń, Q.Jubanov atyndaǵy ýnıversıtet pen kolledj qyzmetkerlerimen jáne stýdentterimen kezdesti. Aqtóbe qala­syndaǵy №KA–168/1 qylmystyq-atqarý júıe­si mekemesiniń qyzmetkerlerimen, jyl­jymaly mehanıkalyq stansadaǵy temir jol qyzmetkerlerimen, №7 lıseı ujymymen de jyly júzdi júzdesýler ótkizildi. Kezdesýlerdiń basty maqsaty «Ádilet» partııasynyń baǵdarlamasymen halyqty tanystyrý, turǵyndardyń kókeıkesti máse­le­leri boıynsha suraqtaryna jaýap berý, sonymen qatar, azamattardy belsendi túrde saılaýǵa qatysýǵa shaqyrý bolyp tabylady. Olar bul jumystardy óńirde uıymshyl­dyq­pen ótkizýde. Ádilettikter Qazaqstan Parlamenti Májilisine jáne barlyq deńgeıdegi máslıhattarǵa ózderi usynǵan úmitkerlerdiń saılaýda jeńiske jetetinine senimdi. Júzdesýlerde “Ádilet” demokratııalyq partııasy tóraǵasynyń birinshi orynbasary Ýálıhan Qaısarov partııanyń saılaýaldy tuǵyrnamasynyń negizgi baǵyttaryn júıe­leı áńgimelep, birtalaı ózekti máselelerge toq­taldy. Ol Otanymyz úlken múmkin­dik­terdiń aldynda turǵanyn, ózderiniń maqsaty – kúrmeýi qıyn máselelerdiń túıinin sheshýge quqyqtyq turǵydan kómektesý ekenin jetkizdi. Qazaqstannyń «Ádilet» demokratııalyq partııasynan Parlament Májilisi depý­tattyǵyna kandıdattar sondaı-aq «Kapıtal Plaza» bıznes-ortalyǵynda buqaralyq aqparat quraldary ókilderimen baspasóz más­lıhatyn ótkizip, oǵan oblystaǵy qoǵam­dyq birlestikter ókilderi, soǵys ardagerleri, zeınetkerler, densaýlyq saqtaý organ­da­ry­nyń qyzmetkerleri jáne múgedek azamattar men sheteldik baıqaýshylar qatys­ty. Munda da Parlament Májilisine jáne bar­lyq deńgeıdegi máslıhattarǵa saılaý­dyń ashyq jáne zańdylyqtarǵa saı ót­kizilýi, elimizdiń ekonomıkalyq damýyna qatysty máseleler tóńireginde, quqyq jáne zańdy­lyq talaptaryn saqtaý jaıy áńgime boldy. Satybaldy SÁÝIRBAI. Aqtóbe oblysy.