«Egin» JShS negizinen eginshilikpen aınalysady. Bıyl 7 myń gektar jerge ósirilgen astyqtyń gektar berekeliligi 30 sentnerden aınaldy. Aýylsharýashylyq tehnıkalaryn jańartyp alýdyń arqasynda kóktemgi, kúzgi dala jumystary sapaly atqarylyp júr. Byltyr kúnine 120 tonnaǵa deıin astyq óńdeı alatyn dıirmen-makaron kesheniniń birinshi kezegi iske qosyldy. Ony salýǵa «QazAgroQarjy» kompanııasy tarapynan 150 mıllıon teńge lızıngtik qarajat bólinip, qural-jabdyqtar Túrkııadan ákelindi. 44 jumys orny ashylyp, astyq saqtaıtyn eki qoıma boı kóterdi. Sharýashylyq bıyl údemeli ındýstrııalyq-ınnovasııalyq damý baǵdarlamasy aıasynda óndiristi odan ári keńeıtip, 220 mıllıon teńgelik jobanyń ekinshi kezegin júzege asyrdy. Sehtarǵa bir mıllıon dollardyń ıtalııalyq qondyrǵylary ornatyldy. 24 adam jumyspen qamtyldy. Elbasy Nursultan Nazarbaev qatysqan telekópir kezinde Iаvlenka kentinde ornalasqan osy zamanǵy tehnologııalarǵa negizdelgen dıirmen-makaron kásiporny paıdalanýǵa berildi.
Jalpy, jobalyq qýaty jarty mıllıard teńgeni quraıtyn jáne jylyna 4 myń tonna makaron ónimderin shyǵaratyn keshen búgingi kúni tolyq qýatynda jumys isteı bastady. Ol táýligine 14 tonnaǵa deıin makaronnyń ondaǵan túrin shyǵarady. 100 tonna un tarta alady.
– Jańa jyldan bastap óz ónimderimizdi Qazaqstannan tysqary jerlerge, atap aıtsaq, Reseı men О́zbekstanǵa jónelte bastaıtyn bolamyz,– deıdi basty ınvestorlardyń biri Vladımır Chýbykın.
О́mir ESQALI.
Soltústik Qazaqstan oblysy, Esil aýdany.