Kórshi el Qytaıda Xiaomi kompanııasy jyldan jylǵa órkendep, alyp brendterge básekeles retinde qaýip tóndirip otyrǵanyn bilemiz. Biraq jaqynda bul elde koronavırýs aýrýy shyǵyp, sıfrlyq derjava atanǵysy keletin elge talaı ekonomıkalyq qıyndyqtar týdyryp otyrǵany da aıan. Qytaı jańa jylynda jan-jaqqa tarap ketken halyq endi ózderi jumys isteıtin óndiris oshaqtary kóp úlken qalalarǵa qaıta almaı dal bolýda. Bul halyqtyń da, kásiporyndardyń da qaltalary qaǵylyp, shyǵynǵa batyp jatqandyǵyn kórsetedi.
Kompanııa bas dırektory Leı Szıýn ózderiniń osyndaı oqys jaǵdaılardan shyǵýdyń amalyn da tapqanyn aıtty. Tipti, ol óz suhbatynda birde-bir adam jumys istemeıtin, tolyǵymen avtomattandyrylǵan óndirisi bar zaýytty salýdyń alǵashqy kezeńi bitkenin de jarııalady. Jańa zaýyt mınýtyna 60 smartfon shyǵaryp, dástúrli óndiristerden 60 paıyzǵa artyq ónimdi jumys istemekshi eken.
Avtomattandyrylǵan jekeleı bólimsheler buryndary iske qosylyp, synaqtan jaqsy ótkendikten mundaı zaýyt jumysyn jolǵa qoıý qıyn emes kórinedi. Tek koronavırýs máselesi ǵana azdap tejeý bolyp otyrǵany aıtyldy. Insaıderlerdiń boljaýynsha zaýyt besinshi býyndaǵy qondyrǵylardy paıdalanatyndyqtan óndiris tıimdiligi óte joǵary bolady.