Elge jasaǵan jaqsylyq eselenip qaıtatyny anyq

Qazaqstanda áleýmettik salaǵa qamqorlyq tanytý aıasy keńeıe túsýde

Buryn da birneshe ret aıtqanymdaı, ádil áleý­met­tik qorǵaý, bilim berý men densaýlyq saq­taýdyń ádil júıesi, ádil jastar jáne turǵyn úı saıasaty – qazaqstandyq damýdyń jańa kún tártibiniń máseleleri, mine, osy­lar. Sondyqtan Qoǵamdy áleýmet­tik jańǵyrtýdyń naqty stra­tegııasyn ázirleý qajet.

Nursultan NAZARBAEV.

 * * *

BIZ «RODINADA» TURAMYZ

Bıyl biz úshin aıryqsha qýanyshty jyl. Súıikti Otanymyz óz Táýelsizdiginiń 20 jyldyǵyn atap ótse, 17 jeltoqsan kúni sharýashylyǵymyz 50 jyl­dyq mereıli belesin toılady. «Elý jylda el jańa» degen ras. О́ńirimizdiń jaınap, jasara túsýin Qazaqstannyń táýelsizdik alýymen baılanystyrýdy bizdiń úsh eldi meken tur­ǵyndarynyń tirshilik-tynysynan aıqyn ań­ǵarýǵa bolady. Adamdar taǵdyryndaǵy qıyndyq pen qýanysh, el ıgiligi jolyndaǵy qajyrly eńbek pen jańarý úrdisindegi ıgi umtylystar jergilikti murajaı qujattarynda aıqyn beınelengen. Onda eki qoǵamdyq júıeni biriktirgen 50 jyldy­ǵy­myz­dyń ashy da tátti jyrlary qattalǵan. «Rodı­na­lyqtar» jańa ǵasyr men jańa táýelsiz ómirge nyq qadamdarmen aıaq basa aldy. Muny biz eń aldymen Tuńǵysh Prezıdentimiz N.Á.Nazarbaevtyń aqyl-keńesi men aq batasyna adal I.A.Saýerdiń otan­súıgishtigimen, tabandylyǵymen baılanys­tyramyz. Nebary 29 jasynda sovhoz basqarǵan Ivan Adamovıchtiń omyraýynda «Dostyq», «Parasat» ordenderi jarqyraıtyndyǵy, kúni keshe Elbasynyń qolynan «Otan» ordenin alýy kóp jaılardy ańǵartsa kerek. Biz «Rodınada» turamyz dep maqtana alamyz. Agrofırma merekeli jyldy 2 mıllıard teńgelik jalpy ónim kirisimen aıaqtaǵaly otyr. Mundaı rekordty kórsetkish qarapaıym malshylar men dıqandardyń, orta býyn óndiris basshylarynyń eńbek jemisi men jeńisi. Osyǵan oraı, sharýa­shy­lyq basshylyǵy aýyl turǵyndarynyń ómir jaǵ­daılaryn jaqsartýǵa aıryqsha kóńil bóletindigin rızalyqpen aıtamyz. Qýatty ekonomıka óndiristik býyndardy zaman talabyna saı nyǵaıtýmen qatar áleýmettik salanyń áleýetin arttyryp otyr. Bizde 40,6 shaqyrymǵa aýyz sý qubyrlary tartylsa, 10 shaqyrymdyq jol asfalttalyp, elektr jary­ǵymen qamtamasyz etilgen, ortalyq qonystyń turǵyn úıleri men ákimshilik ǵımarattary ortalyq jylý júıesine qosylǵan. Munda, tipti, haıýanattar baǵy jumys isteıdi. Ásem saýda úıleri, meıramhana, ashana, mádenıet úıi men klýbtar, óner jáne sport mektepteri, ertegideı bezendirilgen «Solnyshko» balalar baqshasy, oqtaı túzý kóshelerdegi sáýletti úıler aýyl men qala tirshiligin jaqyndata túskendeı. Sharýashylyq esebinen eýrojóndeý júrgizilgen mektep, dárigerlik ambýlatorııa, qarttar úıi, stadıondar kóńilge qýanysh uıalatady. Ár aýyldy erekshelendirip turatyn ózindik dástúrler bolady. Bizde birde-bir meıram, aýyl turǵyndarynyń qýanyshy men taýqymeti eskerýsiz qalǵan emes. О́ner juldyzdary ózimizde de jetetin. Bul oraıda, el maqtanyshyna aınalǵan «Ofıserler horyn» bólektep aıtar edim. Qat-qabat sharýa­laryna qaramastan, olardyń shyrqaǵan daýsy shyq­qanda selt etpeıtin jan joq. Atalmysh hordyń sapynda «Rodına» agrofırmasynyń basshysy, zapas­taǵy polkovnık Ivan Saýer, aýǵan soǵysynyń ofıserleri ınjener Mıhaıl Mılıýkov pen qurylys ýchaskesiniń bastyǵy Magomet Ibakov án salǵanda jas urpaq rýhy asqaqtaǵandaı áser ala­ty­nymyz bar. Sondaı-aq, dástúrli densaýlyq spar­takıadasyn ótkizýge qyrýar qarjy jumsalýda. Osynyń arqasynda sporttyń 20 túri boıynsha 18 komanda qurylyp, synǵa túsip júr. Bıyl erekshe mańyzdaǵy eki áleýmettik nysan iske qosyldy. Onyń biri jabyq hokkeı korty bolsa, ekinshisi pravoslavıe hramy. Oblystaǵy eń úzdik aýyl okrýgi jáne aýyl ákimi ataǵyn qoldan shyǵarmaı kele jatqan «Rodınada» áli de talaı ıgilikter júzege asatynyna kámilmiz. Qazaqstan táýelsizdiginiń ulyq murattary osyny mindetteıdi. Lázzat QONARBAEVA, aýyldyq okrýg ákimi.

Turǵyndar lebizi

Petr KLIMENKO, bas dırektordyń orynbasary. Sharýashylyǵymyz Astananyń azyq-túlik beldeýin qamtama­syz etýge belsendi túrde qatysady. Bıylǵy jyl basynan beri 5000 tonna sút jáne sút ónimderi elorda dastarhanyna jetkizildi. Olar júzden astam saýda núktelerinde aınalymǵa túsip, 50 balalar men mektep jasyna deıingi mekemelerdiń, 10 densaýlyq saqtaý oryndarynyń ıgiligine jaratylýda. Bylaısha aıtqanda, kún saıyn arnaıy tehnıkalar tizbegi elimizdiń bas qalasyna 15 tonna ónim tasymaldaıdy. Suranystyń ósýi qaıta óńdeý salasyn damytýdy talap etýde. Osy maqsatta agrofırma qosymsha qarjy jumyldyryp, zamanalyq sút zaýytynyń qurylysyn aıaqtady. Quny 600 mıllıon teńgege jýyq jobanyń qýaty táýligine 50 tonna sútti qaıta óńdeýge múmkindik beredi. Iýrıı GORODESKII, kombaınshy. Merekeli jyly dıqandarymyz 50 myń gektar jer óńdep, qyrmanǵa 83 myń tonna altyn dán jetkizdi. Gektar túsimdiligi 22 sentnerden aınaldy. Bul buryn-sońdy bolmaǵan ónim tasqyny. Munda dıqan qaýymynyń janqııarlyq eńbek úlesi bar. Al, men óz kombaınymmen 1700 gektardyń eginin oryp, 2590 tonna astyq bastyrdym. Sharýashylyqta jer óńdeýdiń ozyq tehnologııasy, ósimdik qorǵaýdyń tıimdi sharalary qoldanylady. Tyńaıtqyshtar men hımıkattar sebýde agrofırma menshigindegi «An-2» ushaqtary qol uzartyp otyr. Sondaı-aq, sońǵy jyldary tehnıkalyq parkimiz zamanalyq «Bıýller», «Klass», «Djon Dır» kombaındarymen tolyq­ty. Bul eńbek ónimdiligin arttyryp, tabysymyzdy molaıta tústi. Danagúl RAHYMBEKOVA,  sharýashylyqtyń zań mamany. Men 2005 jyly jergilikti mektepti «Altyn belgimen» bitirip, memlekettik «Bolashaq» baǵdarlamasymen         joǵary bilim aldym. Meniń synyptasym, «Altyn belgi» ıegeri Aıgúl Qulmaǵambetova da Máskeýdiń ishki ister akademııasyn oıdaǵydaı bitirip, Astanada abyroıly qyzmet atqaryp júr. Muny aıtýym maqtan úshin emes, mektebimizdegi tárbıe-bilim isiniń bıik deńgeıge qoıylǵandyǵynan derek berý edi. Mektep biryńǵaı ulttyq testileý boıynsha aýdan abyroıyn asyrýda. Jalpy, mektep túlekteriniń 50 paıyzy memlekettik grant ıegeri atanyp júrgendigi qýanyshty jaǵdaı. Qazirgi kúni «Bolashaq» stıpendıattary Vladımır Sýrov Ulybrıtanııada, Lıýbov Verevkına men Rashat Mamedov MMÝ-de oıdaǵydaı oqyp júr. Al, sharýashylyq stıpendııasymen Agrarlyq ýnıversıtette oqyǵan Konstantın Banshıkov qazir fırmamyzdyń bas tehnology. Bolashaqty oılaıtyn I.Saýer basqaratyn «Rodına» JShS talapty jastardy qoldaýǵa daıyn turady. Osy maqsatqa 12 mıllıon teńge jumsalyp otyrǵany sózimniń dáleli bola alady. Roza ÁLIBEKOVA, balabaqsha qyzmetkeri. Sharýashylyq basshysy, ekonomıka ǵylymdarynyń kandıdaty, respýblıka bilim berý isiniń úzdigi Ivan Adamovıch Saýer memlekettik tilimizdiń shyn janashyry eken. Osydan on jyl buryn Gúlbaný Úsenova apaıymyzdy arnaıy shaqyrtyp, úı-jaıyn qamdap beripti. Qazir Rodına aýylynda qazaq tili men ádebıeti páni muǵalimderiniń sany tórteýge jetti. Turmystyq jaǵynan tolyq qamtamasyz etilgenbiz. Men balabaqsha búldirshinderine dáris berýdemin. Sabaqqa ózge ult ókilderiniń de yntasy artyp keledi.