«Tumardan» tumar taqqandar

Aqparat jáne qoǵamdyq damý mınıstri Dáýren Abaev jeńimpaz­dardy quttyqtap, televızııa qyz­met­kerleriniń shyǵarmashylyq izdenisteri­ne jol ashyp, salanyń damýy­na jáne óz isiniń sheber­leri arasynda adal básekeles­tik­tiń ósýine serpin bergen joba ekenin atap ótti. «Úzdik derek­ti fılm» ata­ly­­m­ynyń músin­shesi «Atameken business» telearnasynyń «Kórshiler» fılminiń ujymyna tabys­taldy. Al «Qazaqstan» telear­nasynyń «Ashyq alan» baǵdar­lamasy jyldyń úzdik tok-shoýy atansa, «Úzdik oıyn-saýyq baǵdarlamasy» boıynsha «Habar» telearnasynyń «Central Asia’s Got Talent» baǵ­dar­lamasy ozyp shyqty. «KTK» telearnasyndaǵy «Bolshıe novostı» jobasy «Úzdik aqparattyq baǵdar­lama» atandy. «Úzdik áleýmet­tik joba» músinshesi «31 arnadan» kórsetilgen «Anashym, biz úıdemiz» baǵdar­lamasyna berildi. «Gakku» telear­nasyndaǵy «Bir toqsan» jobasy «Úzdik televızııalyq serıal» dep tanyldy. Sony­men birge «Almaty» telear­nasy «Úzdik óńir­lik telearna» atalymynda jeńip shyq­ty. «Úzdik telejýrnalıst» ata­­ly­­­myn­da jýrnalıst, «Pervyı Kanal Evrazııa» telear­n­a­synyń re­dak­tory Oleg Jýr­kevıch marapattal­dy. Vı­ta­lıı Popovtyń «MIR» tele­­ar­­na­syndaǵy «Túrki ále­mi­niń besigi» jobasy «Úzdik rejıs­ser­lik jumys» retin­de baǵa­landy. «Úz­dik tele­júr­gizý­shi» sanatynda «QAZAQSTAN» telearna­syn­daǵy Jaına Jaq­sy­­lyqova jeńimpaz dep tanyldy. Aıta kete­ıik, «Tu­mar» ulttyq televı­zııa­lyq báı­­ge­si bıyl kezekti ret uıym­­das­­­­ty­rylyp otyr. Júl­de qa­zaq­­stan­dyq teleın­dýst­rııa­ny yn­ta­­lan­d­yrý maq­satynda beriledi.

Bir aıtyp óterligi, baı­qaý tarıhynda tuńǵysh ret qazy­lar alqasynyń quramy­na halyq­aralyq deńgeıdegi sarapshy­lar endi. Máselen, TEFFI syılyǵynyń ıe­geri, New York Film Academy oqy­tý­­­shysy, «Tumar 2020» syı­lyǵy­nyń qazylar al­qa­sy­­nyń múshesi Evgenııa Vlasova «Baıqaýǵa qatysýǵa usy­nyl­ǵan qazaq­­stan­dyq serıaldar halyqaralyq deń­geı­ge shyǵa alady. Habar tara­tý­dyń qos tili, qos máde­nıet, ári bir maq­satqa as­qan jyl­damdyqpen umtyl­ǵan bir halyq, bir el», dedi. «Tumar» Ult­tyq televı­zııa­lyq syı­­lyǵy 2017 jyly Aq­parat jáne qo­­ǵam­­dyq damý mı­nıstr­­liginiń bas­tamasymen taǵaıyndalǵan.