SpaceX jáne Space Adventures kompanııalary 2022 jylǵa Jer orbıtasyna saıahatshylar ushyrý týraly kelismshartqa otyrǵan. Bul týraly Space Adventures aqparat qyzmeti habarlady.
Alǵashqy sapar 2021 jyldyń aıaǵy men 2022 jyl ortasyna deıin jasalmaqshy. Sapar 5 kúnge sozylyp, oǵan 4 saıahatshy barmaq. Olar AQSh-tyń Florıda shtatyndaǵy Kanaveral múıisinen Crew Dragon korablimen ushady.
Bul korabldiń Halyqaralyq ǵarysh stansasymen túıisýi josparda joq. Mundaı ǵarysh sapary qanshaǵa túsedi degen saýalǵa kelsek, 100 mln AQSh dollary mólsherinde baǵalanyp otyr.
Ilon Masktiń jospary boıynsha qaýipsizdik máselesi de óte joǵary deńgeıde sheshilgen. Oǵan ótken aıdyń ortasynda arnaıy Falcon 9 raketasyn ushyryp, ony josparly túrde jaryp, adamdar qutqaratyn jeke kapsýlanyń jerge aman-esen qonǵandyǵy kýá bola alady. Iаǵnı, apatty jaǵdaıda ǵaryshqa ushqan saıahatshylar aman-esen oralýyna barlyq jaǵdaı jasalǵan.